Ititatso 3:7 - Kutsingken Ira Rimam ti Saen Kyag

⁷ Bae ka na atom Rimam ti ta risu kumbug ande Rimam ti ta Filadefiya baa, “Ayine si ira ti ruye unju Awu ti Sisaen, Awu ti kubenti, ti ye su iken ti ku mbub ufu na Ukwe Dawuda kujwo-wu. Asiti awu a mbub ufu, unde iki ta-wu ti u cwunnkyi wu be, awu a cwunnkyi, unde iki ta-wu ti u mbub be.

Ititatso 3:7 Iomraidhean Croise

Matiyu 16:19

Ame u nda fu iken ti ku mbub ufu kusog ana Kujwokwe Rimam. Ira ti afu a shaen riben ike, a u shaen yi apupwen akwen ama. Ira ti afu a cwe riben ike, a u cwe yi apupwen akwen ama.”

Matiyu 24:35

Apupwen ti riben u yafe, amaa ira-m u yafe-yi fe ama be.

Markus 1:24

Awu taen ira, ri baa, “Iken ti ren fu te ti si imi, afu Yesu unde ti Nazareti? Afu ba ti fu u ba wen ti a. Ame nung pu m afu. Afu si Atom Rimam ti Saen Kyag.”

Luka 1:32

Awu u si unde tiyang. A u kunn wu baa, Umbae Rimam. Itsekuru-ti u nda wu Kujwokwe na itse-wu Dawuda.

Luka 4:34

“Kayi! Iken ti ren fu te ti si imi, Yesu unde ti Nazareti? Afu ru ba ike ti fu u ba twenji-fu ati a? Ame nung pu m afu. Afu si unde ti saen kyag ti ru uwog Rimam ba.”

Yohana 14:6

Yesu ri te wu baa, “Ame ti si fengo, ame ti si kubenti, ame ti si unyang. Unde iki u ka-wu uwog Itse-m be, se awu a ru tsa uwog-m.

Wande Atom 3:14

Awu Yesu wu si unde ti tinyang, unde ti saen kyag uwe Rimam. Amaa ani shaen-ni awu. Ani jwam Bilatus ti wu na sa ruye na ni unde ti ku wen ande, kutunn unju Yesu.

1 Yohana 5:20

Ati ama nung pu ti baa, Umbae Rimam na ba nda pu wu ati itinungye, ti ti na nung Rimam, awu ti si kubenti. Ati ama ta uwog awu ti si kubenti, ikyaen ti, ati bae fa Umbae-wu Yesu Kristi. Awu ti si Rimam ti kubenti, u si unyang ti tsi kukunn.

Ititatso 1:11

Ufxenjwin wu ri baa, “Bae meme iken ti afu sae sī uwae kutsingken, ti fu tom yi ru ka na ande Rimam itsongfaen ayine: Afisa ti Simirna ti Pergamum ti Tiyatira ti Sardis ti Filadefiya ti Lodikeya.”

Ititatso 1:18

u tsi yiyer. Ame cwucwu kucang, amaa tine, ame tsi user ru fife yi uwe. Iken ti ku mbub ufu Iticwu, ti Kinjag, ta kujwo-m.

Ititatso 1:5

ti uwog Yesu Kristi, awu ti ku ri tan ira Rimam te ande, awu ti tawe uwe nwunn uwae iticwu, awu ti si ukwe na abikwe utense. Awu ti site ure te ti, u sa anying-wu yaen mbub ikyaen ti wu saen ti ta uwae ikentitibi-ti.

Ititatso 15:3

Aba yang akyang Musa, upyi Rimam, ti akyang Mbae Utam wu. Aba ku yang baa, “Itsekuru-ti Rimam ti skeb titag, wande ajwo-fu si iken ti kuko ti ku fur ayib, ku wub ijwe! Ukwe ambukwen ande meme, fengo-fu si ti kubenti u pang ti ande u putsa atang.

Ititatso 16:7

Ame fxen kyi kuta cwe baa, “Itsekuru-m Rimam ti kuko, rikwen-fu, si rikwen ti kubenti.”

Ititatso 19:11

Isim ayine ame sae apupwen mbubta, ama kakum ti tsen tsi! Rinyi unde wu ti ku tso wu tso si KUBENTI. Awu ku pwen rikwen, ku ta rika uwae kubenti.

Ititatso 19:2

Rikwen-wu si rikwen ti kubenti u pang atang. Awu ye pu wu iyaen wune ti ye utense ndembeb u pwen wu rikwen. Awu ye pu wu upae anying apyi-wu ti unda wune tur yaenmbub.”

Ititatso 2:1

“Bae ka na atom Rimam ti ta risu kumbug ande Rimam ti ta uten Afisa baa, “Ayine si ira na awu ti ye su atitaen itsongfaen kujwo rici-wu. Awu ti ku kyang kutampwa akyikya fitila itsongfaen ti a kyae yi ti zinariya.

Ititatso 21:5

Awu unde ti somtsa kutxom ukwe ri baa, “Nung, tine ame ku kyae meme iken, tishe.” Awu ri kyi baa, “Bae ira yine, ikyaen ti, ayi si ira ti kubenti, tikong ta-yi atang be.”

Ititatso 3:14

Bae ka na atom Rimam ti ta risu kumbug ande Rimam ti ta Lodikeya baa, “Ayine si ira ti ruye unju Awu ti rinyi-wu si ‘Aminn,’ awu ti si kubenti, ti ku ri tan ira ti kubenti, u si utitawe na meme iken ti Rimam mam.

Ititatso 4:8

Iken inje yi ti ku nyang unyang, site asae itsongnjo itsongnjo, u site ayib ti ku shag shag shag shag yine. Usirtaen ti utitang, ayi tsi kunn akyang ti yang baa, “Saenkyag! Saenkyag! Saenkyag! Itsekuru-ti Rimam saen kikyag! Awu ti site kuko patag, ti ta atang tine, u si ti kute, u si ti ku ba uwe!”

Ititatso 5:9

Ama aba yang kukyang tishe baa, “Afu ko pu fu ti fu mbe kupwa wune, u mbubta wu, ikyaen ti, a wen fu. Ti anying-fu, afu jaeb mbe utso ande, ti unju ande, ti ambukwen ande txi txi txi.

Ititatso 6:10

Aba jwub ira te afxenjwin ti ribom baa, “Itsekuru ti skeb titag, ti si itisaen kyag, u si kubenti, isinn ti afu u ba pwen rikwen, u ye ripab anying-ti kujwo ande ti utense, ti tur yaenmbub?”