Ititatso 4:8 - Kutsingken Ira Rimam ti Saen Kyag

⁸ Iken inje yi ti ku nyang unyang, site asae itsongnjo itsongnjo, u site ayib ti ku shag shag shag shag yine. Usirtaen ti utitang, ayi tsi kunn akyang ti yang baa, “Saenkyag! Saenkyag! Saenkyag! Itsekuru-ti Rimam saen kikyag! Awu ti site kuko patag, ti ta atang tine, u si ti kute, u si ti ku ba uwe!”

Ititatso 4:8 Iomraidhean Croise

Kucangtsi 17:1

Kiye ti Ibram nde asang mae inje mbe rijwe asu itsongnje (99), Yaweh tatso risu-wu uwog-wu u ri te wu baa, “Ame si Rimam ti Skeb titag. Kyang ikyin uwe-m uwae Usom ti kpang atang,

Itiruye 15:11

“Yaweh, aye ti si pangma afu uwae apxin meme? Aye ti te fu pang atso uwae riyinn na itisaenkyag-fu? Uwae kuko-fu, afu ku nde iken ti ku fur ayib.

Itiruye 3:14

Rimam ri te Musa baa, “AME TI SI AME TI TANE. Ri te ba ira yine baa, ‘AME TI SI AME TI TANE, tom m ba uwog-ni.’

Wande Atom 20:31

Ikyaen na yine ni som ti ujwin, ti ni tangsom baa, uwae asang ita, ame ku kwen na ni iken usirtaen ti utitang, fa ti ira ti jwub.

2 Korinti 6:18

Ame u si Itse-ni, ani ama u si anyisu-m ti arom te ti anda. Ayine si ira Itsekuru-ni Rimam ti kuko ti ri.”

1 Tesalonika 2:9

Ameinja, ani tangsom pu ni ti itso wande tiyang ti ati nde uwog-ni kiye ti ati ku tsag Ira Rimam te ni. Ati kwab usirtaen ti utitang ikyaen ti, ati ku sha-ti ti ti na nda ni rikaen be.

1 Timoti 4:16

Nung afxen-fu ti iken ti kwen-fu nyinyang, ti kwen iken ti pang atang. Tsi kukunn ti ku nde iken yine, ikyaen ti, asiti afu a nde yi, afu u nwangru risu-fu ti ana ande ti kyangte ira-fu ti afu ku ri meme.

2 Timoti 4:2

nya iski ira Rimam te ande. Num-fu num te Ira Rimam ti ti ri be, ko afu a tu riyae ko afu a tu-fu riyae be. Tatso ande fengo ti kubenti ti fwan ba kibyag risu ikentitibi. Ri bom ba utob uwae iken ti kwen ti afu ku kwen na ba ti utob ti ye.

Mbaibrane 13:8

Yesu Kristi, si si awu ti ire, u si ti yaka, u tsi kukunn ru fife yi uwe.

Ititatso 1:4

Ame Yohana ti bae ira yine na ande na Rimam ti ta uwae uten itsongfaen na uten ti Asiya. Rinyangwae ti kujimshwur ā si ana-ni ru ye uwog Rimam, awu ti ta atang tine, u si Rimam ti kute, u si Rimam ti ku ba uwe, ama ru ye uwog Kusung itsongfaen ti ta uwe kutxomkwe-wu,

Ititatso 1:8

Itsekuru-ti Rimam ri baa, “Ame ti si itikucang u si itiricwunnkyi.” Awu ti ri ira yine si Rimam ti ta atang tine, u si Rimam ti kute, u si Rimam ti ku ba uwe. Awu si Rimam ti site kuko patag.

Ititatso 11:17

ku ri baa, “Ati ku nde na fu fxaefa, Itsekuru-ti Rimam, ti site kuko patag, Afu Rimam ti si ti tine, u si ti kute, Afu mbe pu fu kuko-fu, u bag pu fu itinae ukwe.

Ititatso 14:11

Urwa ti akyang u fxab ba, u tso tsig tsig tsig yi apupwen, ititsikunn-yi ta-yi be. Unyang ti pu u ta-yi ikyaen na ande bane be. Utitang ti usirtaen aba u tsikunn rikaen ti ngwa, ikyaen ti, aba fen ibye titibi wune, ti apxin ti awu kyae tsi, u yer iwaen na ibye titibi wu rimenn-ba.”

Ititatso 14:3

Aba ku yang kukyang tishe uwe kutxomkwe wu, uwe iken ti ku nyang unyang inje ti uwe ande ndufu ba ti ta atang. Unde iki u kwen tu-wu kukyang wu be, se aba ande kumbub rijwe asu ifaen atsepu rijwe asu ifaen ba ti a jaeb mbe ba uwae utense amam.

Ititatso 15:3

Aba yang akyang Musa, upyi Rimam, ti akyang Mbae Utam wu. Aba ku yang baa, “Itsekuru-ti Rimam ti skeb titag, wande ajwo-fu si iken ti kuko ti ku fur ayib, ku wub ijwe! Ukwe ambukwen ande meme, fengo-fu si ti kubenti u pang ti ande u putsa atang.

Ititatso 15:7

Tiri kinjo uwae iken inje ti ku nyang unyang yine, nda atom itsongfaen bane, kitu itsongfaen, ti munn te rinae Rimam, awu ti tsi yiyer.

Ititatso 16:14

Ayi si asung titibi ti ku nde iken ti kimbag u ku ru yi uwog abikwe meme ti ta utense, ti a ka kunn byir ba ikyaen ti a na ka ta rika usir tiyang na Rimam ti site kuko patag.

Ititatso 16:7

Ame fxen kyi kuta cwe baa, “Itsekuru-m Rimam ti kuko, rikwen-fu, si rikwen ti kubenti.”

Ititatso 19:15

Kisim wen ti cin isim ti uwe, ru ku ye unju-wu, ti wu u byinn ta ambukwen ande. Awu u nae ukwe risu-ba te ukum ukwe na kiser. Pangma ti a ku ceb, ku kam awaen anam uwae kukúm-ricwo, awu ama u ceb kukúm na rinae na Rimam ti skeb titag.

Ititatso 19:4

Aba ande ndufu rijwe asu inje bane, ti iken inje ti ku nyang unyang, jwunn ikyig uwe Rimam ti somtsa kutxomkwe-wu, u teb wu ku ri baa, “Ayi ā si ahan! Ti teb rinyi Rimam!”

Ititatso 21:22

Ame nung-m kusog Rimam uwae uka wune be, ikyaen ti, Rimam Itsekuru-ti ti site kuko patag, ti Mbae Utam, aba ti si kusog wu ti risu-ba.

Ititatso 3:7

Bae ka na atom Rimam ti ta risu kumbug ande Rimam ti ta Filadefiya baa, “Ayine si ira ti ruye unju Awu ti Sisaen, Awu ti kubenti, ti ye su iken ti ku mbub ufu na Ukwe Dawuda kujwo-wu. Asiti awu a mbub ufu, unde iki ta-wu ti u cwunnkyi wu be, awu a cwunnkyi, unde iki ta-wu ti u mbub be.

Ititatso 4:4

Ame sae atxomkwe iki ka rikom asu inje, tā pakob kutxomkwe wune. Ande ndufu rikom asu inje, si atupwa ti tsen, u bur ubur ukwe ti a kyae yi te zinariya, u somtsa risu atxom ukwe yine.

Ititatso 4:6

Uwe kutxomkwe wu, iken iki ta atang ti ku jaen wur wur pangma ambyi uyinn, u saen pangma iken ti ku sae uwe. Iken inje ti site unyang som pakob kutxomkwe wu, ayib-yi ku shag shag shag shag, uwe ti isim meme.

Ititatso 4:9

Iken ti site unyang yine ku teb Awu ti somtsa kutxomkwe, ti tsi yiyer wune, u ku nda wu kuko ti riyinn ti fxaefa. Ko kiye titini ti aba a ku nde ahan,

Ititatso 5:6

Ama ame sae Umbae utam iki tsi kutampwa kutxomkwe wu te iken ti ku nyang unyang inje ti ta kutampwa ande ndufu bane. Umbae utam wune si pangma a na yerwen pu ba wu, ama site ishin itsongfaen ti ayib itsongfaen. Iken itsongfaen itsongfaen yine ku tatso Asung ti saen kyag na Rimam itsongfaen ti a tom shag kyife utense meme.

Ititatso 6:1

Cwucwo ame sae Mbae utam wu mbubta kupwa kinjo uwae ayi ti a fxeb, u kum sitami atang itsongfaen yine, ama ame fxen kinjo uwae iken inje ti ku nyang unyang yine, taen ira pangma imam ti ku taen, baa, “Ba!”

Ititatso 6:6

Ame fxen kyi ujwin iki ti ruye kutampwa iken inje ti ku nyang unyang, ri baa, “Aser kitu kumyae kinjo na umung awum ā si dinari kinjo. Aser kitu kumyae na umung bali ita ama ā si dinari kinjo. Amaa, kyi-fu kujwo yi aser kindob ti ambyi anam be.”

Ititatso 7:11

Meme atom Rimam ti apupwen tsi pakob kutxomkwe wu, ti ande ndufu ti iken inje ti ku nyang unyang. Aba jwunn ikyig u bur uwe-ba riben, u fen Rimam,

Ititatso 7:15

Nee iken ti nde, aba ba tsi uwe kutxomkwe Rimam, ku fen wu usirtaen ti utitang, uwae kusog-wu. Ama Awu ti somtsa kutxomkwe ne u nungkyi ba, u si uwog awùm-ba.