Ititatso 4:4 - Kutsingken Ira Rimam ti Saen Kyag

⁴ Ame sae atxomkwe iki ka rikom asu inje, tā pakob kutxomkwe wune. Ande ndufu rikom asu inje, si atupwa ti tsen, u bur ubur ukwe ti a kyae yi te zinariya, u somtsa risu atxom ukwe yine.

Ititatso 4:4 Iomraidhean Croise

Esita 8:15

Tiri, Mordekai ru ye uwe ukwe. A pu arun ti tsen, ti ti rikàen-yi ru irum titisub sī wu, u sa kubur ukwe na zinariya bur wu, ama pu atupwa ti a ndxob yi te itub ti tsen ti tinyang ti itub ti ru itibyaen, u pu bur wu. Ama ande ti ta uwae uten ti Susa ku kam ashwu.

Matiyu 19:28

Yesu ri te ba baa, “Kubenti ti ame ku ri te ni, kiye ti a u kafe utense tishe, Umbae Unde u som tsa iken ti som na Ukwe-wu, ani ande-m rijwe asu ifaen ne u som tsa iken ti som na akwe ama. Ani u pwen rikwen risu rishi anyisu Isirela rijwe asu ifaen.

Luka 22:30

Kiye ti ame a nae ukwe, ani u ci u ngwa te m uwae kuru-m. Ani u som tsa atxom ukwe u pwen rikwen risu kumbub rijwe asu ifaen na anyisu Isirela.

2 Timoti 4:8

Tine, kujwojang tsi ku ji m, ayi si kubur ukwe ti Itsekuru-ti Kristi, ufwa rikwen ti kubenti u sa bur m usir ti ricwunnkyi. Si-yi nyang ame amam be, amaa, kwer ti meme ande ti tsi utob risu itiba-wu.

Ititatso 11:16

Tiri ande ndufu rikom asu inje ba ti somtsa kutxomkwe-ba uwe Rimam, jwunn ikyig, u fen Rimam,

Ititatso 14:3

Aba ku yang kukyang tishe uwe kutxomkwe wu, uwe iken ti ku nyang unyang inje ti uwe ande ndufu ba ti ta atang. Unde iki u kwen tu-wu kukyang wu be, se aba ande kumbub rijwe asu ifaen atsepu rijwe asu ifaen ba ti a jaeb mbe ba uwae utense amam.

Ititatso 19:14

Meme akyirten ti apupwen putsa wu, u tso kakum ti tsen, u yir tag ijwe-ba te atupwa ti ti tsen ti saen por por.

Ititatso 19:4

Aba ande ndufu rijwe asu inje bane, ti iken inje ti ku nyang unyang, jwunn ikyig uwe Rimam ti somtsa kutxomkwe-wu, u teb wu ku ri baa, “Ayi ā si ahan! Ti teb rinyi Rimam!”

Ititatso 2:10

Kyen-fu ikyenricwu rikaen ti u tu fu uwe ike be. Kubenti, Shetann ku kwab ti wu pu ariki uwae-ni kaa cwunnkyi pursuna, ikyaen ti a u myae ni myae. Ani u ngwa rikaen ka usir rijwe. Uwae kubenti-ni, ni cwe iticwu, ame ama u nda ni kubur unyang ti tsikukunn.”

Ititatso 20:4

Isim ayine, ame nung atxomkwe, ama itaen ti somtsa atang si aba ti a nda ba kuko ti a na pwen ande rikwen. Cwucwo ame nung unyang ande ti a pyera risu-ba ikyaen ti aba cwé iticwé ira ti kubenti na Yesu, ti ira na Rimam. Aba ti fen-ba ibye titibi wune, ko ti a u ku riben na iken ti awu mbye tsi be, u yer-ba iwaen na ibye titibi wune kutxuwe-ba ti ajwo-ba be. Aba shwur, u ti Yesu Kristi nae ukwe tetso ka asang kumbub kinjo.

Ititatso 3:18

“Tine, kumyae-m si ti, afu na jaeb ayib zinariya uwog-m, zinariya ti a fufug te urwa, ikyaen ti fu kafe unde ti rifunn. Jab atupwa ti tsen ti fu pu cwunnkyi ribam-fu, ikyaen ti ande ā sae-ba rukwae-fu be. Jab acin ti fu kam si ayib-fu, ikyaen ti fu sae uwog paenine.

Ititatso 4:10

ande ndufu rikom asu inje bane ku jwunn ikyig uwe Awu ti somtsa kutxomkwe, ti tsi yiyer ru fife yi uwe, u ku fen wu. Aba ku mbub ubur-ba cwu riben uwe kutxomkwe atang, u ku teb wu baa,

Ititatso 4:6

Uwe kutxomkwe wu, iken iki ta atang ti ku jaen wur wur pangma ambyi uyinn, u saen pangma iken ti ku sae uwe. Iken inje ti site unyang som pakob kutxomkwe wu, ayib-yi ku shag shag shag shag, uwe ti isim meme.

Ititatso 5:11

Cwucwo ame sae, u fxen afxenjwin atom Rimam ti apupwen, munnae shin, itipwen-yi ta-yi be. Aba jwunn pangma isa riben, u tsi pakob kutxomkwe wu, ti iken inje ti ku nyang unyang, ti ande ndufu bane.

Ititatso 5:14

Ama iken inje ti ku nyang unyang yine, cwé baa, “Ayi ā si ahan.” Ande ndufu bane jwunn ikyig u fen Umbae utam wu.

Ititatso 5:6

Ama ame sae Umbae utam iki tsi kutampwa kutxomkwe wu te iken ti ku nyang unyang inje ti ta kutampwa ande ndufu bane. Umbae utam wune si pangma a na yerwen pu ba wu, ama site ishin itsongfaen ti ayib itsongfaen. Iken itsongfaen itsongfaen yine ku tatso Asung ti saen kyag na Rimam itsongfaen ti a tom shag kyife utense meme.

Ititatso 5:8

Ti awu mbe kupwa wune, ayi iken inje ti ku nyang unyang, ti ande ndufu rikom asu inje bane, jwunn ikyig uwe Umbae utam wu. Unde titini uwae-ba site kufwà ti kiticwae zinariya ti munn te iken ti ku nung kuyang, ti si itijwam ande Rimam.

Ititatso 6:11

Isim ayine, a nda ko unde titini uwae-ba arun ti titsen, u ri te ba baa, “Ni tsi tum titawe, se iken ti ujwunn arwan wande-ni ti ameinja-ni ti a u wen ba pangma ti a wen ni, a ren pu-yi.”

Ititatso 7:11

Meme atom Rimam ti apupwen tsi pakob kutxomkwe wu, ti ande ndufu ti iken inje ti ku nyang unyang. Aba jwunn ikyig u bur uwe-ba riben, u fen Rimam,

Ititatso 7:9

Isim ayine ame sae ujwunn ande ti funn, ti unde u pwen tu-wu aba be, ti ruye uwae utso ande meme, ti uwae rishi ande meme, ti uten ti ta uwae utense patag ti unju-ba txi txi. Aba tsi uwe kutxomkwe ti uwe Mbae utam wu. Aba si arun titsen u ye su asaen itu ajwo-ba.

Ititatso 9:7

Icwag yi pangma kakum ti a kyae ba tsi ti kujwin ikyaen rika. Iken iki ta risu-yi ti pangma ubur ukwe ti a kyae wu te zinariya. Kutxuwe-yi pangma kutxuwe na ande.