Ititatso 3:5 - Kutsingken Ira Rimam ti Saen Kyag

⁵ Unde ti a ci rika, a u sī na wu atupwa ti tsen, ama ame u fen mbeb-m rinyi-wu uwae kutsingken unyang be. Ame u ri unju ti tinyang risu-wu uwe Itse-m ti atom-wu ti apupwen.”

Ititatso 3:5 Iomraidhean Croise

Matiyu 10:32

“Unde titini ti a ri tso kubenti te ande baa, ame na si Itsekuru-wu, ame u kunn rinyi-wu ama uwe Itse-m ti ta apupwen.

Luka 10:20

Amaa ni tsen-ni utob ikyaen ti rijwen titibi nae risu riben uwog-ni be, ni tsen utob ikyaen ti a bae rinyi-ni kuru Rimam apupwen.”

Luka 12:8

Yesu ri te ande ti funn atang baa, “Ame ku ri te ni, unde titini ti a cwe uwe ande baa, awu na si unde-m, Umbae Unde u ri ira ti tinyang risu-wu ama uwe atom Rimam ti apupwen.

Filipi 4:3

Afu urwan wande-m ti kubenti, ame ku jwam fu, ndeya anda abane, ikyaen ti, aba te m kwab tetso uwae wande na ira tinyang na Yesu, fa ti Kilementi ti itaen ti tsitsi ti nde wande te m. Ame tang baa, rinyi-ba ta uwae kutsingken na rinyi ande ti tu unyang tishe.

Yawuda 1:24

Ititeb ā si ana Rimam, awu ti site kuko ti wu nda ni ani u kyen-ni kufxen be, awu ti u ndetu ti wu tae ni kaa tsi uwae riyinn-wu, uwog ti ani u tsen utob u shwu ashwu, ama riraen iki u ta-yi uwog-ni be.

Ititatso 13:8

Meme ande ti ta utense u fen wu, aba ande ti a bae-ba rinyi-ba be, ti ti a mam-ba utense khika be, uwae kutsingken na unyang na Mbae Utam ti a yer wuwen.

Ititatso 17:8

Ibye wu ti afu sae ne, ku nyang unyang kute, u ku nyang-wu unyang tine be, amaa, ayi u tsi-yi tsi be awu u nwunn kukwae ti itikuntsi-wu ta-yi be ba, u kaa twenji. Ama meme ande ti a bae-ba rinyi-ba uwae kutsingken na unyang, kiye ti a bag ku mam utense, tiyinn u si ba ijwe, kiye ti aba sae ibye wune ti ku unyang unyang kute, ama ku nyang-wu unyang tine be, ama ti u ba kyi cwucwo.

Ititatso 19:8

Rimam cwe na wu ti wu na kyae ijwe-wu ti atupwa tishe titsen porr porr.” Atupwa yi si wande ti tinyang na ande na Rimam.

Ititatso 2:11

“Unde ti site atong, awu ā fxen ira ti Kusung ti Saen Kyag ku ri te ande Rimam. Unde ti a ci rika, iticwu ti apu-ifaen u tu-yi awu be.”

Ititatso 2:7

Unde ti a site atong, awu ā fxen ira ti Kusung ti Saen Kyag ku ri te ande Rimam. “Unde ti a ci rika, ame u cwe ti wu na ci awaen kutuku na unyang ti tsikukunn uwae risaen na Rimam apupwen.”

Ititatso 20:12

Ama ame nung itikicwu, ande ti rurob ti ande ti rob-ba rob be, tsi uwe kutxomkwe wu. Atsingken ti mbub ti ta cwu atang yang-yi. Ama a mbubta kyi kutsingken iki cwucwo, ti si kutsingken na unyang. Ama a pwen itikicwu rikwen pang ti iken ti a bae uwae atsingken yi, pang ti kujwo wande ti aba nde.

Ititatso 20:15

Unde ti rinyi-wu ta-yi uwae kutsingken na unyang ne be, a ye wu jwunnsi uwae uvum urwa wune.

Ititatso 21:27

Amaa, iken iki ti ajib u sang-yi uwae uka atang be. Unde iki ti ku nde iken ti ku txi iyib, ko ti tikong, u sang ka-wu atang be. Nyáng ande ti a bae rinyi-ba uwae kutsingken na unyang na Mbae Utam, ti u sang ka uwae uka atang.

Ititatso 22:19

Cwucwo unde ti a ko si ira ti a bae uwae kutsingken wune, Rimam u jwaeru kutunn-wu uwae awaen ituku na unyang uwae uka ti sisaen, ti a bae ira risu-yi uwae kutsingken wune be.

Ititatso 3:12

Unde ti a ci rika, ame u sa wu sim pangma kufwá uwae kusog Rimam-me. Awu u ruye-wu ye atang be. Ame u bae rinyi Rimam-me rimenn-wu, ti rinyi uka na Rimam-me, ti si Urushelima tishe, ti u sī apupwen uwog Rimam-me ba. Ame u bae rinyi-m ti tishe rimenn-wu ama.”

Ititatso 3:4

Ko ti ayi si ahan, ariki ta uwae uten Sardis kpang, ti pu atupwa-ba kwan mbeb-ba uwae ajib be. Aba u si kutupwa ti tsen u putsa m, ikyaen ti aba pang pu ba ti a u nde ahan.

Ititatso 6:11

Isim ayine, a nda ko unde titini uwae-ba arun ti titsen, u ri te ba baa, “Ni tsi tum titawe, se iken ti ujwunn arwan wande-ni ti ameinja-ni ti a u wen ba pangma ti a wen ni, a ren pu-yi.”