Ititatso 6:10 - Kutsingken Ira Rimam ti Saen Kyag

¹⁰ Aba jwub ira te afxenjwin ti ribom baa, “Itsekuru ti skeb titag, ti si itisaen kyag, u si kubenti, isinn ti afu u ba pwen rikwen, u ye ripab anying-ti kujwo ande ti utense, ti tur yaenmbub?”

Ititatso 6:10 Iomraidhean Croise

Kucangtsi 4:10

Yaweh rang wu baa, “Imi ti nde nee afu nde ira beb ahan? Fxen! Anying inja-fu ti yaen sur riben ku kunn rikwen uwe-m ta re.

Daniyel 12:6

Kinjo uwae-ba rang unde ti sī kutupwa ti tsen ti tsi risu ambyi baa, “Iken ti ku fur ayib yine u ba kumunn isinn?”

Daniyel 8:13

Tiri ame fxen atom Rimam ti saen kyag iki ku ri ira, ama atom ti saen kyag iki cwucwo rang awu ti ku ri ira ne baa, “Ayi u ba kwer isinn ti kurwa risu iken ti twen ti a ku twen na kob Rimam u ba mamtag? Isinn ti ira risu itikpag risu yine ti ku shir na uten ku ukaen u kunmunn, isinn ti a u fxae itisombeb ukag ti saen kyag, ti iticeb akyirten ti apupwen, fa afxen?”

Luka 2:29

“Itsekuru-m, yata ti upyi-fu ā cwu-wu tiri uwae kujimshwur pangma ti afu ri.

Luka 21:22

Ikyaen ti, usir wune si usir ti Rimam u byinn ande kimbab atang. Ayine si ikyaen ti a u kumunn meme ira ti a bae risu usir rikwen uwae Kutsingken Rimam.

Roma 12:19

Arwan-m ti ayib ricwu-m, asiti unde iki a raen ni ira, ni pae na-ni awu ripab ikentitibi be. Ni ya iken meme ta ti Rimam ā pae ripab-yi uwae rikwen-wu. Ikyaen ti, a bae uwae Kutsingken Rimam baa, “Ame ti u byib aku ikyaen-fu, Rimam ti ri. Ame ti u pae ripab ikentitibi ti a nde fu.”

Mbaibrane 12:24

Ani ba pu ni uwog Yesu, ti si unde ti tsi kutanpwa na unju ti yer ti tishe, ti ani ba uwog anying-wu, ti a pu sam sam sam. Ayi si anying ti ku ri ira ti nyang skeb ana Abila.

2 Bitrus 2:1

Amaa, atom ti ku ya iskin ira tikong ta atang ama ti kute, pangma ti ande ti ku kwen ira ti rifen u nwunn kutampwa-ni. Aba u tam sang ti iken ti kwen ti ku mbub ira na Rimam, u pyir Itsekuru-ba wu ti jab mbe ba te anying-wu, u shir ititwenji si ijwe-ba risu ti kufe.

Ititatso 11:18

Ande ti utense tso rinae te fu, ama kiye pang pu yi ti rinae-fu u si ba risu-ba ti kubyagkwa. Kiye pang pu yi ti afu u pwen atikicwu rikwen. Afu u nda apyi-fu kujwojang-ba tiri. Aba ti ku ya iskin ira-fu, ti ande-fu ti sisaen, ti meme ande ti ku kyen ikyenricwu-fu, ande ti rurob ti ande ti rob-ba rob be. Kiye pang pu yi ti afu u twenji ande rika-fu ti ku ndembeb utense.”

Ititatso 18:20

Ni kam ashwu ti ni pam ipam, ani ti ta apupwen, risu ititwenji na uka wune, fa ti ani ande Rimam, ti atom, ti ande ti ku ya iskin ira Rimam. Nung! Rimam yir pu wu rikwen ikyaen iken ti awu nde te ni.

Ititatso 18:24

A yaen mbub anying na ande ti ku ya iskin ira Rimam ti ande na Rimam ti tsitsi uwae uka atang. Meme ande ti a wen ba uwae utense ike, anying-ba ta risu-fu, afu uka ti Babila.

Ititatso 19:2

Rikwen-wu si rikwen ti kubenti u pang atang. Awu ye pu wu iyaen wune ti ye utense ndembeb u pwen wu rikwen. Awu ye pu wu upae anying apyi-wu ti unda wune tur yaenmbub.”

Ititatso 3:10

Afu putsa pu fu ira ti ame ri te fu baa afu na ye utob uwae rikaen. Ikyaen yine, ame u nungkyi fu kiye kumyae ti ku ba risu utense meme.

Ititatso 3:7

Bae ka na atom Rimam ti ta risu kumbug ande Rimam ti ta Filadefiya baa, “Ayine si ira ti ruye unju Awu ti Sisaen, Awu ti kubenti, ti ye su iken ti ku mbub ufu na Ukwe Dawuda kujwo-wu. Asiti awu a mbub ufu, unde iki ta-wu ti u cwunnkyi wu be, awu a cwunnkyi, unde iki ta-wu ti u mbub be.