Ititatso 5:11 - Kutsingken Ira Rimam ti Saen Kyag

¹¹ Cwucwo ame sae, u fxen afxenjwin atom Rimam ti apupwen, munnae shin, itipwen-yi ta-yi be. Aba jwunn pangma isa riben, u tsi pakob kutxomkwe wu, ti iken inje ti ku nyang unyang, ti ande ndufu bane.

Ititatso 5:11 Iomraidhean Croise

Daniyel 7:10

Ajaen urwa ku ru ye uwog-wu pangma ambyi. Ande kumbub kumbub fen wu. Kumbub rijwe ka kumbub rijwe tsi uwe-wu. Ande ti ku pwen rikwen som ku ji ti a u yer rikwen. A mbubta atsingken uwe-ba.

Mbaibrane 12:22

Amaa, ana ni, ani ba pu ni umbyi Rikwen Siyon, ti si uten Rimam, awu ti site unyang. Ayi si Urushelima ti apupwen, uwog ti ujwunn atom Rimam ti apupwen ku shwam ashwu atang.

Yawuda 1:14

Enoki ti si ti itsongfaen uwae abitse-ti ti ba isim Adamu, Rimam nda wu ri ira risu ande bane kute baa, “Ni nung! Itsekuru-ti Rimam ru ku ba ti atom-wu ti sisaen, ti ujwunn-ba.

Ititatso 19:6

Ama, ame fxen afxenjwin ujwunn ande ti funn apupwen ti ku tum pangma ritum ambyi ti ku si utae, ti ana imam ti ku taen, ku ri baa, “Haleluya! Ikyaen ti, Itsekuru-ti Rimam, ti skeb titag, si Ukwe.

Ititatso 4:4

Ame sae atxomkwe iki ka rikom asu inje, tā pakob kutxomkwe wune. Ande ndufu rikom asu inje, si atupwa ti tsen, u bur ubur ukwe ti a kyae yi te zinariya, u somtsa risu atxom ukwe yine.

Ititatso 4:6

Uwe kutxomkwe wu, iken iki ta atang ti ku jaen wur wur pangma ambyi uyinn, u saen pangma iken ti ku sae uwe. Iken inje ti site unyang som pakob kutxomkwe wu, ayib-yi ku shag shag shag shag, uwe ti isim meme.

Ititatso 5:14

Ama iken inje ti ku nyang unyang yine, cwé baa, “Ayi ā si ahan.” Ande ndufu bane jwunn ikyig u fen Umbae utam wu.

Ititatso 5:6

Ama ame sae Umbae utam iki tsi kutampwa kutxomkwe wu te iken ti ku nyang unyang inje ti ta kutampwa ande ndufu bane. Umbae utam wune si pangma a na yerwen pu ba wu, ama site ishin itsongfaen ti ayib itsongfaen. Iken itsongfaen itsongfaen yine ku tatso Asung ti saen kyag na Rimam itsongfaen ti a tom shag kyife utense meme.

Ititatso 5:8

Ti awu mbe kupwa wune, ayi iken inje ti ku nyang unyang, ti ande ndufu rikom asu inje bane, jwunn ikyig uwe Umbae utam wu. Unde titini uwae-ba site kufwà ti kiticwae zinariya ti munn te iken ti ku nung kuyang, ti si itijwam ande Rimam.

Ititatso 7:11

Meme atom Rimam ti apupwen tsi pakob kutxomkwe wu, ti ande ndufu ti iken inje ti ku nyang unyang. Aba jwunn ikyig u bur uwe-ba riben, u fen Rimam,

Ititatso 9:16

Ujwunn akyirten ti a pwen nee ame fxen, ka miliyon ukob ifaen ti ku tso kakum rika.