Ititatso 7:15 - Kutsingken Ira Rimam ti Saen Kyag

¹⁵ Nee iken ti nde, aba ba tsi uwe kutxomkwe Rimam, ku fen wu usirtaen ti utitang, uwae kusog-wu. Ama Awu ti somtsa kutxomkwe ne u nungkyi ba, u si uwog awùm-ba.

Ititatso 7:15 Iomraidhean Croise

Itiruye 29:45

Ama ame u somsi kutampwa anyisu Isirela, u si Rimam-ba.

Yohana 1:14

Ira Unju Rimam wu sa ijwe rimenn-ti ande u ru ba som kutampwa-ti uwae kiye kpang. Ati ama nungye pu ti riyinn-wu. Ayi si riyinn ti si ana Umbae kinjo ti ruye uwog Itse-wu ba. Awu munn ti ayibrisi ti kubenti.

1 Korinti 3:16

Ani ti si kusog Rimam, uwog ti Kusung Rimam ku som atang, ani nung-ni be a?

2 Korinti 6:16

Imi ti ren kusog Rimam te kufug apxin? Ati ande Rimam si kusog Rimam, awu Rimam ti si Rimam ti site unyang. Pangma ti awu ri baa, “Ame u som usom te ba; ame u kyang ikyin kutampwa-ba. Ame u si Rimam-ba; aba ama u si ande-m.”

Mbaibrane 12:2

Ti pu ayib cwutsa Yesu ti si ipab ti itikumunn uwae kinjo-ti, awu nung utob ti tsen ti tsi ku ji wu uwe, u ye utob, u cwu ricwu risu kutuku ti cice, u saeru rukwae ti wae yi, u ka som kujwo rici na kutxom ukwe Rimam.

Mbaibrane 8:1

Imbyi ira yi ti ati ku ri ta re: Ati site kukwen tiyang ne, ti som kujwo rici kutxom ukwe Rimam ti skeb titag, yi apupwen.

Ititatso 11:19

Isim ayine, ufu kusog Rimam ti apupwen mbubta, ama a sae akpati unju ti yer na Rimam tsi uwae atang. Imam ku taen u ku jaen wur wur, utense kyikyá, ama upwen ku ta ibu.

Ititatso 13:6

Awu mbubta unju-wu, ku txunmbeb Rimam, u ku ri unju titibi risu rinyi Rimam fa ti uwog ti som Rimam apupwen, ti aba ti som atang.

Ititatso 20:10

Ama awu fáen-ra Shetann wu ti kyaefa ba, u ye wu jwunnsi uvum urwa ti ku ten ku jim-wu jim be, uwog ti ibye titibi wune, ti unde ti ku ya iskin ira ti tikong ta atang. Aba u ngwa rikaen atang usirtaen ti utitang, ititsikunn-yi ta-yi be.

Ititatso 21:22

Ame nung-m kusog Rimam uwae uka wune be, ikyaen ti, Rimam Itsekuru-ti ti site kuko patag, ti Mbae Utam, aba ti si kusog wu ti risu-ba.

Ititatso 22:3

Meme iken ti Rimam faen yi kufaen u ta-yi uwae uka atang be. Kutxomkwe Rimam ti ana Mbae Utam, u ta uwae atang. Ama apyi na Rimam u fen wu atang.

Ititatso 22:5

Utitang u ta-wu atang cwucwo be. Aba u sha-ba urwa fitila ko ana usir cwucwo be, ikyaen ti, Itsekuru-ti Rimam ti u si urwa-ba. Aba u som usom ukwe ti ititsikunn-yi ta-yi be.

Ititatso 4:4

Ame sae atxomkwe iki ka rikom asu inje, tā pakob kutxomkwe wune. Ande ndufu rikom asu inje, si atupwa ti tsen, u bur ubur ukwe ti a kyae yi te zinariya, u somtsa risu atxom ukwe yine.

Ititatso 4:8

Iken inje yi ti ku nyang unyang, site asae itsongnjo itsongnjo, u site ayib ti ku shag shag shag shag yine. Usirtaen ti utitang, ayi tsi kunn akyang ti yang baa, “Saenkyag! Saenkyag! Saenkyag! Itsekuru-ti Rimam saen kikyag! Awu ti site kuko patag, ti ta atang tine, u si ti kute, u si ti ku ba uwe!”

Ititatso 4:9

Iken ti site unyang yine ku teb Awu ti somtsa kutxomkwe, ti tsi yiyer wune, u ku nda wu kuko ti riyinn ti fxaefa. Ko kiye titini ti aba a ku nde ahan,

Ititatso 7:9

Isim ayine ame sae ujwunn ande ti funn, ti unde u pwen tu-wu aba be, ti ruye uwae utso ande meme, ti uwae rishi ande meme, ti uten ti ta uwae utense patag ti unju-ba txi txi. Aba tsi uwe kutxomkwe ti uwe Mbae utam wu. Aba si arun titsen u ye su asaen itu ajwo-ba.