Ititatso 4:10 - Kutsingken Ira Rimam ti Saen Kyag

¹⁰ ande ndufu rikom asu inje bane ku jwunn ikyig uwe Awu ti somtsa kutxomkwe, ti tsi yiyer ru fife yi uwe, u ku fen wu. Aba ku mbub ubur-ba cwu riben uwe kutxomkwe atang, u ku teb wu baa,

Ititatso 4:10 Iomraidhean Croise

Daniyel 12:7

Ama ame fxen unde ti sī kutupwa ti tsen wu pu meme ajwo-wu tso apupwen u ben Rimam ti tsi kukunn baa, ayi na u nde ka asang ita ti ripye. Iken yi u kumunn kiye ti rikaen ti a ku nde ande ti sisaen a ta-yi cwucwo be.

Daniyel 4:34

Isim asang itsongfaen yi, ame Nebukanezar pu ayib sae tso apupwen, ama ira ti kab-m kafe ba ti atang. Ame teb Rimam ti skeb ti tag, u teb wu, u nda wu kuko, ikyaen ti, awu ti nae ukwe ru fe yi uwe. Kujwokwe-wu ama tsi yiyer, ru fife yi utso ti ku ba uwe.

Matiyu 2:11

Aba sang yi uwae kusog wu u ru ka nung umbae wu ti iya-wu Mberimu. Aba kú riben u kunnji umbae wu ira. Isim yine aba mbubta usu-ba u nda Yesu rinyangwae ti site aser timambe, zinariya ti umung akang frankisi fa ti kindob murr.

Luka 24:52

Aba fen wu u kafe ru yi Urushelima ti utob ti tsen.

1 Korinti 15:10

Amaa, Rimam, uwae rinyangwae-wu, awu nda m ame si iken ti ame si ne. Ayibrisi ti awu sae m ne si-yi ukaen amen be. Ayi nda m ame kwab skeb tag ande ti atom ti tsitsi meme. Ayi si-yi uwae kuko-m ti risu-m nee ame nde wande ne be, ayi si rinyangwae Rimam ti te m ta tetso.

Ititatso 10:6

u ben uben uwog Rimam ti tsi yiyer, ti mam apupwen ti riben ti uyinn ti iken ti ta uwae-yi meme. Awu ri baa, a na u nde-ba kukyib cwucwo be.

Ititatso 11:16

Tiri ande ndufu rikom asu inje ba ti somtsa kutxomkwe-ba uwe Rimam, jwunn ikyig, u fen Rimam,

Ititatso 15:4

Itsekuru, Aye wu ti u kyen-wu afu be? Aye wu ti u pyir, u teb-wu riyinn-fu be? Afu amam ti si ti saenkyag. Meme ambukwen ande utense u ba fen fu. Kujwo wande-fu ti kubenti, tso pu yi ijwe-yi paenine.”

Ititatso 15:7

Tiri kinjo uwae iken inje ti ku nyang unyang yine, nda atom itsongfaen bane, kitu itsongfaen, ti munn te rinae Rimam, awu ti tsi yiyer.

Ititatso 19:4

Aba ande ndufu rijwe asu inje bane, ti iken inje ti ku nyang unyang, jwunn ikyig uwe Rimam ti somtsa kutxomkwe-wu, u teb wu ku ri baa, “Ayi ā si ahan! Ti teb rinyi Rimam!”

Ititatso 4:2

Ti ritsen, ame ta uwae Kusung, ama sae kutxomkwe tā apupwen, unde iki som tsa atang.

Ititatso 4:4

Ame sae atxomkwe iki ka rikom asu inje, tā pakob kutxomkwe wune. Ande ndufu rikom asu inje, si atupwa ti tsen, u bur ubur ukwe ti a kyae yi te zinariya, u somtsa risu atxom ukwe yine.

Ititatso 4:9

Iken ti site unyang yine ku teb Awu ti somtsa kutxomkwe, ti tsi yiyer wune, u ku nda wu kuko ti riyinn ti fxaefa. Ko kiye titini ti aba a ku nde ahan,

Ititatso 5:14

Ama iken inje ti ku nyang unyang yine, cwé baa, “Ayi ā si ahan.” Ande ndufu bane jwunn ikyig u fen Umbae utam wu.

Ititatso 5:8

Ti awu mbe kupwa wune, ayi iken inje ti ku nyang unyang, ti ande ndufu rikom asu inje bane, jwunn ikyig uwe Umbae utam wu. Unde titini uwae-ba site kufwà ti kiticwae zinariya ti munn te iken ti ku nung kuyang, ti si itijwam ande Rimam.

Ititatso 7:11

Meme atom Rimam ti apupwen tsi pakob kutxomkwe wu, ti ande ndufu ti iken inje ti ku nyang unyang. Aba jwunn ikyig u bur uwe-ba riben, u fen Rimam,