Ititatso 3:15 - Kutsingken Ira Rimam ti Saen Kyag

¹⁵ Ame nung itikwab-fu, afu byag-fu byag be, u jim-fu jim be. Á baa, afu na jijim ko afu na byibyag amam, ayi ú nyang.

Ititatso 3:15 Iomraidhean Croise

Matiyu 10:37

Unde titini ti a ye ure te itse-wu ko iya-wu skeb me, unde wune ko-wu ti wu ru ba uwog-m be. Unde titini ti a ye ure te uyin-wu ko unda-wu skeb me, unde wune ko-wu ti wu ru ba uwog-m be.

Matiyu 24:12

Ikyaen ti, ande ti putsa-ba icwe be u ko ku fufa. Ayine u nda ure na ande yang-ba u jim ndembeb.

Matiyu 6:24

“Unde u nde tu-wu wande upyi na ande ifaen be. Asiti awu a site itsekuru ifaen awu u ye ure te kinjo uwae-ba u pyir ira unde ti ifaen, ko awu u nae risu riben te kinjo u sae ru iti ifaen. Unde u nde-wu wande Rimam u nde ana rifunn ama be.

Roma 12:11

Ni nde wande ti ribom-ni, ni nde-ni uyáng be. Ni sa utob-ni ti ijwe-ni meme na wande na Rimam.

1 Korinti 16:22

Unde ti a ye ure te-wu Itsekuru be, awu ā sa ti ukwae-wu! Itsekuru-ti Yesu, ba-fu tiri!

2 Korinti 12:20

Ame kyen ikyenricwu baa, ko iki be, asiti ame a ru ba ye, ame na u ba tu ni te usom ti som ti txi te ira ti ame ku sha ti m nung uwog-ni, ko ani ama u tu m te kujwo wande ti txi te ayi ti ani ku sha ti ni nung uwog-m. Ko iki be ame u ru ba tu ni ani ku fwan kibyag, u ku tsinn kitsinn, u ku tso rinae, u ku sha nyang iken na risu-ni amam, u ku txun atso asu, u ku tsag ande, u ku ndub ijwe, u ku ye iken kyikab kyikab.

Filipi 1:9

Ame ku jwam Rimam baa, ure yi ti ani site na ā ko fufa ru yi uwe, ti ani na u site ben-ayib ti itinungye ko fufa.

2 Tesalonika 1:3

Ameinja, ayi tsi ti ti utob uwae ko kiye titini ti ati na nde na Rimam fxaefa ikyaen-ni. Ayi si iken ti pang atang ti ti nde, ikyaen ti, ani ku siser yi uwae kinjo ko ku fufa yi uwe. Ti mbwe-yi ama, ure ti unde titini uwae-ni ku ye te ande ti tsitsi ko ku fufa yang-yi ama.

Yakubu 1:8

Awu si unde ti unju ifaen, ku ka isim ba uwe.

1 Bitrus 1:22

Tine ani nae pu ni risu riben te ira Rimam ti kubenti, u jwosaen pu ni utob-ni, u site ure ti kubenti na ameinja. Ikyaen yine, ni ye ure te atso ti utob-ni meme,

Ititatso 2:2

Ame nung pu m itikwab-fu uwae wande, te ti afu tsikunn utob ti ye, te ti afu ku cwe-fu ira ande titibi be, ama u myae nung pu fu aba ti ku kunn ijwe-ba baa, aba na si atom, u nungye pu fu baa, aba na si ande ti tikong.

Ititatso 2:4

Amaa, ame site ira wune risu-fu, afu ya ure-fu ti afu ye te m ti kucang ta pu fu.

Ititatso 3:1

“Bae ka na atom Rimam ti ta risu kumbug ande Rimam ti ta Sardis baa, “Ira yine ruye unju Awu ti site Asung Rimam itsongfaen, ti atitaen itsongfaen. Ame nung itikwab-fu. Ame nung ti rinyi-fu kob uten baa, afu na site unyang, amaa, afu si-fu rukom ti tsi.

Ititatso 3:16

Amaa, ikyaen ti afu bwé bwé, afu byag-fu byag be, u jim-fu jim be, ame u tub ra fu ruye unju-m.”