Ititatso 5:13 - Kutsingken Ira Rimam ti Saen Kyag

¹³ Ama ame fxen meme iken ti ku nyang unyang ti ta apupwen ti riben, ti uwae kinjag, ti uyinn, ti meme iken ti ta uwae atang, ku ri baa, “Itinyang, ti kuko, ti rurob, ti riyinn, ti kpakang, ā si ana Awu ti somtsa kutxomkwe ru fife yi uwe.”

Ititatso 5:13 Iomraidhean Croise

Matiyu 6:13

Pu ti ka-fu uwae kumyae be, amaa, nwangru ti uwae ira titibi.’

Luka 2:14

“Rurob ā si ana Rimam ti skeb tag patag. Kujimshwur ā ba uwog ande ti awu ku tsen utob te ba uwae utense.”

Yohana 1:29

Ucwefam kiskinn Yohana nung Yesu ru ku ba yi uwog-wu. Awu ri baa, “Ni sae unde ti ru ku ba ne. Awu ti si umbae iwentam Rimam ti u su ikentitibi na ande ti utense ru.

Roma 11:36

Rimam kyae iken ti ta uwae utense meme. Awu ti ku nde fengo nee iken meme ku kyang ikyin. A sa meme-yi tsi ikyaen na wu. Itinyang ā si ana-wu tsikunn ike ru fife yi uwe. Ayi ā si ahan.

Roma 16:27

Ti sa kuko na Rimam, awu amam ti si Rimam ti nung ira u site ben ayib siskeb. Ti teb rinyi-wu ikyaen Yesu Kristi tsikunn ike ru fife yi uwe. Ayi ā si ahan!

Roma 9:5

Aba ti si rishi abitsekam-ti ti kute. Kristi ti risu-wu fa rishi-ba ama, kiye ti a mbae wu sang utense ne. Ande meme ā teb rinyi Rimam, awu ti ta risu iken meme ru fife yi uwe. Ayi ā si ahan!

Afisa 3:21

Kuko ā si ana-wu Rimam uwae kumbub ande ti putsa wu ti uwae Yesu Kristi, tsikunn ike ru fe yi uwe ititsikunn-yi ta-yi be. Ayi ā si ahan.

Filipi 2:10

Ikyaen ti, yi rinyi na Yesu, meme ande ti ta apupwen, ti aba ti ta riben ike, ti aba ti ta uwae riben, aba ā jwunn ikyig.

Kolosi 1:23

Ayine u nde-yi be, se iken ti ani a tsi kunn ku ru uwae kinjo uwog Yesu Kristi ru ku fife yi uwe uwe. Ni tsi ting ting. Ni kab-ni uwae be. Ni sa uwae tsi risu iken ti ani fxen uwae ira tinyang na Yesu. I si ira tinyang wune ti a sa tsag te ande meme uwae utense, u si sí ira tinyang wune ti ame Bulus kafe pu m upyi-wu.

1 Timoti 4:16

Nung afxen-fu ti iken ti kwen-fu nyinyang, ti kwen iken ti pang atang. Tsi kukunn ti ku nde iken yine, ikyaen ti, asiti afu a nde yi, afu u nwangru risu-fu ti ana ande ti kyangte ira-fu ti afu ku ri meme.

1 Bitrus 4:11

Asiti Rimam a nda unde iki rinyangwae kutsa ti tswa ira na wu, awu ā tswa yi ben ben. Unde ti rinyangwae-wu a si itindeya ti awu ku nde na ande, awu ā nde yi ben ben ti kpakang ti Rimam nda wu, ikyaen ti, uwae iken meme, riyinn ā si ana Rimam rutsa uwog Yesu Kristi. Riyinn ti kujwokwe ā si ana-wu ru fife yi uwe. Ayi ā si ahan.

1 Bitrus 5:11

Kujwokwe-wu ā tsi tsikunn ru fife yi uwe. Ayi ā si ahan.

Yawuda 1:25

Meme riyinn ā si ana-wu, awu amam ti si Rimam ti nwangru-ti yi fengo wande na Yesu Kristi Itsekuru-ti. Rurob ti riyinn ti Kujwokwe ā si ana-wu, sa ti kucang akwen, ba kwer tine, ru fe yi uwe, ayi ā si ahan.

Ititatso 1:6

Awu nda ti kafe mbukwen abikwe, u nda ti kafe akwen ti ku nde na itse-wu Rimam wande. Riyinn ti kuko ā si ana-wu ru fe yi uwe. Ayi ā si ahan.

Ititatso 13:8

Meme ande ti ta utense u fen wu, aba ande ti a bae-ba rinyi-ba be, ti ti a mam-ba utense khika be, uwae kutsingken na unyang na Mbae Utam ti a yer wuwen.

Ititatso 5:1

Ama ame sae, kujwo rici Awu ti somtsa kutxomkwe wune, kupwa ti a bae iken uwae ti ise meme u fur ra wu, u fxebkyi wu atsepu itsongfaen.

Ititatso 5:12

Aba meme-ba ku yang akyang ti ribom-ba baa, “Umbae utam wu ti a yerwuwen ko pu wu ti wu paembe kuko, ti rifunn, ti ben-ayib, ti kpakang. Kuko ti riyinn ti itiwaefa ā si ana-wu!”

Ititatso 5:3

Amaa, a tu-ba unde iki apupwen, ko utense, ko uwae kinjag, ti ko ti wu mbubta kupwa wu, ko ti wu sae iken ti a bae uwae atang be.

Ititatso 5:6

Ama ame sae Umbae utam iki tsi kutampwa kutxomkwe wu te iken ti ku nyang unyang inje ti ta kutampwa ande ndufu bane. Umbae utam wune si pangma a na yerwen pu ba wu, ama site ishin itsongfaen ti ayib itsongfaen. Iken itsongfaen itsongfaen yine ku tatso Asung ti saen kyag na Rimam itsongfaen ti a tom shag kyife utense meme.

Ititatso 5:9

Ama aba yang kukyang tishe baa, “Afu ko pu fu ti fu mbe kupwa wune, u mbubta wu, ikyaen ti, a wen fu. Ti anying-fu, afu jaeb mbe utso ande, ti unju ande, ti ambukwen ande txi txi txi.

Ititatso 6:16

Aba ku kunn ira, ku ri te rikwen ti atxom baa, “Ni kyaen si burkyi ti, ti ni tamkyi ti uwe Awu ti somtsa kutxomkwe ne, ama ti rinae Mbae utam wune ā si-yi risu-ti be.