Ititatso 22:14 - Kutsingken Ira Rimam ti Saen Kyag

¹⁴ Itinyang ā si ana ande ti jwo arun-ba sisaen. Aba u tu kuko ti a u putsa ufu sang ka uwae uka, u ci awaen kutuku na unyang.

Ititatso 22:14 Iomraidhean Croise

Kucangtsi 2:9

Yaweh Rimam nda itso kutuku txitxi mbug tsoye riben atang. Ituku yi nyang ti ti sae, u nyang ti ti ci ama. Yi kutampwa risaen wu, kutuku ana unyang, ti kutuku ana itinungye itinyang ti itibi tsi atang.

Kucangtsi 3:22

Ama Yaweh Rimam ri baa, “Tine, unde kafe pu wu pangma kinjo uwae-ti, awu nung pu wu itinyang ti itibi. Ti byangkyi wu, be, awu kaa kwaen awaen kutuku na unyang ci, ama u cwu-wu cwucwo be.”

Itiruye 19:10

Ama Yaweh ri te Musa baa, “Ru ka ri te ande ba ti a jwosaen ijwe-ba yaka ne ti ucwe, ama ti a jwo atupwa-ba sisaen.

Daniyel 12:12

Itinyang si ana unde ti ye utob ba sang ricwunnkyi usir kumbub kinjo ti ukob ita mbe rijweta asu itsong (1,335).

Yohana 10:7

Ikyaen yine Yesu ri te ba baa, “Ame ku ri te ni kubenti, ame ti si ufu rukug mbawen ayi.

Yohana 10:9

Ame ti si ufu kusog. Unde titini ti a ru tsa uwog-m u sang uwae, awu u tu itinwangru. Awu u sang u ruye, ama u tu uwog ti irum shab pyipyipyab.

Yohana 14:15

“Asiti ani a ye ure te m, ani u ye su icwe-m.

Yohana 14:6

Yesu ri te wu baa, “Ame ti si fengo, ame ti si kubenti, ame ti si unyang. Unde iki u ka-wu uwog Itse-m be, se awu a ru tsa uwog-m.

Yohana 4:12

Itse-ti Yakubu ti mum ukwae ambyi wune na ti. Awu ti anyisu-wu ti asinn-wu meme ngwa ambyi rijaa wune. Afu skeb pu fu awu a?”

1 Korinti 7:19

Kutxin ti tsen si-yi ira tiyang iki be. Unde ti tsen kutxin ti unde ti tsen-wu kutxin be si iken kinjo. Iken tiyang si ti unde ā putsa icwe Rimam.

1 Korinti 8:9

Amaa, ni nung nyinyang. Iki be afu u nde iken iki baa, afu na si-fu upyi na Icwe be, ama iken yi u ru ka shir ande ti utob-ba kwèn-yi fengo Itsekuru be ru kaa nde ikentitibi.

1 Korinti 9:5

Ati u ndetu-ti ti ti u pu awa-ti ti nung ira Rimam, putsa ijwe-ti be a? Atom ti tsitsi ku nde ahan, fa ti ameinja Itsekuru, ti Bitrus.

Galatiya 5:6

Ikyaen ti, asiti unde a kyangte Yesu Kristi, ko awu a tsen kutxin ko awu a tsen-wu be, ayi si-yi ira iki be. Iken tiyang si ti ati u site uwae kinjo u tatso uwae kinjo wune uwae ure ti ati ku ye te ande.

1 Yohana 3:3

Unde ti a sa uwae tsi risu-wu, awu ku kwab ti wu som usom ti sisaen pangma ti Yesu ti risu-wu si unde ti sisaen.

1 Yohana 5:3

Itiye ure te Rimam si ti ti na ye su Icwe-wu. Icwe-wu ayi ama caeb-yi caeb ti putsa be.

Ititatso 2:7

Unde ti a site atong, awu ā fxen ira ti Kusung ti Saen Kyag ku ri te ande Rimam. “Unde ti a ci rika, ame u cwe ti wu na ci awaen kutuku na unyang ti tsikukunn uwae risaen na Rimam apupwen.”

Ititatso 21:12

Ukoh ti a mbye pakob wu, kyìnn u kob si-yi ti ti ri be, u site ufu rijwe asu ifaen. Ufu titini uwae ufu rijwe asu ifaen yine, site atom-wu ti ku nungkyi wu. A bae rinyi anyisu Isirela rijwe asu ifaen ti kinjo ti kinjo ijwe ufu yi.

Ititatso 21:27

Amaa, iken iki ti ajib u sang-yi uwae uka atang be. Unde iki ti ku nde iken ti ku txi iyib, ko ti tikong, u sang ka-wu atang be. Nyáng ande ti a bae rinyi-ba uwae kutsingken na unyang na Mbae Utam, ti u sang ka uwae uka atang.

Ititatso 22:2

Awu pang putsa kutampwa fengo ukum na uka wu. Ituku na unyang tsi meme iyenkyab na uyinn wu. Ushaen titini ayi ku waen itso awaen txi txi, ka ishaen rijwe asu ifaen. Atsing-yi ku jim kicaeb ande.

Ititatso 22:7

“Nung! Ame u tsi-m tsi be u ru ba. Itinyang ā si ana unde ti ye su iskin ti ya ira Rimam ti a bae uwae kutsingken wune.”

Ititatso 7:14

Ame ri te wu baa, “Itsekuru, afu ti nung.” Awu ri te m baa, “Abane si ande ti ruye uwae rikaen tiyang wu. Aba jwo saen pu ba arun-ba, u sa yi kafe titsen uwae anying Mbae utam.