Ititatso 3:11 - Kutsingken Ira Rimam ti Saen Kyag

¹¹ Ame u tsi-m tsi be u ba. Ye su iken ti afu site nyinyang, ti unde iki ā fxaen mbe ra-wu ubur ukwe-fu be.

Ititatso 3:11 Iomraidhean Croise

1 Korinti 9:25

Unde ti ku ter inyae te ariki, awu ku tsi ting ting uwae iken ti a kwen na wu. Rinyangwae ti aba sa utob tsi atang tsikunn-yi kunn be. Amaa, rinyangwae ti ati sa utob tsi atang ti ti u mbe si iken ti tsi kukunn.

Filipi 4:5

Ni tso ande meme baa, ani na si ande ti tinyang. Itsekuru-ti kyang ku yaen pu wu ti ti ba.

2 Timoti 2:5

Uwae kumyae inyae ti ter ama, unde u ci-wu be, se ti awu a putsa icwe.

2 Timoti 4:8

Tine, kujwojang tsi ku ji m, ayi si kubur ukwe ti Itsekuru-ti Kristi, ufwa rikwen ti kubenti u sa bur m usir ti ricwunnkyi. Si-yi nyang ame amam be, amaa, kwer ti meme ande ti tsi utob risu itiba-wu.

Yakubu 1:12

Itinyang ā si ana unde ti ye utob u som ti uwae kinjo kiye ti itimyae a ba tu wu. Kiye ti awu a ruye uwae rikaen, Rimam u nae wu ukwe, u nda wu unyang ti tsi kukunn ti Rimam yer unju baa, awu na u nda unde ti site ure te wu.

Yakubu 5:9

Ameinja, ni pwen-ni unju risu atso be, ti a pwen-ba ni rikwen be. Nung, ufwa rikwen tsi ufu ti wu sisang tiri.

Ititatso 1:3

Itinyang ā si ana unde ti ku pwen ira yine tso ise na ande. Itinyang ā si ana ande ti naa atong ku fxen iskin ti ya yine, u nae risu riben te ira ti a bae uwae kutsingken wune, ikyaen ti, kiye fer ku pu wu.

Ititatso 16:15

“Nung, ame ru ku ba pangma unde ti riyib! Itinyang ā si ana unde ti som ti ujwin u sī arun-wu ti atang, ikyaen ti wu kyang-wu ribam u wae-wu rukwae uwe ande be!”

Ititatso 2:10

Kyen-fu ikyenricwu rikaen ti u tu fu uwe ike be. Kubenti, Shetann ku kwab ti wu pu ariki uwae-ni kaa cwunnkyi pursuna, ikyaen ti a u myae ni myae. Ani u ngwa rikaen ka usir rijwe. Uwae kubenti-ni, ni cwe iticwu, ame ama u nda ni kubur unyang ti tsikukunn.”

Ititatso 2:13

Ame nung uwog ti som-fu, ti si uwog ti a ta kutxomkwe Shetann atang. Amaa, afu baefa m ting ting, u pyir-fu ti fu ru uwae kinjo uwog-m be ko uwae kiye ti a wen Antipas ti tsi ti kubenti uwae ira ti ana-m.

Ititatso 2:25

Ni ye su iken ti ta kujwo-ni ting ting, se usir ti ame á kafe ba.

Ititatso 22:12

“Nung, ame u tsi-m tsi be u ba, u pu kujwojang kyangsu ti m kan na unde titini, pang te iken-wu ti awu nde.

Ititatso 22:20

Unde ti ku ri ira risu meme iken yine ri baa, “Kubenti, ame u tsi-m tsi be u ba.” Ayi ā si ahan. Ba-fu, Itsekuru-ti Yesu!

Ititatso 22:7

“Nung! Ame u tsi-m tsi be u ru ba. Itinyang ā si ana unde ti ye su iskin ti ya ira Rimam ti a bae uwae kutsingken wune.”

Ititatso 3:3

Tine, tangsom te ira ti afu fxen u paembe yi ti kucang. Ye su yi, ti kafe isim ta ikentitibi-fu. Asiti afu a shwu-fu be, ame u ba purug fu pangma unde ti riyib, afu u nung-fu usir ti ame u ba be.

Ititatso 4:10

ande ndufu rikom asu inje bane ku jwunn ikyig uwe Awu ti somtsa kutxomkwe, ti tsi yiyer ru fife yi uwe, u ku fen wu. Aba ku mbub ubur-ba cwu riben uwe kutxomkwe atang, u ku teb wu baa,

Ititatso 4:4

Ame sae atxomkwe iki ka rikom asu inje, tā pakob kutxomkwe wune. Ande ndufu rikom asu inje, si atupwa ti tsen, u bur ubur ukwe ti a kyae yi te zinariya, u somtsa risu atxom ukwe yine.