Ititatso 21:9 - Kutsingken Ira Rimam ti Saen Kyag

⁹ Tiri ame nung kinjo uwae atom itsongfaen ti ye su kuseb ti munn te kujwūnn kicaeb titibi ti tsotso itsongfaen. Awu ru ba ri te m baa, “Ba, ti m tso fu unda ishe na Mbae Utam.”

Ititatso 21:9 Iomraidhean Croise

Ititatso 1:1

Ira yine si ira ti Yesu Kristi tatso. Rimam ti nda wu ikyaen ti wu na tatso apyi-wu iken ti u tsi-yi tsi be u nde kang. Yesu Kristi tom atom-wu ti apupwen ti wu na sa ira ayi tsag te upyi-wu Yohana.

Ititatso 17:1

Isim ayine, atom kinjo uwae atom itsongfaen ti ye su kuseb itsongfaen yine, ru ba, u ri te m baa, “Ba ti m tatso fu ititwenji iyaen tiyang wu ti somtsa risu ambyi yang-yi né.

Ititatso 19:7

Ti tsen utob, ti ti kam ashwu! Ti nda wu kuko, ikyaen ti, kiye ukwab unda ishe Mbae Utam, nde pu yi. Unda ishe wu ama kyae tag pu wu ijwe-wu.

Ititatso 21:17

Isim ayine, awu myae ukoh wu, ama ayi ka kutun kujwo ukob kinjo ti mae ifaen ka mbe inje. Kutun kujwo wu ti awu sa myae atang ti ukum ti ku myae iken atang utense pang atso.

Ititatso 21:2

Ame sae Uka ti Sisaen, ti si Urushelima tishe, sī uwog Rimam apupwen ku ba. A kyae nyang tag wu pangma unda ishe ti som ku ji ubaen-wu.

Ititatso 22:1

Isim ayine, awu atom wu tatso m uyinn ti site ambyi na unyang. Ambyi wu saen kyakyag, u pang ruye uwog kutxomkwe na Rimam, ti ana Mbae Utam.

Ititatso 22:17

Kusung ti Saen kyag, ti Unda ishe, ri baa, “Ba.” Unde ti a ku fxen ira yine, awu ā cwe baa, “Ba.” Unde ti a ku fxen te unwaen, awu ā ba. Awu a ku sha, awu ā ba mbe ambyi unyang ti a ku jab-ba wu jab be.

Ititatso 22:6

Cwucwo, atom wu ri te m baa, “Ira yine si ira ti kubenti, u pang atang ti unde ā sa utob tsi risu-yi. Itsekuru-ti Rimam, awu ti ku sa Kusung-wu jwu sang ande ti ku ya iskin ira-wu, awu ti tom atom-wu ba uwog apyi-wu ti wu tatso ba iken ti u tsi-yi tsi be, u nde.”