Ititatso 22:1 - Kutsingken Ira Rimam ti Saen Kyag

¹ Isim ayine, awu atom wu tatso m uyinn ti site ambyi na unyang. Ambyi wu saen kyakyag, u pang ruye uwog kutxomkwe na Rimam, ti ana Mbae Utam.

Ititatso 22:1 Iomraidhean Croise

Yohana 13:32

Asiti Rimam a ku tu rurob uwog umbae-wu tine, ayi u tsi-yi tsi be Rimam u pu wu ru yi uwog ti awu ti risu-wu ku som atang u nda wu riyinn ti rurob atang.

Yohana 15:26

“Kiye ti Itindeya wu a ba, awu ti ame u tom ru uwog Itse ba. Awu Kusung na kubenti. Awu u ru uwog Itse ba, u nda ande u nung ira ti kubenti risu-m.

Yohana 4:14

Amaa unde ti a ngwa ambyi ti ame ku ri ne, awu u fxen-wu unwaen cwucwo be, ikyaen ti, ambyi yi ti ame u nda wu u ba kafe pangma ambyi ti ku tso riben. Ayi u nda wu unyang ti tsi kukunn.”

Wande Atom 2:33

Itse-wu Rimam nda wu tso ka som kujwo rici-wu apupwen u nda wu Kusung ti Saen Kyag nee awu yer unju te wu kute. Iken ti ani ku nung, ku fxen yine, si kuko na Kusung ti Saen Kyag na Rimam ti a nda Yesu, awu ama tom si ba na ti.

Ititatso 1:1

Ira yine si ira ti Yesu Kristi tatso. Rimam ti nda wu ikyaen ti wu na tatso apyi-wu iken ti u tsi-yi tsi be u nde kang. Yesu Kristi tom atom-wu ti apupwen ti wu na sa ira ayi tsag te upyi-wu Yohana.

Ititatso 21:11

Awu site riyinn Rimam, u ku jae kag kag kag pangma kutxom jaspa ti rab timambe, u saen pangma kutxom ti ti tsen ti unde u ndetu ti u sae uwe atang.

Ititatso 21:6

Awu ri kyi te m baa, “Ayi nde pu yi. Ame ti si ti kucang u si ti ricwunnkyi. Ande ti unwaen a ye ba, ame u txi ambyi isatsub na unyang, na ba uwae rinyangwae.

Ititatso 21:9

Tiri ame nung kinjo uwae atom itsongfaen ti ye su kuseb ti munn te kujwūnn kicaeb titibi ti tsotso itsongfaen. Awu ru ba ri te m baa, “Ba, ti m tso fu unda ishe na Mbae Utam.”

Ititatso 22:17

Kusung ti Saen kyag, ti Unda ishe, ri baa, “Ba.” Unde ti a ku fxen ira yine, awu ā cwe baa, “Ba.” Unde ti a ku fxen te unwaen, awu ā ba. Awu a ku sha, awu ā ba mbe ambyi unyang ti a ku jab-ba wu jab be.

Ititatso 22:6

Cwucwo, atom wu ri te m baa, “Ira yine si ira ti kubenti, u pang atang ti unde ā sa utob tsi risu-yi. Itsekuru-ti Rimam, awu ti ku sa Kusung-wu jwu sang ande ti ku ya iskin ira-wu, awu ti tom atom-wu ba uwog apyi-wu ti wu tatso ba iken ti u tsi-yi tsi be, u nde.”

Ititatso 3:21

Unde ti a ci rika, ame u cwe na wu ti wu som te m kutxomkwe-m, pangma ti ame ci rika u som te Itse-m kutxomkwe-wu.”

Ititatso 5:13

Ama ame fxen meme iken ti ku nyang unyang ti ta apupwen ti riben, ti uwae kinjag, ti uyinn, ti meme iken ti ta uwae atang, ku ri baa, “Itinyang, ti kuko, ti rurob, ti riyinn, ti kpakang, ā si ana Awu ti somtsa kutxomkwe ru fife yi uwe.”

Ititatso 5:6

Ama ame sae Umbae utam iki tsi kutampwa kutxomkwe wu te iken ti ku nyang unyang inje ti ta kutampwa ande ndufu bane. Umbae utam wune si pangma a na yerwen pu ba wu, ama site ishin itsongfaen ti ayib itsongfaen. Iken itsongfaen itsongfaen yine ku tatso Asung ti saen kyag na Rimam itsongfaen ti a tom shag kyife utense meme.

Ititatso 7:17

Ikyaen ti, Mbae utam wu ti tsi konje kutxomkwe, ti u shi ba. Awu ti tae ba ru yi isatsub ambyi unyang ti tsi kukunn, ama Rimam u fen ba aten ayib.”