Ititatso 21:8 - Kutsingken Ira Rimam ti Saen Kyag

⁸ Amaa, ande ti ku kyen ikyenricwu, ti ande ti ru ba uwae kinjo be, ti ande ti kambeb pu ba uwae ikentitibi, fa ti ande ti ku wen ande, ti ande ti ku nae iyag ti amae, ti ande ti kisi, ti ande ti ku fen apxin, ti meme ande ti ku wer rifen, uwog ti som-ba ta uwae uvum urwa ti ku ten ku jim-yi jim be! Ayine si iticwu ti fa ti apu-ifaen.”

Ititatso 21:8 Iomraidhean Croise

Matiyu 10:28

Ni kyen-ni ikyenricwu ande be. Aba ku wen nyang ijwe rimenn amam, aba wen fob-ba kusung be. Amaa ni kyen ikyenricwu Rimam ti site kuko ti u twenji rimenn ijwe ti kusung meme uwae urwa ti ku ten u ku jim-wu jim be.

Matiyu 25:25

Ikyaen yine, ame ku kyen ikyenricwu-fu u sa kiser-fu awu ru ka mum riben u sa tam-m atang nae ku ji fu ama. Nee kiser-fu ta ri.’

Matiyu 8:26

Yesu ri te ba baa, “Ande-m, ani nde rimang ku kyen ikyenricwu? Ani site-ni uwae kinjo ko tikiyib be a!” Isim yine awu nwunn u taen ufunn ira u fwan uyinn kubyag, ama uwog ka skirr.

Yohana 8:44

Ani si ana itse-ni, awu Ukwe Kukyaefa. Iken ti ani ku sha si iken ti nyang uwae-wu, awu itse-ni. Ti kucang-yi awu si unde ti ku wen ande. Awu ku putsa-wu kubenti ama be. Kiye ti awu a ku yer rifen, ayi si-yi iken tishe be, ayi si wande-wu ti kucang-yi akwen, ikyaen ti, awu ku yer kob rifen. Ira titikong meme ku ru uwog-wu ba.

2 Tesalonika 2:9

Awu Unde Titibi wune, awu u ba ti kuko na Shetann u nde iken ti ku fur ayib ti tsotso ti wu u kyaefa ande.

1 Timoti 4:2

Iken ti kwen yine ru uwog ande ti rifen ba. Abane, utob-ba kwen kyi kyi. I si-yi ti a u fxen ira be.

Titus 1:16

Aba ku ri baa, aba na nung Rimam, amaa, wande ajwo-ba tso-yi ahan be. Aba si iken ti ku txi iyib. Aba si ande ti kpag risu u ku fxen-ba ira be, u nyang-ba nyang na wande iki ti tinyang be.

Mbaibrane 12:24

Ani ba pu ni uwog Yesu, ti si unde ti tsi kutanpwa na unju ti yer ti tishe, ti ani ba uwog anying-wu, ti a pu sam sam sam. Ayi si anying ti ku ri ira ti nyang skeb ana Abila.

Mbaibrane 13:4

Ko aye ā ye su icwe ribaen-ba ti rurob. Unda ti urom ā pu ajib tso-ba risu uwaen ribaen-ba be. Ikyaen ti, Rimam u pwen meme ande ti amae ti iyag rikwen.

1 Yohana 2:22

Aye ti si unde ti tikong? Awu si unde ti a pyir baa, Yesu na si-wu Unde ti Rimam Tsab Tsi be. Unde wune si unde ti kuka Kristi. Awu pyir Itse-ti Rimam ti Umbae-wu meme.

1 Yohana 3:15

Unde ti a ku sa inja-wu kuka, awu si unde ti ku wen ande. Ani nung pu ni ama baa, unde ti ku wen ande na site-wu unyang ti tsi kukunn be.

1 Yohana 5:10

Unde ti a ru uwae kinjo uwog Umbae Rimam, awu site ira yine uwae utob-wu. Unde ti a ru-wu uwae kinjo uwog Rimam be, awu sa Rimam kafe Rimam ti rifen, ikyaen ti, awu ru-wu uwae kinjo risu ira ti Rimam ri risu Umbae-wu be.

Ititatso 14:10

awu ama u ngwa kang ambyi itu rinae Rimam ayib-yi, ti a fu-ba yi fu be. Awu u ngwa yi uwae kitu na utob ti ndembeb na Rimam. Meme ande ti a nde iken yine, a u nde ba rikaen uwae kumung urwa ti ku twen uwe atom Rimam ti sisaen, ti uwe Mbae Utam wu.

Ititatso 19:20

Aba ye ibye titibi-wu fa ti unde wu ti ku ya iskin ira ti tikong, awu ti nde iken ti ku fur ayib uwe ibye titibi, u kyaefa ande ba ti yer iwaen ibye wu, ti ande ti fen apxin yi ti awu kyae. Awu ibye wu ti unde wu ti ku ya iskin ira ti tikong, a ye ba ti user jwunnsi uwae uvum urwa ti ku ten ku jim-yi jim be.

Ititatso 2:11

“Unde ti site atong, awu ā fxen ira ti Kusung ti Saen Kyag ku ri te ande Rimam. Unde ti a ci rika, iticwu ti apu-ifaen u tu-yi awu be.”

Ititatso 2:2

Ame nung pu m itikwab-fu uwae wande, te ti afu tsikunn utob ti ye, te ti afu ku cwe-fu ira ande titibi be, ama u myae nung pu fu aba ti ku kunn ijwe-ba baa, aba na si atom, u nungye pu fu baa, aba na si ande ti tikong.

Ititatso 21:27

Amaa, iken iki ti ajib u sang-yi uwae uka atang be. Unde iki ti ku nde iken ti ku txi iyib, ko ti tikong, u sang ka-wu atang be. Nyáng ande ti a bae rinyi-ba uwae kutsingken na unyang na Mbae Utam, ti u sang ka uwae uka atang.

Ititatso 22:15

Amaa, mbapxu, ti ande ti kisi, ti ande ti ku caen upwen, ti ande ti ku nae iyag, ti ande ti ku wen ande, ti ande ti ku fen apxin, ti ande meme ti sa uwae tsi risu iken tikong ti ti nde, abane meme u som ana-ba kanjag.

Ititatso 9:17

Itso ti ame sae kakum rika yi, te ande ti ku tso yi uwae kurwa-m ta re. Ande ti tso yi burkyi kikog-ba ti kupam akyabser ti tā ribae. Ribae ikyabser yi iki byaen pangma urwa, iki pangma kindob ikān, u kikang pangma kutxom safire, iki byaen pwafufong. Risu kakum yi pangma risu itumu. Urwa ti akyang ku ruye unju-yi.

Ititatso 9:21

Aba ya ande ti wen, ti kisi ti ru, ti amae ti nae ti iyag ti nae, ti riyib ti yib, ta-ba be.