Ititatso 7:14 - Kutsingken Ira Rimam ti Saen Kyag

¹⁴ Ame ri te wu baa, “Itsekuru, afu ti nung.” Awu ri te m baa, “Abane si ande ti ruye uwae rikaen tiyang wu. Aba jwo saen pu ba arun-ba, u sa yi kafe titsen uwae anying Mbae utam.

Ititatso 7:14 Iomraidhean Croise

Itiruye 37:3

Ama awu kwen kunyang zinariya inje u pu sang ikub na afxen akpati wu. Kunyang ifaen ta iyen kyab ne, ifaen ama ta iyen ti ifaen.

Daniyel 11:35

Ama ariki uwae ande ti ben ayib ba u jwunnsi, ikyaen ti aba u sisaen u shanum ti riraen ka sang ti usir ti ricwunnkyi, ikyaen ti, ayi si-yi kiye ti a sa tsi khika be.

Daniyel 12:1

“Kiye wu Mikayel, unde ti uwe atom ti apupwen ti ku nungkyi ande-fu, u nwunn. Ayi u si kiye rikaen tí ngwa, itso rikaen ti tu ji-yi ande ti ti uten wu bag be. Amaa, kiye wu, ande-fu u tu itinwangru, ko aye ti rinyi-wu baesi uwae kutsingken.

Daniyel 7:16

Ame ka tu kinjo uwae ande ba ti tsi atang, u rang wu ti awu na ri te m imbyi kurwa yine. Ama awu ri te m imbyi kurwa yi baa,

Matiyu 24:21

Ikyaen ti, rikaen uwae kiye wune u skeb tag rikaen ti ande ngwa ti ti Rimam mam utense ru ba ti usir ti yaka ne.

Markus 13:19

Ikyaen ti, rikaen ti uwae kiye wu ti ame ku ri ne u skeb tag pu yi rikaen meme pab, ti ti Rimam kyae utense ba kwar ti yaka ne. Ama ande u ngwa-ba rikaen itso yine uwe ike cwucwo be.

Yohana 16:33

Ame ri ira yine te ni ikyaen ti uwae ijwe ti ren ti ani ren te m, ani u tu utob ti nae riben uwog-m. Utense u nda ni rikaen. Amaa ni tsi ti ribom utob. Ame ci pu m rika risu utense wune.”

Wande Atom 14:22

A ku kyang ku ri bom ande na Yesu utob baa, aba na tsi ti kubenti uwae fengo Yesu. A ku kwen na ande baa, “Ati na u ngwa kang rikaen ti tsotso itawe ati sang kujwokwe Rimam.”

Roma 5:3

Ti siskeb meme, ati ku kam ashwu uwae rikaen-ti, u nungye baa, rikaen na ku nda ti utob ti ye.

1 Korinti 6:11

Kute ariki uwae-ni ta uwae utso ande bane. Amaa, Rimam jwosaen pu wu ani uwae ikentitibi-ni u nda ni kafe ande-wu. Ikyaen wande na Itsekuru-ti Yesu Kristi ti kuko na Kusung Rimam, ani kafe ande ti tinyang uwe Rimam.

2 Tesalonika 1:4

Iken yine nda ame ti ande-m ike ku ndub ijwe uwae ambub ande Rimam ti tsitsi. Ati ku ri te ande baa, ani na tsi kunn ti ku ru kubenti, ko ti ande na ku nde ni rikaen ti tsotso.

Mbaibrane 13:12

Nee iken ti nde, Yesu ama cwu isim uten ti awu ā jwo saen ikentitibi ande ti anying-wu.

Mbaibrane 9:14

Amaa, anying na Kristi u nde kang wande ikyaen ti, uwae itindeya Kusung ti Saen Kyag, awu ti si unde ti si-wu te riraen be, sa risu-wu na Rimam, ama jwo ru tag ajwo wande titibi uwae utob-ti ikyaen ti ti u fen tu Rimam ti site unyang.

1 Bitrus 1:19

Ayi si anying na Kristi ti bom kujaeb timambe. Kristi ti si umbae mbawen ti tsaen fufxer u si-wu ti ajib be ti a sa anying-wu jaeb mbe ni atang.

1 Yohana 1:7

Amaa, asiti ati a ku kyang ikyin uwae itisaen pangma ti awu ta uwae itisaen, kubenti, ati ren ure tetso. Ama anying na Yesu, Umbae-wu, u jwo saen ti uwae ikentitibi-ti meme.

Ititatso 1:5

ti uwog Yesu Kristi, awu ti ku ri tan ira Rimam te ande, awu ti tawe uwe nwunn uwae iticwu, awu ti si ukwe na abikwe utense. Awu ti site ure te ti, u sa anying-wu yaen mbub ikyaen ti wu saen ti ta uwae ikentitibi-ti.

Ititatso 12:11

Ameinja-ti ci pu ba rika risu-wu ti anying Mbae Utam, ti ira ti kubenti ti a ri risu-wu, ikyaen ti, aba cwé iticwu, u sa unyang-ba tika ikyaen Yesu Kristi.

Ititatso 15:2

Isim ayine ame nung iken iki ti pangma ambyi uyinn ti ku jae wur wur pangma iken ti ku sae uwe, naafa te urwa. Ama meme ande ti ci pu ba rika risu usang ti ricwu wu, ti apxin ti awu kyae, ti numba-wu, tsi unju uyinn wu ti ku jae ma iken ti ku sae uwe ne, u ye su afwá Rimam kujwo-ba.

Ititatso 17:6

Ame nung unda wu ngwa ku shishaen te anying ande Rimam, ti anying ande ti a wen ba ikyaen ira Yesu. Kiye ti ame sae wu, tiyinn si m ijwe wabibi.

Ititatso 2:9

Ame nung pu m rikaen ti afu ku ngwa, te ti afu si unde ti rijang. Amaa, kubenti, afu si unde ti rifunn. Ame nung ira ande ti ku txun mbeb Rimam, ama ku kunn ijwe-ba baa, ande Rimam, ira titibi ti aba ku ri risu-fu, ame fxen tag pu m ayi. Ama aba si-ba ande Rimam ti kubenti be. Aba si kusog Shetann.

Ititatso 22:14

Itinyang ā si ana ande ti jwo arun-ba sisaen. Aba u tu kuko ti a u putsa ufu sang ka uwae uka, u ci awaen kutuku na unyang.

Ititatso 5:9

Ama aba yang kukyang tishe baa, “Afu ko pu fu ti fu mbe kupwa wune, u mbubta wu, ikyaen ti, a wen fu. Ti anying-fu, afu jaeb mbe utso ande, ti unju ande, ti ambukwen ande txi txi txi.

Ititatso 7:9

Isim ayine ame sae ujwunn ande ti funn, ti unde u pwen tu-wu aba be, ti ruye uwae utso ande meme, ti uwae rishi ande meme, ti uten ti ta uwae utense patag ti unju-ba txi txi. Aba tsi uwe kutxomkwe ti uwe Mbae utam wu. Aba si arun titsen u ye su asaen itu ajwo-ba.