Ititatso 4:1 - Kutsingken Ira Rimam ti Saen Kyag

¹ Isim ayine, ame sae, ama ti m nunung, ufu iki mbub tita apupwen! Ame fxen afxenjwin pangma ti ame fxen ti kucang ma kutumu. Awu ri te m baa, “Tso ba ike, ti m tatso fu iken ti u ba nde kang uwe ike.”

Ititatso 4:1 Iomraidhean Croise

Itiruye 1:1

Rinyi anyisu Isirela ti te Yakubu si yi Ejib tetso, unde titini te ishikununn-wu ta re:

Itiruye 19:24

Ama Yaweh ri te kyi wu baa, “Si ka pu Aruna tso ba. Amaa, akwen ti ande ti tsitsi ā nyatsa-ba ice u tso ba uwe-m be, be rinae-m u si ba risu-ba.”

Itiruye 24:12

Yaweh ri te Musa baa, “Tso ba somji m utaen rikwen ike, ame u pu na fu afxae atxom ti ame bae icwe si atang ikyaen ti fu ku kwen na anyisu Isirela.”

Matiyu 3:16

Isim ti a nde mam na Yesu batisma, awu tso ba yi ukunn. Ti ritsen, apwa apupwen mbubta, awu sae Kusung Rimam si ku ba pangma kikwae u ba som tsa risu-wu.

Markus 1:10

Ti ritsen ti Yesu tso ku ye uwae ambyi, awu sae apupwen mbubta, ama Kusung Rimam si ba risu-wu pangma kikwae.

Luka 3:21

Uwae kiye wu ti Yohana ku nde na ande meme batisma, awu nde na Yesu ama. Isim ti Yesu nde mam pu wu batisma u tsi ku jwam Rimam, apwa apupwen mbubta.

Yohana 16:13

Kiye ti Kusung Rimam a ru ba, awu ti ku tatso ande ira ti kubenti Rimam. Awu u nda ni nungye ira ti kubenti risu iken meme. Awu u ri-wu ira ti risu-wu be, ama awu u ri ira risu iken ti awu fxen uwog Rimam.

Wande Atom 10:11

Uwae kurwa yi, awu nung apupwen mbub tita, iken iki si ku ba pangma kujwo kutupwa tiyang. Unju-wu si inje, a yir wu yir ti uji u sa kyen si ku ba uwog ti awu ta atang.

Wande Atom 7:56

“Ni nung! Ame nung apwa apupwen mbub tita. Umbae Unde tsi kujwo rici na Rimam!”

Ititatso 1:10

Uwae usir Itsekuru, ame ta uwae Kusung ti Saen Kyag. Ame fxen afxenjwin pangma kutumu ti a kunn.

Ititatso 1:12

Ame kafe uwe ti m sae unde wu ti ku ri ira yi te m, ama sae iken itsongfaen ti a kyae yi te zinariya, ti fitila ku tsitsa atang.

Ititatso 1:19

Ikyaen yine, bae iken ti afu sae ti kucang, ti iken ti afu ku sae tine, ti iken ti u ru ba nde uwe ike.

Ititatso 11:12

Aba fxen afxenjwin si apupwen ba baa, “Ni tso ba ike!” Ama aba nwunn tso yi apupwen uwae kubyi, ande ti rika-ba ama, ku sae ba.

Ititatso 11:19

Isim ayine, ufu kusog Rimam ti apupwen mbubta, ama a sae akpati unju ti yer na Rimam tsi uwae atang. Imam ku taen u ku jaen wur wur, utense kyikyá, ama upwen ku ta ibu.

Ititatso 16:17

Isim ayine, atom ti itsongfaen yaen ikenti ta uwae kuseb-wu si ufunn, ama afxenjwin ti ribom iki ruye uwog kutxom ukwe uwae kusog Rimam baa, “Ayi nde mam pu yi!”

Ititatso 19:11

Isim ayine ame sae apupwen mbubta, ama kakum ti tsen tsi! Rinyi unde wu ti ku tso wu tso si KUBENTI. Awu ku pwen rikwen, ku ta rika uwae kubenti.

Ititatso 22:6

Cwucwo, atom wu ri te m baa, “Ira yine si ira ti kubenti, u pang atang ti unde ā sa utob tsi risu-yi. Itsekuru-ti Rimam, awu ti ku sa Kusung-wu jwu sang ande ti ku ya iskin ira-wu, awu ti tom atom-wu ba uwog apyi-wu ti wu tatso ba iken ti u tsi-yi tsi be, u nde.”