Ititatso 22:12 - Kutsingken Ira Rimam ti Saen Kyag

¹² “Nung, ame u tsi-m tsi be u ba, u pu kujwojang kyangsu ti m kan na unde titini, pang te iken-wu ti awu nde.

Ititatso 22:12 Iomraidhean Croise

Matiyu 16:27

I kyang ku yaen pu yi ti Umbae Unde u ru ba uwae kuko ti riyinn na Itse-wu. Atom Rimam ti apupwen te wu u ba tetso. Awu a ba pu wu, awu u ba pae unde titini kujwofwa wande ti awu nde.

Roma 14:12

Ayine ku tatso baa, unde titini uwae-ti u ka tsi kang uwe Rimam u ri tso ti unju-wu iken ti awu nde.

1 Korinti 3:14

Asiti kusog ti unde mbye a tsi ti ribom-wu uwae urwa wu, unde wu u tu kujwofwa-wu.

1 Korinti 3:8

Unde ti ku ta itso ti unde ti ku sur ambyi, aba pang atso. Rimam u ba nda unde titini kujwo ufwa na wande-wu ti awu nde.

Ititatso 11:18

Ande ti utense tso rinae te fu, ama kiye pang pu yi ti rinae-fu u si ba risu-ba ti kubyagkwa. Kiye pang pu yi ti afu u pwen atikicwu rikwen. Afu u nda apyi-fu kujwojang-ba tiri. Aba ti ku ya iskin ira-fu, ti ande-fu ti sisaen, ti meme ande ti ku kyen ikyenricwu-fu, ande ti rurob ti ande ti rob-ba rob be. Kiye pang pu yi ti afu u twenji ande rika-fu ti ku ndembeb utense.”

Ititatso 2:23

Cwucwo ame u twenji ande ti ku putsa wu. Meme kumbug ande Rimam u nung baa, ame na si Awu ti ku fxaen ira ti ta utob ande nae ise. Ame u pae na unde titini pang ti kujwo wande-wu.”

Ititatso 20:12

Ama ame nung itikicwu, ande ti rurob ti ande ti rob-ba rob be, tsi uwe kutxomkwe wu. Atsingken ti mbub ti ta cwu atang yang-yi. Ama a mbubta kyi kutsingken iki cwucwo, ti si kutsingken na unyang. Ama a pwen itikicwu rikwen pang ti iken ti a bae uwae atsingken yi, pang ti kujwo wande ti aba nde.

Ititatso 22:20

Unde ti ku ri ira risu meme iken yine ri baa, “Kubenti, ame u tsi-m tsi be u ba.” Ayi ā si ahan. Ba-fu, Itsekuru-ti Yesu!

Ititatso 22:7

“Nung! Ame u tsi-m tsi be u ru ba. Itinyang ā si ana unde ti ye su iskin ti ya ira Rimam ti a bae uwae kutsingken wune.”

Ititatso 3:11

Ame u tsi-m tsi be u ba. Ye su iken ti afu site nyinyang, ti unde iki ā fxaen mbe ra-wu ubur ukwe-fu be.