Ititatso 3:19 - Kutsingken Ira Rimam ti Saen Kyag

¹⁹ Ande ti ame ye ure te ba, si aba ti ame ku fwan ba kibyag, ku byinn ba kimbab. Ikyaen yine, sa uwae-fu tsi ira-m ne, ti fu kafe isim ta ikentitibi-fu.

Ititatso 3:19 Iomraidhean Croise

Matiyu 25:7

Anyisu wandab bane shwu kicwag meme-ba, unde titini ko urwa fitila-wu tso.

Yohana 2:17

Ti ande ti putsa wu nung iken yine, aba tangsom ti ira ti a bae uwae Kutsingken Rimam baa, “Ure ti ame site risu kusog Rimam si urwa ti ku ten uwae utob-m.”

Roma 12:11

Ni nde wande ti ribom-ni, ni nde-ni uyáng be. Ni sa utob-ni ti ijwe-ni meme na wande na Rimam.

1 Korinti 11:32

Amaa, ayi a si Itsekuru ti ku pwen ti rikwen, ayi si kimbab ti byinn ti awu ku byinn ti, ikyaen ti wu nwangru ti. Awu ku sha-wu ti awu u pwen ti rikwen iticwu ren fa te ande ti utense be.

2 Korinti 6:9

Ande sae ti pangma ati na si-ti ande be, amaa, ande meme nung ti. Ati ta unju iticwu ko kiye titini, ama ati tsi user ti atang. Ko ti a ku byinn ti kimbab, a wen fob-ba ati be.

2 Korinti 7:11

Ande-m! Nung itso itinyang ti ru ba tu ni ikyaen utob ti ndembeb yine. Ayi nda ni ani sa utob-ni na iken na Rimam si-yi ti ti ri be. Ayi nda ni ani byir utob risu iken ti ani nde u ku kwab ti ni tso ande baa, ani na si ande ti kubenti. Ayi nda ni ikyenricwu. Ayi nda ni ani ku sae ayib itiba-m ti utob-ni meme. Ayi nda ni kwab timambe fengo Rimam. Ayi nda ni ani ku kwab ti ni kyae nyang riraen ti ariki nde. Uwae ira yine meme, ani tso baa, ani na nde-ni ikentitibi be.

Galatiya 4:18

I nyang timambe ti unde ā sha risu tinyang uwog ande, asiti ayi a si ikyaen iken iki ti tinyang. Ayine si kubenti ko kiye titini. Ame ti risu-m ku sha ahan ama, ayi si-yi kiye ti ame te ni ta te atso amam be.

Titus 2:14

Awu cwu ricwu risu-ti ikyaen ti wu na nwangru ti uwae itso ikentitibi meme, u jwosaen utob-ti, u sa ti kafe ande ti ana-wu, ande ti sa utob na wande ti tinyang ti ti nde.

Yakubu 1:12

Itinyang ā si ana unde ti ye utob u som ti uwae kinjo kiye ti itimyae a ba tu wu. Kiye ti awu a ruye uwae rikaen, Rimam u nae wu ukwe, u nda wu unyang ti tsi kukunn ti Rimam yer unju baa, awu na u nda unde ti site ure te wu.

Ititatso 2:5

Ikyaen yine, tangsom uwog ti afu jwunnsisi atang. Ya ikentitibi-fu ta, ti nde iken ti afu nde kucang. Ayi a si-yi ahan be, ame u ba ye ra fitila-fu ru ye uwog ti wu tsi atang, ru.