Ititatso 7:1 - Kutsingken Ira Rimam ti Saen Kyag

¹ Isim ayine ame sae atom Rimam ka inje, tsi ukub inje na utense, u ye ufunn ti ruye ukub inje na utense yine tsi ting, ti ayi ā kae fa-yi utense ko uyinn ko ituku be.

Ititatso 7:1 Iomraidhean Croise

Daniyel 11:4

Kiye ti awu a nwunn pu wu, kujwokwe-wu u kata ka aru inje, amaa, ayi u si-yi rishi-wu ti u ta risu-yi be. Ayi ama u si-yi pangma kiye ti awu ta risu-yi be, ikyaen ti, a u waen ra kujwokwe-wu u nda ariki.

Daniyel 7:2

Daniyel tsag baa, “Ame sunn kurwa utitang ti ufunn ru ukub inje utense ba ku kae ambyi yaenshag uwae uyinn tiyang.

Daniyel 8:8

Iwenten wu kpag fufa, amaa, kiye ti awu kpag mbeb, ishin ti kpakang wu mber ru. Uwog ti ishin wu mber ru atang, ishin inje mbug tsoye atang rukwer ikub inje na utense.

Jona 1:4

Ama Yaweh nda ufunn nwunn ti ribom uwae uyinn atang. Ufunn wu kpag timambe, ku sha ti wu byinmbub kiyae wu.

Matiyu 24:31

A u kunn kutumu ti ribom, ama awu u tom atom-wu ti apupwen kaá byir tag ande Rimam ti awu tsab tsi uwae utense meme.”

Markus 13:27

Ama, awu u tom atom-wu ti apupwen ti a ru yi kujwo usir ti kiskinn ti ti ureb, uwe ti kujwo rici, uwe ti kujwo ife, apupwen ti riben, ti a ka kunn byir ande-wu ti awu tsab ba tsab.

Ititatso 20:8

Awu u ruye kaa kyaefa ambukwen ande ti ta ikub inje ana utense, aba ti si Gog ti Magog. Awu u kunnbyir ba ikyaen rika ti ta. Ujwunn-ba pangma isa ti tsen ti ta unju uyinn.

Ititatso 6:6

Ame fxen kyi ujwin iki ti ruye kutampwa iken inje ti ku nyang unyang, ri baa, “Aser kitu kumyae kinjo na umung awum ā si dinari kinjo. Aser kitu kumyae na umung bali ita ama ā si dinari kinjo. Amaa, kyi-fu kujwo yi aser kindob ti ambyi anam be.”

Ititatso 7:3

u ri te ba baa, “Ni ndembeb-ni utense ti uyinn ti ituku khika be, se ti ati a kum pu ti sitami kutxuwe apyi Rimam-ti titawe.”

Ititatso 8:7

Itikucang kunn ana-wu, ama akóng upwen ti urwa, naafa te anying, yaen si utense. Kujwo kyab iki na utense twen mbub, ya ta ajwo kyab ifaen. Kujwo kyab iki na ituku twen mbub, ya ta ajwo kyab ifaen. Meme irum ti tirisub twen mbub tag.

Ititatso 9:14

Ayi ku ri te atom ti itsongnjo ne ti site kutumu baa, “Ru ka saen atom inje ti a kya ba unju uyinn tiyang ti Yufiretis, ta.”

Ititatso 9:4

A ri te yi baa, ayi na ci ndembeb-yi irum ko afub ko ituku tirisub iki utense be, amaa, ayi na sha nyáng ande ti a kum ba sitami na Rimam kutxuwe-ba be.