Ititatso 4:11 - Kutsingken Ira Rimam ti Saen Kyag

¹¹ “Rimam Itsekuru-ti, afu pang pu fu ti fu paembe riyinn ti kuko, ti a u nung fu te rurob. Afu ti mam iken meme, ayi si utob-fu nee afu mam yi, ama ayi tsi.”

Ititatso 4:11 Iomraidhean Croise

Kucangtsi 1:1

Ti kucangtsi ti Rimam mam apupwen ti riben,

Nehemiya 9:5

Tiri anyisu Lawi iki kunn ande ti a na ba fen Rimam: Aba si Jeshuwa, Kadimiyel, Bani, Hashabniya, Sherebiya, Hodiya, Shebaniya, ti Petahiya. Aba ri baa: “Sunwunn ritsen ti ni teb Yaweh Rimam-ni! Ni teb wu ru fife yi uwe! Unde titini teb rinyi-wu ikyaen riyinn ti kuko-wu.”

Itiruye 20:11

Ikyaen ti, uwae usir itsongnjo, Yaweh mam apupwen ti riben ti uyinn ti iken ti ta uwae-yi meme. Ama usir ti itsongfaen, awu pu unyang atang. Ikyaen yine Yaweh nde usir wu itinyang u sa wu tsi usir ti sisaen.

Wande Atom 14:15

“Ande-m! Ani nde rimang ku nde iken yine? Ati si ande pangma ani. Ati si-ti apxin be. Ati ba ike ti ti ri te ni Ira Tinyang na Rimam, baa, ani na ya iken ti ukaen yine ta, ti ni ba putsa Rimam ti site unyang, ti kyae apupwen ti riben, ti iyinn, ti iken ti ta uwae-yi meme.

Wande Atom 17:24

Rimam ti kyae utense ti iken meme ti ta uwae-wu si Itsekuru apupwen ti riben. Awu ku som-wu uwae asog ti ande ku mbyimbye be.

Roma 11:36

Rimam kyae iken ti ta uwae utense meme. Awu ti ku nde fengo nee iken meme ku kyang ikyin. A sa meme-yi tsi ikyaen na wu. Itinyang ā si ana-wu tsikunn ike ru fife yi uwe. Ayi ā si ahan.

Afisa 3:9

Cwucwo ti ame na nda ande meme nungye kumyae Rimam ti awu myae tsi kute, ira yi nee ati ande nung tu-ti be, awu Rimam amam ti nung. Awu Rimam ti mam meme iken patag, sa kumyae-wu ayi tam uwae kiye ti wur ruru,

Mbaibrane 1:10

“Afu Itsekuru ti tā imbyi utense ti kucang akwen. Apupwen meme si kujwo wande-fu.

Mbaibrane 1:2

Amaa, uwae kiye ti ricwunnkyi ne, awu tom Umbae-wu ba ri ira te ti. Awu tsab umbae-wu tsi ti wu na si risu meme iken ti awu kyae utense. Ayi si si umbae-wu ti Rimam kyae utense yi kujwo-wu.

Ititatso 1:6

Awu nda ti kafe mbukwen abikwe, u nda ti kafe akwen ti ku nde na itse-wu Rimam wande. Riyinn ti kuko ā si ana-wu ru fe yi uwe. Ayi ā si ahan.

Ititatso 10:6

u ben uben uwog Rimam ti tsi yiyer, ti mam apupwen ti riben ti uyinn ti iken ti ta uwae-yi meme. Awu ri baa, a na u nde-ba kukyib cwucwo be.

Ititatso 14:7

Awu ri ira ti ribom baa, “Ni kyen ikyenricwu Rimam, ti ni nda wu kuko, ikyaen ti, kiye rikwen-wu ta ajwo. Ni fen Rimam, awu ti mam apupwen ti riben ti uyinn ti ukab meme.”

Ititatso 19:1

Isim ayine, ame fxen ritum iki ti pangma ana ujwunn ande ti funn apupwen ku ri baa, “Haleluya! Itinwangru ru uwog Rimam-ti ba. Kuko ti riyinn si ana-wu.

Ititatso 5:12

Aba meme-ba ku yang akyang ti ribom-ba baa, “Umbae utam wu ti a yerwuwen ko pu wu ti wu paembe kuko, ti rifunn, ti ben-ayib, ti kpakang. Kuko ti riyinn ti itiwaefa ā si ana-wu!”

Ititatso 5:2

Ama ame sae atom iki ti kpakang, ku ya iski te ufxenjwin ti ribom baa, “Aye wu ti ko ti wu mbubta kupwa wu ti a fxifxeb ne?”

Ititatso 5:9

Ama aba yang kukyang tishe baa, “Afu ko pu fu ti fu mbe kupwa wune, u mbubta wu, ikyaen ti, a wen fu. Ti anying-fu, afu jaeb mbe utso ande, ti unju ande, ti ambukwen ande txi txi txi.