Ititatso 22:19 - Kutsingken Ira Rimam ti Saen Kyag

¹⁹ Cwucwo unde ti a ko si ira ti a bae uwae kutsingken wune, Rimam u jwaeru kutunn-wu uwae awaen ituku na unyang uwae uka ti sisaen, ti a bae ira risu-yi uwae kutsingken wune be.

Ititatso 22:19 Iomraidhean Croise

Itiruye 32:33

Ama Yaweh ri te Musa baa, “Iyee unde ti a nde m ikentitibi, si awu ti ame u fen mbeb rinyi-wu uwae kutsingken-m.

Luka 11:52

“Ani ande ti ku kwen na ande Icwe Rimam, ayae-ni! Ani mbe ra pu ni imbae ufu kusog na ira ti nung, ani ti risu-ni sang-ni be. Cwucwo ani byang kyi ande ti ku kwab ti a sang.”

Ititatso 1:3

Itinyang ā si ana unde ti ku pwen ira yine tso ise na ande. Itinyang ā si ana ande ti naa atong ku fxen iskin ti ya yine, u nae risu riben te ira ti a bae uwae kutsingken wune, ikyaen ti, kiye fer ku pu wu.

Ititatso 11:2

Amaa, myae rishen ti pakob kusog Rimam fa-fu atang be. Ikyaen ti, a sa wu na pu ba ande ti nung-ba ira Rimam be. Aba u ceb pu uka ti sisaen na Rimam fa afxen ka ishaen mae ifaen asu ifaen.

Ititatso 13:8

Meme ande ti ta utense u fen wu, aba ande ti a bae-ba rinyi-ba be, ti ti a mam-ba utense khika be, uwae kutsingken na unyang na Mbae Utam ti a yer wuwen.

Ititatso 14:13

Tiri ame fxen afxenjwin si apupwen ba, ku ri baa, “Bae iken yine: Ti tinyang ā si ana ande ti cwu fengo Itsekuru-ti Rimam.” Kusung ti Saen Kyag cwe baa, “Een, kubenti! Ayi si ahan ara! Aba u pu unyang uwae wande-ba ti ribom, ikyaen ti, kujwo wande-ba u putsa ba.”

Ititatso 2:11

“Unde ti site atong, awu ā fxen ira ti Kusung ti Saen Kyag ku ri te ande Rimam. Unde ti a ci rika, iticwu ti apu-ifaen u tu-yi awu be.”

Ititatso 2:26

Unde ti a ci rika, u ye su kujwo wande-m ka kwer ricwunnkyi, ame u nda wu nae ukwe risu ambukwen ande.

Ititatso 2:7

Unde ti a site atong, awu ā fxen ira ti Kusung ti Saen Kyag ku ri te ande Rimam. “Unde ti a ci rika, ame u cwe ti wu na ci awaen kutuku na unyang ti tsikukunn uwae risaen na Rimam apupwen.”

Ititatso 21:2

Ame sae Uka ti Sisaen, ti si Urushelima tishe, sī uwog Rimam apupwen ku ba. A kyae nyang tag wu pangma unda ishe ti som ku ji ubaen-wu.

Ititatso 21:5

Awu unde ti somtsa kutxom ukwe ri baa, “Nung, tine ame ku kyae meme iken, tishe.” Awu ri kyi baa, “Bae ira yine, ikyaen ti, ayi si ira ti kubenti, tikong ta-yi atang be.”

Ititatso 22:12

“Nung, ame u tsi-m tsi be u ba, u pu kujwojang kyangsu ti m kan na unde titini, pang te iken-wu ti awu nde.

Ititatso 22:2

Awu pang putsa kutampwa fengo ukum na uka wu. Ituku na unyang tsi meme iyenkyab na uyinn wu. Ushaen titini ayi ku waen itso awaen txi txi, ka ishaen rijwe asu ifaen. Atsing-yi ku jim kicaeb ande.

Ititatso 22:7

“Nung! Ame u tsi-m tsi be u ru ba. Itinyang ā si ana unde ti ye su iskin ti ya ira Rimam ti a bae uwae kutsingken wune.”

Ititatso 3:12

Unde ti a ci rika, ame u sa wu sim pangma kufwá uwae kusog Rimam-me. Awu u ruye-wu ye atang be. Ame u bae rinyi Rimam-me rimenn-wu, ti rinyi uka na Rimam-me, ti si Urushelima tishe, ti u sī apupwen uwog Rimam-me ba. Ame u bae rinyi-m ti tishe rimenn-wu ama.”

Ititatso 3:21

Unde ti a ci rika, ame u cwe na wu ti wu som te m kutxomkwe-m, pangma ti ame ci rika u som te Itse-m kutxomkwe-wu.”