Ititatso 3:10 - Kutsingken Ira Rimam ti Saen Kyag

¹⁰ Afu putsa pu fu ira ti ame ri te fu baa afu na ye utob uwae rikaen. Ikyaen yine, ame u nungkyi fu kiye kumyae ti ku ba risu utense meme.

Ititatso 3:10 Iomraidhean Croise

Daniyel 12:10

Ande yang-ba u som sisaen u site-ba ajib iki be, u kyaenyang ijwe-ba nyinyang. Amaa ande titibi u tsi kukunn te itibi ti ti nde. Ko unde iki uwae-ba u si-wu te itinungye be, amaa, ande ti ben ayib u site itinungye.

Matiyu 24:14

Usir ti ricwunnkyi u ba-wu be se iken ti a sa ira ti tinyang Rimam ri te tag pu ba ande uwae utense meme. Unde titini u tu riyae u fxen yi, itawe usir ti ricwunnkyi u ba.”

Matiyu 26:41

Ni ya kicwag ti cwag ta ti ni jwam Rimam, be, ani u jwunnsi uwae kumyae. Ame nung pu m baa, kusung-ni cwe, amaa, ijwe-ni jijim.”

Matiyu 6:13

Pu ti ka-fu uwae kumyae be, amaa, nwangru ti uwae ira titibi.’

Markus 14:9

Kubenti ti ame ku ri te ni, iken ti unda wune nde te m ne, ande u ri yi ko aka uwae utense uwog ti ande ku ri Ira Tinyang na Rimam atang. A u tangsom te kujwo wande-wu yine.”

Luka 2:1

Uwae kiye wune, Ukwe Kaisar Agusita sa icwe ruye baa, ande ti utense meme na ru ba ti ande ti uwe uten na bae rinyi-ba.

Yohana 17:6

“Ame nda ande bane nungye fu – ande ba ti afu pu ruye uwae utense wune u pu ba na m kujwo. Aba si ana-fu, afu ti pu ba na m. Aba ama nae pu ba risu riben te ira-fu.

Roma 1:8

Tawe, ame ku nde fxaefa na Rimam uwae rinyi Yesu Kristi risu-ni meme, ikyaen ti, ko aka uwae utense, ande ku fxen iten uwae kinjo-ni.

1 Korinti 10:13

Meme itimyae ti a tu fu, tang-fu baa, ayi na ku ba nyáng uwog-fu amam be. Rimam si kubenti, awu u cwe-wu ti kumyae-fu na yafe uwog ti ribom-fu tsi atang be. Kiye ti afu a sang kumyae, awu u tatso fu fengo itiruye ikyaen ti fu tu ribom utob.

Afisa 6:13

Ikyaen yine, ni pu isu rika na Rimam si ikyaen ti kiye ti rika a byagkwan, ani u nde tu ti ni tsi ti kpakang-ni. Ama ti rika a mam pu yi, ani u tsi ti atang.

2 Timoti 2:12

Asiti ati a bom utob ka ricwunnkyi, ati te wu ama u nae ukwe te atso uwae kujwokwe-wu. Asiti ati a kafe isim ta wu, awu ama u kafe isim ta ti.

Yakubu 3:12

Ameinja, kututung ku waen arisab a. Anam ama ku waen kututung a. Ambyi ti fifab u ba si-wu ambyi ti tinyang be.

1 Bitrus 4:12

Ameinja, ayi ā fur-yi ani ayib asiti rikaen titibi a tu ni ti yi myae uwae kinjo-ni myae be. Ayi ā si-yi ira tishe uwog-ni be.

2 Bitrus 2:9

Ti ayine meme si ahan, Rimam nung pu wu fengo ti wu nwangru ande ti ta uwog kumbwa. Awu nung pu wu fengo ti wu kwer ande titibi kupong, tsi ku ji usir rikwen.

Ititatso 1:9

Ame si Yohana inja-ni, ti te ni ku ngwa rikaen, u tsikunn utob ti ye ikyaen Yesu ti Kujwokwe-wu. A yir m u ye m ka nae ukunn uwae uyinn ti rinyi-wu baa, Patamos ikyaen ira Rimam ti ira Yesu ti ame ku riyae yi te ande.

Ititatso 11:10

Ande ti utense u kam ashwu ti ipam ti pam risu iticwu ande ifaen bane, u kan na atso rinyangwae, ikyaen ti, ande ti ku ya iskin ira Rimam ifaen bane nda ande ti utense rikaen ko pang-ba.

Ititatso 13:10

Asiti a u ye unde upyi, awu u ru kang usom upyi. Asiti a u wen unde te kisim rika, a u wen kang unde wu te kisim rika ama.” “Ayine si itikunn uwog ande Rimam ti sisaen, ti a ye kang utob u tsi kunn ti ku ru uwae kinjo ru ka furu.”

Ititatso 13:14

Uwae iken yi ti ku fur ayib ti a nda wu nde uwe ibye titibi wu ti kucang, awu kyaefa tag ande meme ti ta utense baa, aba na kyae apxin ti ru ibye ti kucang wune ti a ter wu te kisim rika, amaa, awu cwu-wu be.

Ititatso 13:8

Meme ande ti ta utense u fen wu, aba ande ti a bae-ba rinyi-ba be, ti ti a mam-ba utense khika be, uwae kutsingken na unyang na Mbae Utam ti a yer wuwen.

Ititatso 14:12

Ayine si itikunn uwog ande Rimam ti sisaen, aba ti ku ye su icwe Rimam u tsi kukunn ti ku ru uwae kinjo uwog Yesu.

Ititatso 14:6

Ama ame sae atom iki ku pinn apupwen akwen u ku ru te Ira Tinyang ti tsi kukunn ti wu kaa tsag te ande ti utense. Awu sa ira yi ku ba ikyaen utso ande meme ti kumbub ande meme ti rishi ande meme ti ande ti unju-ba txi txi txi uwae utense.

Ititatso 16:14

Ayi si asung titibi ti ku nde iken ti kimbag u ku ru yi uwog abikwe meme ti ta utense, ti a ka kunn byir ba ikyaen ti a na ka ta rika usir tiyang na Rimam ti site kuko patag.

Ititatso 17:2

Unda wune, abikwe ti utense nde iyaen te wu, ande ti utense meme ngwa ku shishaen uwae amae ti nae te unda wu.”

Ititatso 17:8

Ibye wu ti afu sae ne, ku nyang unyang kute, u ku nyang-wu unyang tine be, amaa, ayi u tsi-yi tsi be awu u nwunn kukwae ti itikuntsi-wu ta-yi be ba, u kaa twenji. Ama meme ande ti a bae-ba rinyi-ba uwae kutsingken na unyang, kiye ti a bag ku mam utense, tiyinn u si ba ijwe, kiye ti aba sae ibye wune ti ku unyang unyang kute, ama ku nyang-wu unyang tine be, ama ti u ba kyi cwucwo.

Ititatso 2:10

Kyen-fu ikyenricwu rikaen ti u tu fu uwe ike be. Kubenti, Shetann ku kwab ti wu pu ariki uwae-ni kaa cwunnkyi pursuna, ikyaen ti a u myae ni myae. Ani u ngwa rikaen ka usir rijwe. Uwae kubenti-ni, ni cwe iticwu, ame ama u nda ni kubur unyang ti tsikukunn.”

Ititatso 3:8

Ame nung itikwab-fu. Nung, ame mbub ufu tsi pu m afu, ti unde iki ta-wu ti u cwunnkyi wu be. Ame nung, afu site-fu ribom be, amaa, afu ye su ira-m, u pyir-fu ame be.

Ititatso 6:10

Aba jwub ira te afxenjwin ti ribom baa, “Itsekuru ti skeb titag, ti si itisaen kyag, u si kubenti, isinn ti afu u ba pwen rikwen, u ye ripab anying-ti kujwo ande ti utense, ti tur yaenmbub?”

Ititatso 8:13

Tiri ame sae ikwen ti ku pinn apupwen. Ame fxen wu ku kunn ukunn baa, “Kukuuwu! Kukuuwu! Kukuuwu! Ande utense u nde rimang, isim ti atom ita ti tsitsi a kunn kutumu-ba?”