Ititatso 6:2 - Kutsingken Ira Rimam ti Saen Kyag

² Ama ame sae, ti m nunung, kakum ti tsen tsi! Unde ti tso wu ye su ukokuta, ama a sa kubur ukwe na wu. Ama awu ruye ku mbúb rika ku ru, ti wu ci rika.

Ititatso 6:2 Iomraidhean Croise

Matiyu 28:18

Ama Yesu ba ri te ba baa, “Meme kuko ti ta apupwen ti kuko ti ta riben ike, a nda pu ba ame kujwo.

1 Korinti 15:25

Ikyaen ti, Yesu u nae kang ukwe se kiye ti awu a pu meme ande ti rika-wu ba ta askab afxen-wu.

Ititatso 11:15

Isim ti atom Rimam ti apupwen ti itsongfaen kunn kutumu-wu, a fxen afxenjwin ti ribom ku nghae ira apupwen u ku ri baa, “Kujwokwe utense kafe pu yi ana Itsekuru-ti Rimam ti ana Kristi, Unde ti awu Tsab Tsi. Awu u nae ukwe risu utense, ru fife yi uwe.”

Ititatso 11:18

Ande ti utense tso rinae te fu, ama kiye pang pu yi ti rinae-fu u si ba risu-ba ti kubyagkwa. Kiye pang pu yi ti afu u pwen atikicwu rikwen. Afu u nda apyi-fu kujwojang-ba tiri. Aba ti ku ya iskin ira-fu, ti ande-fu ti sisaen, ti meme ande ti ku kyen ikyenricwu-fu, ande ti rurob ti ande ti rob-ba rob be. Kiye pang pu yi ti afu u twenji ande rika-fu ti ku ndembeb utense.”

Ititatso 14:14

Ama ame sae, ti m nunung, kubyi ti ti tsen ba tsi. Unde iki somtsa kubyi wu pangma umbae unde, u bur ubur ukwe na zinariya, u ye su kisim ti wuwob kujwo-wu.

Ititatso 15:2

Isim ayine ame nung iken iki ti pangma ambyi uyinn ti ku jae wur wur pangma iken ti ku sae uwe, naafa te urwa. Ama meme ande ti ci pu ba rika risu usang ti ricwu wu, ti apxin ti awu kyae, ti numba-wu, tsi unju uyinn wu ti ku jae ma iken ti ku sae uwe ne, u ye su afwá Rimam kujwo-ba.

Ititatso 17:14

Aba u ta rika te Mbae Utam, ama Mbae Utam wu u ci ba rika, ikyaen ti, awu ti si Itsekuru na meme itsekuru, u si Ukwe ana abikwe. Aba ti ta te wu, a kunn ba kunn, u tsab ba tsab, aba ti tsi ti kubenti.”

Ititatso 19:14

Meme akyirten ti apupwen putsa wu, u tso kakum ti tsen, u yir tag ijwe-ba te atupwa ti ti tsen ti saen por por.

Ititatso 3:21

Unde ti a ci rika, ame u cwe na wu ti wu som te m kutxomkwe-m, pangma ti ame ci rika u som te Itse-m kutxomkwe-wu.”

Ititatso 9:7

Icwag yi pangma kakum ti a kyae ba tsi ti kujwin ikyaen rika. Iken iki ta risu-yi ti pangma ubur ukwe ti a kyae wu te zinariya. Kutxuwe-yi pangma kutxuwe na ande.