Ititatso 3:4 - Kutsingken Ira Rimam ti Saen Kyag

⁴ Ko ti ayi si ahan, ariki ta uwae uten Sardis kpang, ti pu atupwa-ba kwan mbeb-ba uwae ajib be. Aba u si kutupwa ti tsen u putsa m, ikyaen ti aba pang pu ba ti a u nde ahan.

Ititatso 3:4 Iomraidhean Croise

Esita 8:15

Tiri, Mordekai ru ye uwe ukwe. A pu arun ti tsen, ti ti rikàen-yi ru irum titisub sī wu, u sa kubur ukwe na zinariya bur wu, ama pu atupwa ti a ndxob yi te itub ti tsen ti tinyang ti itub ti ru itibyaen, u pu bur wu. Ama ande ti ta uwae uten ti Susa ku kam ashwu.

Matiyu 10:11

“Kiye ti ani a ru ba sang uten iki ko imbae uten iki, ni sang ti ni sha unde ti u cwe u pu ni sang uwae kununn-wu, ti ni som atang se iken ti ani a nwunn pu ni uwae uten atang.

Markus 16:5

Ti aba sang yi uwae kuskab wu, aba nung utaen unde iki ti sī arun titsen, awu som kujwo rici uwae kuskab atang. Ikyen ricwu ye ba si-yi ti ti ri be.

Luka 20:35

amaa arom ti anda ti a kunn nwunn ba uwae iticwu, aba ti Rimam cwe baa, aba na pang pu ba ti aba na sang kununn-wu apupwen, aba u mbe-ba anda be u baen-ba ande be.

Luka 21:36

Ni tsi ti ujwin ko kiye titini. Ni jwam Rimam ti wu nda ni ribom ijwe ti ni nwangruye uwae iken yine meme ti ku ba, ti ani u ru ba tsi kutxuwe Umbae Unde.”

Wande Atom 1:15

Kiye iki, ti ande na Yesu iki ka mae ande itsongnjo funn atso uwog iki, Bitrus fa sunwunn ritsen kutampwa-ba u ya iskin baa,

2 Tesalonika 1:5

Iken yine ku tso paenine baa, Rimam na ku pwen rikwen-wu ti kubenti. Rikaen ti ani ku ngwa ikyaen Kujwokwe Rimam, ricwunnkyi-yi si ti Rimam u yer rikwen risu-ni baa, ani na pang pu ni ti ni na sang Kujwokwe-wu.

Yawuda 1:23

Ni nwangru ariki pangma ani na ku shir ba ruye uwae urwa. Ariki ama, ni nung risi-ba uwae ikyenricwu. Ko atupwa-ba ti kwanmbeb ti ikentitibi-ba, ni sae yi pangma iken ti ku txi iyib.

Ititatso 1:11

Ufxenjwin wu ri baa, “Bae meme iken ti afu sae sī uwae kutsingken, ti fu tom yi ru ka na ande Rimam itsongfaen ayine: Afisa ti Simirna ti Pergamum ti Tiyatira ti Sardis ti Filadefiya ti Lodikeya.”

Ititatso 11:13

Uwae kiye wu, utense kyi ijwe u taen punn. Kujwo kyab kinjo uwae rijwe na uka wu mbub si u yata kujwo ikyab itsongnje. Ande kumbub itsongfaen twenji, ikyaen utense ti kyi ijwe. Ikyenricwu ye ande ti tsitsi si-yi ti ti ri be. Ama aba teb rinyi Rimam ti apupwen amam.

Ititatso 14:4

Aba si ande ti kam ndembeb-ba ijwe-ba yi anda ti nae be, ti som cwucwe. Ayi si abane ti ku putsa Mbae Utam ko aka ti wu a ku ru meme. A jaeb mbe pu ba ande bane uwae ande ti utense. Aba pangma usen wuci ti a pu na Rimam, u pu na Mbae Utam wu.

Ititatso 19:14

Meme akyirten ti apupwen putsa wu, u tso kakum ti tsen, u yir tag ijwe-ba te atupwa ti ti tsen ti saen por por.

Ititatso 19:8

Rimam cwe na wu ti wu na kyae ijwe-wu ti atupwa tishe titsen porr porr.” Atupwa yi si wande ti tinyang na ande na Rimam.

Ititatso 3:18

“Tine, kumyae-m si ti, afu na jaeb ayib zinariya uwog-m, zinariya ti a fufug te urwa, ikyaen ti fu kafe unde ti rifunn. Jab atupwa ti tsen ti fu pu cwunnkyi ribam-fu, ikyaen ti ande ā sae-ba rukwae-fu be. Jab acin ti fu kam si ayib-fu, ikyaen ti fu sae uwog paenine.

Ititatso 3:5

Unde ti a ci rika, a u sī na wu atupwa ti tsen, ama ame u fen mbeb-m rinyi-wu uwae kutsingken unyang be. Ame u ri unju ti tinyang risu-wu uwe Itse-m ti atom-wu ti apupwen.”

Ititatso 4:4

Ame sae atxomkwe iki ka rikom asu inje, tā pakob kutxomkwe wune. Ande ndufu rikom asu inje, si atupwa ti tsen, u bur ubur ukwe ti a kyae yi te zinariya, u somtsa risu atxom ukwe yine.

Ititatso 6:11

Isim ayine, a nda ko unde titini uwae-ba arun ti titsen, u ri te ba baa, “Ni tsi tum titawe, se iken ti ujwunn arwan wande-ni ti ameinja-ni ti a u wen ba pangma ti a wen ni, a ren pu-yi.”

Ititatso 7:9

Isim ayine ame sae ujwunn ande ti funn, ti unde u pwen tu-wu aba be, ti ruye uwae utso ande meme, ti uwae rishi ande meme, ti uten ti ta uwae utense patag ti unju-ba txi txi. Aba tsi uwe kutxomkwe ti uwe Mbae utam wu. Aba si arun titsen u ye su asaen itu ajwo-ba.