Ititatso 5:12 - Kutsingken Ira Rimam ti Saen Kyag

¹² Aba meme-ba ku yang akyang ti ribom-ba baa, “Umbae utam wu ti a yerwuwen ko pu wu ti wu paembe kuko, ti rifunn, ti ben-ayib, ti kpakang. Kuko ti riyinn ti itiwaefa ā si ana-wu!”

Ititatso 5:12 Iomraidhean Croise

Matiyu 28:18

Ama Yesu ba ri te ba baa, “Meme kuko ti ta apupwen ti kuko ti ta riben ike, a nda pu ba ame kujwo.

Yohana 1:29

Ucwefam kiskinn Yohana nung Yesu ru ku ba yi uwog-wu. Awu ri baa, “Ni sae unde ti ru ku ba ne. Awu ti si umbae iwentam Rimam ti u su ikentitibi na ande ti utense ru.

Yohana 17:2

Ikyaen ti, afu nda wu kuko risu ande ti utense meme, ti wu na sa unyang ti tsi kukunn na meme ande ba ti afu pu sang kujwo-wu.

2 Korinti 8:9

Ani nung pu ni rinyangwae na Itsekuru-ti Yesu Kristi. Ko ti awu site rifunn, awu sa ijwe-wu kafe unde ti rikaen ikyaen-ni, ikyaen ti awu u sa ni kafe ande ti rifunn uwae rikaen ti awu ngwa.

1 Timoti 1:17

Kuko ti riyinn ā si ana-wu Rimam, awu ti si ukwe ti tsi yiyer, awu ti ku cwu-wu cwu be, awu ti a ku nung-ba wu ti ayib be, awu Rimam kinjo-wu amam. Ayi ā si ahan.

Ititatso 1:6

Awu nda ti kafe mbukwen abikwe, u nda ti kafe akwen ti ku nde na itse-wu Rimam wande. Riyinn ti kuko ā si ana-wu ru fe yi uwe. Ayi ā si ahan.

Ititatso 13:8

Meme ande ti ta utense u fen wu, aba ande ti a bae-ba rinyi-ba be, ti ti a mam-ba utense khika be, uwae kutsingken na unyang na Mbae Utam ti a yer wuwen.

Ititatso 15:3

Aba yang akyang Musa, upyi Rimam, ti akyang Mbae Utam wu. Aba ku yang baa, “Itsekuru-ti Rimam ti skeb titag, wande ajwo-fu si iken ti kuko ti ku fur ayib, ku wub ijwe! Ukwe ambukwen ande meme, fengo-fu si ti kubenti u pang ti ande u putsa atang.

Ititatso 19:1

Isim ayine, ame fxen ritum iki ti pangma ana ujwunn ande ti funn apupwen ku ri baa, “Haleluya! Itinwangru ru uwog Rimam-ti ba. Kuko ti riyinn si ana-wu.

Ititatso 4:11

“Rimam Itsekuru-ti, afu pang pu fu ti fu paembe riyinn ti kuko, ti a u nung fu te rurob. Afu ti mam iken meme, ayi si utob-fu nee afu mam yi, ama ayi tsi.”

Ititatso 5:13

Ama ame fxen meme iken ti ku nyang unyang ti ta apupwen ti riben, ti uwae kinjag, ti uyinn, ti meme iken ti ta uwae atang, ku ri baa, “Itinyang, ti kuko, ti rurob, ti riyinn, ti kpakang, ā si ana Awu ti somtsa kutxomkwe ru fife yi uwe.”

Ititatso 5:6

Ama ame sae Umbae utam iki tsi kutampwa kutxomkwe wu te iken ti ku nyang unyang inje ti ta kutampwa ande ndufu bane. Umbae utam wune si pangma a na yerwen pu ba wu, ama site ishin itsongfaen ti ayib itsongfaen. Iken itsongfaen itsongfaen yine ku tatso Asung ti saen kyag na Rimam itsongfaen ti a tom shag kyife utense meme.

Ititatso 5:8

Ti awu mbe kupwa wune, ayi iken inje ti ku nyang unyang, ti ande ndufu rikom asu inje bane, jwunn ikyig uwe Umbae utam wu. Unde titini uwae-ba site kufwà ti kiticwae zinariya ti munn te iken ti ku nung kuyang, ti si itijwam ande Rimam.

Ititatso 5:9

Ama aba yang kukyang tishe baa, “Afu ko pu fu ti fu mbe kupwa wune, u mbubta wu, ikyaen ti, a wen fu. Ti anying-fu, afu jaeb mbe utso ande, ti unju ande, ti ambukwen ande txi txi txi.

Ititatso 6:1

Cwucwo ame sae Mbae utam wu mbubta kupwa kinjo uwae ayi ti a fxeb, u kum sitami atang itsongfaen yine, ama ame fxen kinjo uwae iken inje ti ku nyang unyang yine, taen ira pangma imam ti ku taen, baa, “Ba!”

Ititatso 7:12

u ku ri baa, “Ayi ā si ahan! Itinyang ti riyinn ti ben-ayib ti fxaefa ti rurob ti kuko ti kpakang ā si ana-fu Rimam-ti. A teb rinyi-fu ru fife yi uwe! Ayi ā si ahan.”