Ititatso 22:10 - Kutsingken Ira Rimam ti Saen Kyag

¹⁰ Awu ri te kyi m baa, “Fxebkyi-fu ira iskin ti ya ti a bae uwae kutsingken wune be, ikyaen ti, kiye ko ku fer pu wu.

Ititatso 22:10 Iomraidhean Croise

Daniyel 12:4

Amaa, afu Daniyel, ye su ira yine cwucwe uwae utob-fu, ti fu burkyi kutsingken wu se kiye ti ricwunnkyi a ba pu wu. Kiye wu, ande yang-ba akwen u ter tsutso ter sisi, ku sha ti itinungye-ba a ko fufa.”

Daniyel 12:9

Awu ri baa, “Ru-fu iken-fu Daniyel, ikyaen ti, ira yine tam-yi tam se usir ti ricwunnkyi.

Daniyel 8:26

“Kurwa yi ti a tsag te fu baa a na u byang kyi iken ti twen kiskinn ti ureb si kubenti. Amaa, tam yi tam. Ri-fu ayi te unde iki be, ayi ku tatso ira ti u ba uwe.”

Matiyu 10:27

Ira ti ame ku ri te ni uwae kufub tine, ucwe a fam pu yi, ni ri yi ayib jwunn ande wurr. Meme ira ti ani fxen uwae kitam tine, ni tso usen rukub u sa yi ya iskin atang.

Roma 13:11

Ni kwab uwae iken ti ame ri ne, ti ni tangsom te kiye ti ati ta uwae-wu tine. Kiye ba pu wu ti ni shwu kicwag. Ikyaen ti, tine usir itinwangru ta fifer te ti skeb pu wu kiye ti ati ru uwae kinjo uwog Yesu Kristi ti kucang.

Roma 13:12

Utitang wur ku ru ku pu wu. Ucwe fam ku pu wu. Ti fxae wande kufub ti ti nde ti ti pu usu rika na uwog ti saen kyag fa ajwo.

2 Tesalonika 2:3

Ni cwe-ni ti unde iki ā kyaefa ni be, ko ti fengo ti rimang. Ikyaen ti, ani u nung-ni itiba na usir wu be, se iken ti ande yang akwen u kpag risu te Rimam titawe. Cwucwo, awu unde ti sae ru icwe, awu ti a ye tsika iyen ikyaen urwa ti tsi kukunn, awu u tso risu-wu titawe.

1 Bitrus 4:7

Ricwunnkyi iken meme ko ku yaen pu yi. Ikyaen yine, ni ye su risu-ni, ti ni som ti ujwin, ikyaen ti ni u ndetu ti ni u jwam Rimam ko kiye titini.

Ititatso 1:11

Ufxenjwin wu ri baa, “Bae meme iken ti afu sae sī uwae kutsingken, ti fu tom yi ru ka na ande Rimam itsongfaen ayine: Afisa ti Simirna ti Pergamum ti Tiyatira ti Sardis ti Filadefiya ti Lodikeya.”

Ititatso 1:3

Itinyang ā si ana unde ti ku pwen ira yine tso ise na ande. Itinyang ā si ana ande ti naa atong ku fxen iskin ti ya yine, u nae risu riben te ira ti a bae uwae kutsingken wune, ikyaen ti, kiye fer ku pu wu.

Ititatso 10:4

Isim ti imam itsongfaen yine taen, ame ku pwen ti m bae ira yi ti ame fxen, ama ame fxen afxenjwin si apupwen ba baa, “Ira ti afu fxen uwae imam itsongfaen ti taen ne, ayi ku cwucwe, bae-fu ayi be.”

Ititatso 22:16

“Ame Yesu ti tom atom-m ba ti awu na ri tan ira yine te ni ande na Rimam. Ame ti si ipab, u si umbae ti fikyi kutxom Dawuda. Ame ti si kititaen ti tsen yag yag ti utencwe.”

Ititatso 22:18

Unde titini ti ku fxen ira iskin ti ya ti ta uwae kutsingken wune, ame Yohana ku fwa wu kusen baa, unde ti a ri kyi ira iki fa ira ti a bae si uwae kutsingken wune, Rimam u sa ujwunn ira titibi ti a bae uwae kutsingken wune si wu risu.

Ititatso 22:20

Unde ti ku ri ira risu meme iken yine ri baa, “Kubenti, ame u tsi-m tsi be u ba.” Ayi ā si ahan. Ba-fu, Itsekuru-ti Yesu!

Ititatso 22:7

“Nung! Ame u tsi-m tsi be u ru ba. Itinyang ā si ana unde ti ye su iskin ti ya ira Rimam ti a bae uwae kutsingken wune.”

Ititatso 22:9

Amaa, atom awu byang kyi m, baa, “Ya ta! Fen-fu ame be, ame ama si sí upyi pangma afu, u si kinjo uwae ameinja-fu meme ti ku putsa ira ti kubenti ti a bae uwae kutsingken wune. Fen Rimam.”

Ititatso 5:1

Ama ame sae, kujwo rici Awu ti somtsa kutxomkwe wune, kupwa ti a bae iken uwae ti ise meme u fur ra wu, u fxebkyi wu atsepu itsongfaen.