Ititatso 4:2 - Kutsingken Ira Rimam ti Saen Kyag

² Ti ritsen, ame ta uwae Kusung, ama sae kutxomkwe tā apupwen, unde iki som tsa atang.

Ititatso 4:2 Iomraidhean Croise

Daniyel 7:9

“Ti ame sae, A pu atxom ukwe tā. Awu ti ta atang ti Kute, ba somtsa atang. Kutupwa-wu tsen porr pangma akóng, ikyinn ti risu-wu foong pangma itub ti tsen. Urwa ku cwe sangkob kutxomkwe-wu

Matiyu 22:43

Yesu rang kyi ba cwucwo baa, “Ayi a si ahan, Kusung Rimam nde rimang nda Dawuda ti wu na kunn unde wu baa, Itsekuru-wu? Ikyaen ti, Dawuda ri baa,

Mbaibrane 8:1

Imbyi ira yi ti ati ku ri ta re: Ati site kukwen tiyang ne, ti som kujwo rici kutxom ukwe Rimam ti skeb titag, yi apupwen.

Ititatso 1:10

Uwae usir Itsekuru, ame ta uwae Kusung ti Saen Kyag. Ame fxen afxenjwin pangma kutumu ti a kunn.

Ititatso 12:5

Unda wu mbae umbae ti urom. Awu u nae ukwe risu utense u tae wu ti ukum ukwe-wu na kiser, ti wu u tae utense atang. Ti ti unda wu mbae ra umbae wu, a shir fwer ra umbae wu tso yi uwog Rimam, uwog kutxomkwe-wu.

Ititatso 17:3

Ama uwae Kusung, a ye ra m ru yi kutur khika. Ama ame ka nung unda iki somtsa risu ibye tibyaen iki ti patag ijwe-wu kum asu ti a ku txumbeb Rimam. Ibye wu site risu itsongfaen, ishin-wu ama si rijwe.

Ititatso 19:4

Aba ande ndufu rijwe asu inje bane, ti iken inje ti ku nyang unyang, jwunn ikyig uwe Rimam ti somtsa kutxomkwe-wu, u teb wu ku ri baa, “Ayi ā si ahan! Ti teb rinyi Rimam!”

Ititatso 20:11

Isim ayine, ame nung kutxomkwe tiyang ti ti tsen iki ti unde iki somtsa atang. Ikyaen riyinn-wu ti kuko-wu, apupwen ti riben ter nwunn uwe-wu, u ru fe uwog ti a nung-ba ayib-ba cwucwo be.

Ititatso 21:10

Uwae Kusung, awu ye ra m tso fe kitaen rikwen ti kob timambe, u ka tatso m uka ti Urushelima ti Sisaen ti ru apupwen uwog Rimam si ku ba.

Ititatso 21:5

Awu unde ti somtsa kutxom ukwe ri baa, “Nung, tine ame ku kyae meme iken, tishe.” Awu ri kyi baa, “Bae ira yine, ikyaen ti, ayi si ira ti kubenti, tikong ta-yi atang be.”

Ititatso 3:21

Unde ti a ci rika, ame u cwe na wu ti wu som te m kutxomkwe-m, pangma ti ame ci rika u som te Itse-m kutxomkwe-wu.”

Ititatso 4:10

ande ndufu rikom asu inje bane ku jwunn ikyig uwe Awu ti somtsa kutxomkwe, ti tsi yiyer ru fife yi uwe, u ku fen wu. Aba ku mbub ubur-ba cwu riben uwe kutxomkwe atang, u ku teb wu baa,

Ititatso 4:5

Imam ku jaen wur wur, ku taen, ritum ku tum uwog kutxomkwe atang. Amunn urwa ka itsongfaen ku cwé piin uwe kutxomkwe wu, ti si Asung Rimam itsongfaen.

Ititatso 4:9

Iken ti site unyang yine ku teb Awu ti somtsa kutxomkwe, ti tsi yiyer wune, u ku nda wu kuko ti riyinn ti fxaefa. Ko kiye titini ti aba a ku nde ahan,

Ititatso 5:1

Ama ame sae, kujwo rici Awu ti somtsa kutxomkwe wune, kupwa ti a bae iken uwae ti ise meme u fur ra wu, u fxebkyi wu atsepu itsongfaen.

Ititatso 5:13

Ama ame fxen meme iken ti ku nyang unyang ti ta apupwen ti riben, ti uwae kinjag, ti uyinn, ti meme iken ti ta uwae atang, ku ri baa, “Itinyang, ti kuko, ti rurob, ti riyinn, ti kpakang, ā si ana Awu ti somtsa kutxomkwe ru fife yi uwe.”

Ititatso 6:16

Aba ku kunn ira, ku ri te rikwen ti atxom baa, “Ni kyaen si burkyi ti, ti ni tamkyi ti uwe Awu ti somtsa kutxomkwe ne, ama ti rinae Mbae utam wune ā si-yi risu-ti be.