Ititatso 22:11 - Kutsingken Ira Rimam ti Saen Kyag

¹¹ Ni ya unde ti ku nde ikentitibi ta ti wu ā ru yi uwe te iken titibi ti nde. Ni ya unde ti ku nde iken ti isor ta, ti awu ā nde iken ti isor-wu ayi. Ni ya unde ti ku nde iken tinyang ta, ti awu ā nde iken ti tinyang-wu. Ni ya unde ti som usom ti sisaen ta, ti awu ā som usom-wu ti sisaen.”

Ititatso 22:11 Iomraidhean Croise

Daniyel 12:10

Ande yang-ba u som sisaen u site-ba ajib iki be, u kyaenyang ijwe-ba nyinyang. Amaa ande titibi u tsi kukunn te itibi ti ti nde. Ko unde iki uwae-ba u si-wu te itinungye be, amaa, ande ti ben ayib u site itinungye.

Matiyu 15:14

Ni ya ba ta. Aba si ande ti mbub ayib ti pu ariki ti mbub ayib ku kyang. Ani nung pu ni baa, asiti unde ti mbub ayib ti unde ti mbub ayib a tae atso, meme-ba u pu atso ka si uwae kukwae.”

Matiyu 21:19

Awu nung kutuku kututung iki tsi iyen fengo atang. Ti awu ru ka umbyi kututung wu ama, awu tu-wu awaen iki atang be, se atsing-wu amam. Awu ri te kututung wu baa, “Afu u waen-fu awaen cwucwo be.” Ti ritsen, kututung wu wam cwu.

Matiyu 25:10

Ti anyisu wandab ti askwab itsong abane ru ti a kaa jab kindob, ubaen unda ishe ka ba. Ama aba ti som ti ujwin te wu sang yi kusog ukwab unda ishe, ama a ye ufu cwunnkyi.

Matiyu 5:45

Asiti ani a nde ayine, ani u si anyisu na Itse-ni ti ta apupwen. Awu ku nda usir tsi ikyaen ande ti ku nde iken titibi ti ande ti ku nde iken ti tinyang meme.

Matiyu 5:6

Itinyang si ana ande ti ku fxen te rimenn ti unwaen ana usom ti kubenti ikyaen ti, a u tu iken ti aba ku sha.”

Yohana 8:21

Yesu ri te kyi ba cwucwo baa, “Ame ku ru ru yi uwog iki. Isim ti ame a ru fe, ani u sha rifab-m, amaa ikentitibi-ni u tsi ti risu-ni ka sang kiye ti ani u cwu. Ani u ru ka sang tu-ni uwog ti ame ku ru yi atang be.”

Afisa 5:27

ikyaen ti wu na pu ba ru ba yi uwog-wu pangma unda ishe ti tinyang ti ajib ko riraen iki ta-yi ijwe-wu be.

Kolosi 1:22

Amaa tine awu sa ni ren ure ti ijwe-wu yi fengo na iticwu na Umbae-wu Yesu Kristi. Awu nde ahan ikyaen ti kiye ti ani u ku tsi uwe wu, ani u si ande ti sisaen u si-ni ti riraen be. Unde iki u tu-wu iken iki titibi ti awu u ri risu-ni be.

2 Timoti 3:13

Amaa ande titibi ti ande ti ku ndub ijwe ku kyaefa ande, ikentitibi-ba u ko ku fufa ru fife yi uwe. Aba u kyaefa ande. Ande u ku kyaefa ba ama.

Yawuda 1:24

Ititeb ā si ana Rimam, awu ti site kuko ti wu nda ni ani u kyen-ni kufxen be, awu ti u ndetu ti wu tae ni kaa tsi uwae riyinn-wu, uwog ti ani u tsen utob u shwu ashwu, ama riraen iki u ta-yi uwog-ni be.

Ititatso 16:21

Akóng upwen ti rikem ti rikem jwunnsi ba risu ande, ama aba txunmbeb Rimam ikyaen kubyagkwa rikaen ti aba ta uwae-yi, ikyaen ti, rikaen yi beb, si-yi ti ti ri be.

Ititatso 22:3

Meme iken ti Rimam faen yi kufaen u ta-yi uwae uka atang be. Kutxomkwe Rimam ti ana Mbae Utam, u ta uwae atang. Ama apyi na Rimam u fen wu atang.