Ititatso 22:15 - Kutsingken Ira Rimam ti Saen Kyag

¹⁵ Amaa, mbapxu, ti ande ti kisi, ti ande ti ku caen upwen, ti ande ti ku nae iyag, ti ande ti ku wen ande, ti ande ti ku fen apxin, ti ande meme ti sa uwae tsi risu iken tikong ti ti nde, abane meme u som ana-ba kanjag.

Ititatso 22:15 Iomraidhean Croise

Matiyu 7:6

“Pu iken ti saen kyag na-fu mbapxu be. Pu iken ti site aser ama jwunnsi-fu ingog be, be ayi u ceb ndembeb yi te afxen ama u kafe u kub fu anyi.

Matiyu 8:12

Amaa, ande ti si ti a ú sang Kujwokwe Rimam, a u pu ba jwunn sang uwae kufub uwog ti aba u jwub ira u kub kujwo anyi.”

Yohana 8:46

Aye uwae-ni ti u cwe tso baa, awu na ye m ti ikentitibi? Unde iki ta-wu be. Asiti ame a ku ri te ni kubenti ama, imi ti nde titawe ani ru-ni uwae kinjo uwae ira-m be?

Wande Atom 8:11

A sa utob na wu ikyaen ti, awu ku nde na ba iken ti imbag ne fengo-yi rwen pu yi.

Filipi 3:2

Ni tsi ti ujwin ti ni nungye aba ande titibi ti ku yer ru kupwa rimenn, aba ande titibi ti ku ri baa, ati na tsen kang ande kutxin. Aba si ipxu ti anyi!

Kolosi 3:6

I si ikyaen itso ikentitibi yine ti rinae Rimam ru ku ba.

1 Timoti 1:10

A bae icwe yine ikyaen na ande ti ku nae amae. A bae yi ikyaen arom ti ku nae atso, ti ande ti ku yib ande ru, ti ande ti ku wer rifen, ku ri ira ti tikong. Abane, ti ande meme ti ku putsa-ba iken ti kwen ti kubenti be, si ti a bae icwe yine ikyaen-ba.

Ititatso 18:23

Aba u nung-ba urwa fitila uwog-fu cwucwo be. Aba u fxen-ba afxenjwin unda ishe ti ubaen-wu uwog-fu cwucwo be. Ti kute ande ti kijab-fu si ande ti site kuko siskeb uwae utense. Uwae iken ti kimbag ti ku fur ayib, afu kyaefa meme ande ti ta utense patag.”

Ititatso 21:27

Amaa, iken iki ti ajib u sang-yi uwae uka atang be. Unde iki ti ku nde iken ti ku txi iyib, ko ti tikong, u sang ka-wu atang be. Nyáng ande ti a bae rinyi-ba uwae kutsingken na unyang na Mbae Utam, ti u sang ka uwae uka atang.

Ititatso 21:8

Amaa, ande ti ku kyen ikyenricwu, ti ande ti ru ba uwae kinjo be, ti ande ti kambeb pu ba uwae ikentitibi, fa ti ande ti ku wen ande, ti ande ti ku nae iyag ti amae, ti ande ti kisi, ti ande ti ku fen apxin, ti meme ande ti ku wer rifen, uwog ti som-ba ta uwae uvum urwa ti ku ten ku jim-yi jim be! Ayine si iticwu ti fa ti apu-ifaen.”