Ititatso 6:9 - Kutsingken Ira Rimam ti Saen Kyag

⁹ Ama ti Mbae utam wu mbubta kupwa ti a fxeb ti fa ti itsong, ame sae kuta itifen Rimam tsi, ama imbyi-yi, ame nung unyang ande ti a wen ba ikyaen ira Rimam, ti ira risu Rimam ti a ri.

Ititatso 6:9 Iomraidhean Croise

Kucangtsi 4:10

Yaweh rang wu baa, “Imi ti nde nee afu nde ira beb ahan? Fxen! Anying inja-fu ti yaen sur riben ku kunn rikwen uwe-m ta re.

Itiruye 29:12

Sa kukyikyin kujwo ti fu swae anying indag wu sī sī ishin yi ti ta kuta, ti fu ye ripye anying yi ti tsitsi yaen sang pakob imbyi kuta wu.

Yohana 16:2

Aba u jae ni ruye uwae kusog Rimam-ba. Kubenti, kiye u ba ti unde u wen ni, u kab utob-wu baa, awu na ku nde iken ti Rimam na ku sha.

2 Korinti 5:8

Ikyaen yine, ati ku bom utob. Ayi u nyang skeb uwog-ti ti ti u ya ijwe-ti yine ta u ru ka tu Itsekuru-ti uwae kuru-ti akwen.

Filipi 1:23

Ayi nda m tsi fa kutampwa. Iken ti ame ku sha si ti ame ú cwu u ka som-m te Kristi.

Filipi 2:17

Iki be a u wen m pangma ti a ku yer wen iken na Rimam. Asiti aba a nde ahan u sa anying-m yaen si risu kuta na uwae kinjo-ni, ame ku tsen utob u ku kam ashwu te ni tetso.

2 Timoti 1:8

Ikyaen na yine, wae-fu rukwae ti fu tsag ira Itsekuru-ti te ande be. Ame ama ti a ye m cwunnkyi ikyaen Itsekuru-ti, wae-fu rukwae m be. Sa ijwe-fu konje kuko na Rimam ama ti sang fa me uwae rikaen na wande na ira Rimam ti ti tsag te ande.

2 Timoti 4:6

Ayi a si ti ana-m, kiye fer mam pu yi ti a u sa unyang-m ru ye pangma iken ti a ku nda Rimam. Usir ru ku ba ti ame u ya utense wune ta.

Mbaibrane 12:23

Ani sang pu ni uwae itifunn anyisu rifen Rimam, ti a bae rinyi-ba uwae kutsingken unyang ti apupwen. Ani ba pu ni uwog Rimam, awu ti u pwen ande meme rikwen. Ani sangfa pu ni asung ande ti kubenti, ti Rimam kyae nyang pu utob-ba.

Ititatso 1:2

Yohana ama tsag tag meme iken ti awu sae te ayib-wu, u ri tan ira na Rimam fa ti ira ti kubenti ti Yesu Kristi ri.

Ititatso 1:9

Ame si Yohana inja-ni, ti te ni ku ngwa rikaen, u tsikunn utob ti ye ikyaen Yesu ti Kujwokwe-wu. A yir m u ye m ka nae ukunn uwae uyinn ti rinyi-wu baa, Patamos ikyaen ira Rimam ti ira Yesu ti ame ku riyae yi te ande.

Ititatso 14:18

Atom iki ti ta te kuko risu urwa, ruye uwog kuta ti fen Rimam ba, u ri ira ti ribom te atom ti ye su kisim ti wuwob, u cin fenfen baa, “Ndabta kujwo ti yer awaen ituku anam ti utense, ikyaen ti, ayi ben pu yi.”

Ititatso 16:7

Ame fxen kyi kuta cwe baa, “Itsekuru-m Rimam ti kuko, rikwen-fu, si rikwen ti kubenti.”

Ititatso 19:10

Ame jwunn ikyig uwe-wu, ti m na fen wu, amaa, awu ri te m baa, “Ya ta! Fen-fu ame be, ame ama si sí upyi pangma afu, u si kinjo uwae ameinja-fu meme ti ku putsa ira ti kubenti ti Yesu ri. Fen Rimam.” Ikyaen ti, ira Yesu ku nda ande ya iskin ira Rimam ti kpakang.

Ititatso 2:13

Ame nung uwog ti som-fu, ti si uwog ti a ta kutxomkwe Shetann atang. Amaa, afu baefa m ting ting, u pyir-fu ti fu ru uwae kinjo uwog-m be ko uwae kiye ti a wen Antipas ti tsi ti kubenti uwae ira ti ana-m.

Ititatso 20:4

Isim ayine, ame nung atxomkwe, ama itaen ti somtsa atang si aba ti a nda ba kuko ti a na pwen ande rikwen. Cwucwo ame nung unyang ande ti a pyera risu-ba ikyaen ti aba cwé iticwé ira ti kubenti na Yesu, ti ira na Rimam. Aba ti fen-ba ibye titibi wune, ko ti a u ku riben na iken ti awu mbye tsi be, u yer-ba iwaen na ibye titibi wune kutxuwe-ba ti ajwo-ba be. Aba shwur, u ti Yesu Kristi nae ukwe tetso ka asang kumbub kinjo.

Ititatso 8:3

Tiri atom Rimam ti apupwen kinjo ba tsi uwe kuta zinariya, uwog ti a ku twen ikentitwen atang na Rimam. Kuseb zinariya ta kujwo-wu. A nda wu umung iken ti ku nung kuyang yang-yi, ti wu na twen yi risu kuta zinariya, ti tsi uwe kutxomkwe atang na Rimam, renfa te itijwam meme ande Rimam ti sisaen ti a ku jwam.

Ititatso 9:13

Tiri atom Rimam ti apupwen ti fa ti itsongnjo kunn kutumu-wu, ame fxen ujwin ruye ishin inje na kuta zinariya ti tsi uwe Rimam.