Ititatso 22:6 - Kutsingken Ira Rimam ti Saen Kyag

⁶ Cwucwo, atom wu ri te m baa, “Ira yine si ira ti kubenti, u pang atang ti unde ā sa utob tsi risu-yi. Itsekuru-ti Rimam, awu ti ku sa Kusung-wu jwu sang ande ti ku ya iskin ira-wu, awu ti tom atom-wu ba uwog apyi-wu ti wu tatso ba iken ti u tsi-yi tsi be, u nde.”

Ititatso 22:6 Iomraidhean Croise

Kucangtsi 41:32

Iken ti nde Ukwe sunn kurwa atsepu ifaen si ikyaen ti Rimam sa tsi pu wu ti wu u nde kang iken ayine. Ayi u tsi-yi tsi be u nde.

Daniyel 3:28

Nebukanezar ri baa, “Ititeb ā si ana Rimam Shadirag, ti Meshag, ti Abenego ti tom atom-wu ti apupwen ba nwangruye apyi-wu ti ru kubenti uwog-wu. Aba nyatsa icwe ukwe, u cwe iticwu u ku riben fen-ba iken iki fa Rimam-ba be, nyáng Rimam amam.

Daniyel 6:22

Rimam-m tom atom-wu ti apupwen si ba kwerkyi unju itumu yi ama ayi kub-yi ame be. Ikyaen ti, yi uwe Rimam, ame raen-m awu ira iki be, u nde-m afu ukwe ira titibi iki be ama.”

Matiyu 13:41

Umbae Rimam u tom atom-wu ti apupwen kyang kyi fe uwae Kujwokwe-wu, ama aba u byir tag ande ti ku nda ni nde ikentitibi ti ande ti ku nde wande titibi meme.

Luka 1:70

Pangma ti awu ri ti kucang yi unju atom-wu ti sisaen baa,

Luka 16:16

“A kwen na ande iken uwae Icwe Musa ti uwae ira na ande ti ku ya iskin ira Rimam, sa sa sa ba sang ti kiye na Yohana unde ti ku nde batisma. Sa ti kiye Yohana, a ku ri ira ti tinyang na Kujwokwe Rimam te ande. Unde titini ku kwab ti wu u sang kang atang.

Wande Atom 12:11

Tiri Bitrus ba nungye iken yi ti nde u ri baa, “Tine ame nungye pu m ti iken ne si kubenti. Itsekuru tom atom-wu ba uwog-m ti wu na ba sa ru me uwae kujwo na Ukwe Herodus ti iken meme ti Mbayawuda ku tang baa, ayi na u tu m.”

Wande Atom 3:18

Amaa, ti kucang akwen, Rimam nda meme ande ti ku ya iskin ira-wu ri te ande baa, Unde wu ti awu Tsab Tsi na u ngwa kang rikaen. Tine Rimam kumunn pu wu ira-wu yine uwae iticwu na Yesu.

Roma 1:2

Ira ti tinyang yine, Rimam yer unju te ti ti kucang risu-yi, yi fengo na atom-wu ti bae ira-wu si uwae atsingken ti saen kyag.

1 Korinti 14:32

Ande ti site rinda ira ti Rimam ti ri, aba ā ye su rinda-ba ayi nyinyang.

1 Korinti 7:29

Ira yi ti ame ku ri si ti, ameinja-ti, kiye ko-yi cwucwo be. Ikyaen na yine, tsikunn ike ru fife yi uwe, ande ti mbe anda ā sa ijwe-ba tsi pangma a na mbe-ba anda be, anda ti baen ande ama ā sa ijwe-ba tsi pangma a na baen-ba ande be.

2 Tesalonika 1:7

Ama ani ande ti ta uwae rikaen tine, ti ati ama, awu u nda ti unyang ti pu usir ti Itsekuru-ti Yesu u ba tso risu-wu. Awu te atom Rimam ti apupwen u si ba tetso

Mbaibrane 12:9

Ati site abitse-ti ana rimenn ijwe ti ku byinn ti kimbab, ati ku kyen ba. Itse-ti na Kusung ama re? Ati u kyen-ti ikyenricwu itse-ti na kusung u tu unyang ti tsi kukunn be a?

2 Bitrus 1:21

Ikyaen ti, ira ti ande ti ya iskin Ira Rimam ri kute ru-yi uwog unde ba be, ayi si Kusung Rimam ti nda ba ti a na ri ira ti ru uwog Rimam ba.

2 Bitrus 3:2

ikyaen ti ni na tangsom te ira ti ru unju ande ti ya iskin ira Rimam kute, fa te icwe na Itsekuru-ti Yesu Kristi unde ti nwangru ti, ayi icwe ti ani mbe uwog atom ti ru ba uwog-ni.

Ititatso 1:1

Ira yine si ira ti Yesu Kristi tatso. Rimam ti nda wu ikyaen ti wu na tatso apyi-wu iken ti u tsi-yi tsi be u nde kang. Yesu Kristi tom atom-wu ti apupwen ti wu na sa ira ayi tsag te upyi-wu Yohana.

Ititatso 18:20

Ni kam ashwu ti ni pam ipam, ani ti ta apupwen, risu ititwenji na uka wune, fa ti ani ande Rimam, ti atom, ti ande ti ku ya iskin ira Rimam. Nung! Rimam yir pu wu rikwen ikyaen iken ti awu nde te ni.

Ititatso 19:9

Isim ayine atom wu ri te m baa, “Bae ira yine. Itinyang ā si ana ande ti a yae ba ru ba uwog ukwab unda ishe na Mbae Utam wune.” Awu shem kyi cwucwo baa, “Ira yine si ira ti kubenti na Rimam.”

Ititatso 21:5

Awu unde ti somtsa kutxom ukwe ri baa, “Nung, tine ame ku kyae meme iken, tishe.” Awu ri kyi baa, “Bae ira yine, ikyaen ti, ayi si ira ti kubenti, tikong ta-yi atang be.”

Ititatso 21:9

Tiri ame nung kinjo uwae atom itsongfaen ti ye su kuseb ti munn te kujwūnn kicaeb titibi ti tsotso itsongfaen. Awu ru ba ri te m baa, “Ba, ti m tso fu unda ishe na Mbae Utam.”

Ititatso 22:1

Isim ayine, awu atom wu tatso m uyinn ti site ambyi na unyang. Ambyi wu saen kyakyag, u pang ruye uwog kutxomkwe na Rimam, ti ana Mbae Utam.

Ititatso 22:16

“Ame Yesu ti tom atom-m ba ti awu na ri tan ira yine te ni ande na Rimam. Ame ti si ipab, u si umbae ti fikyi kutxom Dawuda. Ame ti si kititaen ti tsen yag yag ti utencwe.”

Ititatso 22:7

“Nung! Ame u tsi-m tsi be u ru ba. Itinyang ā si ana unde ti ye su iskin ti ya ira Rimam ti a bae uwae kutsingken wune.”

Ititatso 4:1

Isim ayine, ame sae, ama ti m nunung, ufu iki mbub tita apupwen! Ame fxen afxenjwin pangma ti ame fxen ti kucang ma kutumu. Awu ri te m baa, “Tso ba ike, ti m tatso fu iken ti u ba nde kang uwe ike.”