Ititatso 4:7 - Kutsingken Ira Rimam ti Saen Kyag

⁷ Iken ti site unyang ti tawe ru itumu, iti ifaen ru indag, iti ita kyae uwe-wu pangma ana unde, iti inje ama ru ikwèn ti ku pinn apupwen.

Ititatso 4:7 Iomraidhean Croise

Kucangtsi 49:9

Yawuda si umbae itumu ti ru ka wen ibye kafe ba ti uwae uwáe-wu, u ba ndab ijwe-wu nae. Aye ti kpag tu utob ti wu u ba shwu wu?

Daniyel 7:4

“Ibye ti tawe ru itumu u site asae pangma ikwèn. Ti ame u nunung a kum pu asae-wu ayi ama ye wu nwunn tsi ritsen pangma unde, u sa ira ti kab unde sang na wu.

1 Korinti 14:20

Ame ku jwam ni, ameinja, ni kab-ni ira pangma anyisu tinying be. Ayi a si ira ikentitibi ti ti nde, ni kwab ti ni si pangma umbae ibyaen. Amaa, ayi a si ira ti myae, ni kwab ti ni myae ira pangma ande ndufu.

Ititatso 4:6

Uwe kutxomkwe wu, iken iki ta atang ti ku jaen wur wur pangma ambyi uyinn, u saen pangma iken ti ku sae uwe. Iken inje ti site unyang som pakob kutxomkwe wu, ayib-yi ku shag shag shag shag, uwe ti isim meme.

Ititatso 6:3

Ti Umbae utam wu mbubta kupwa ti fxifxeb, u kum sitami atang ti ifaen, ame fxen itifaen uwae iken inje ti ku nyang unyang yine ri baa, “Ba!”

Ititatso 6:5

Ti awu mbubta kupwa ti a fxeb ti fa ti ita, ame fxen iti ita uwae iken inje ti ku nyang unyang yine ri baa, “Ba!” Ama ame sae, ti m nunung, kakum tibyir tsi! Unde ti ku tso wu ye su kitu kumyae kujwo-wu.

Ititatso 6:7

Ama ti Mbae utam wu mbubta kupwa ti a fxeb ti fa ti inje, ame fxen ujwin iti inje na iken inje ti ku nyang unyang, ri baa, “Ba!”