Ititatso 21:7 - Kutsingken Ira Rimam ti Saen Kyag

⁷ Unde ti a ci rika, awu u ci rifunn itse uwog-m, ame u si Rimam-wu, awu ama u si umbae-m.

Ititatso 21:7 Iomraidhean Croise

Kucangtsi 17:8

Ame u nda fu ti utso-fu, riben wu ti afu si rikyen atang ne. Ame u sa meme riben Kanana na anyisu-fu ti awu u si kunn ana-ni ru fife yi uwe. Ama ame u si Rimam-ba.”

Matiyu 19:29

Unde ti a ter ya kununn-wu ta, ko inja-wu ko kaya-wu ko ite-wu ko iya-wu ko anyisu-wu ko risaen ufang-wu ikyaen rinyi-m, awu u tu iken yi ti awu ya ta ne atsepu mae itsong. Cwucwo awu u tu unyang ti tsi kukunn.

Matiyu 25:21

“Itsekuru-wu ri te wu baa, ‘Suko ti itikwab, afu upyi-m ti tinyang ti kubenti! Afu nde wande ti kubenti te iken pang ti ame nda fu. Ikyaen yine ame u nda fu iken ti skeb ayine. Sang yi utob titsen ana itse-fu.’

Matiyu 25:34

“Isim ayi awu ukwe wu u ri te aba ti ta kujwo rici-wu baa, ‘Ni ru ba ti ni ba ci rifunn itse-ni ti nde tsika ni, ani ande ti tu risu tinyang uwe Itse-m. Ni ba ti ni ci. Awu kyae iken yine tsika ni ti ti a mam utense wune.

Markus 10:17

Ti Yesu nwunn ku ru fengo, unde iki ru ba uwog-wu ti inyae u ba ku riben uwe-wu u rang wu baa, “Unde ti ku kwen iken ti tinyang, ame u nde rimang itawe ame u tu unyang ti tsikukunn?”

Roma 8:14

Ikyaen ti, meme ande ti Kusung Rimam ti a ku tae ba, aba si anyisu Rimam.

Roma 8:19

Meme iken ti Rimam mam, som ku ji ti aten ayib, ku sae usir tiyang ti Rimam u tunn anyisu-wu tā ise.

2 Korinti 6:16

Imi ti ren kusog Rimam te kufug apxin? Ati ande Rimam si kusog Rimam, awu Rimam ti si Rimam ti site unyang. Pangma ti awu ri baa, “Ame u som usom te ba; ame u kyang ikyin kutampwa-ba. Ame u si Rimam-ba; aba ama u si ande-m.”

2 Korinti 6:18

Ame u si Itse-ni, ani ama u si anyisu-m ti arom te ti anda. Ayine si ira Itsekuru-ni Rimam ti kuko ti ri.”

Mbaibrane 8:10

Tine, ame u yer unju te anyisu Isirela cwucwo. Kiye ku ba ti ame u nda ba kab kob ira risu ira-m, u sa ira-m bae tsi uwae utob-ba. Ame u si Rimam-ba, aba ama u si ande-m.

1 Bitrus 3:9

Ni pae-ni ripab ira titibi be, ni txunmbeb-ni atso be. Ni wae itinyang na ande, nee si iken ti nde Rimam kunn ni ba, awu u wae itinyang na ni ama.

Ititatso 2:11

“Unde ti site atong, awu ā fxen ira ti Kusung ti Saen Kyag ku ri te ande Rimam. Unde ti a ci rika, iticwu ti apu-ifaen u tu-yi awu be.”

Ititatso 2:17

“Unde ti a site atong, awu ā fxen ira ti Kusung ti Saen Kyag ku ri te ande Rimam! Unde ti a ci rika, ame u nda wu wuci ti ti tam, fa ti kutxom ti tsen ti a bae rinyi tishe atang, ti unde iki nung-wu rinyi wu be, nyáng unde ti mbe kutxom wu amam.”

Ititatso 2:25

Ni ye su iken ti ta kujwo-ni ting ting, se usir ti ame á kafe ba.

Ititatso 2:7

Unde ti a site atong, awu ā fxen ira ti Kusung ti Saen Kyag ku ri te ande Rimam. “Unde ti a ci rika, ame u cwe ti wu na ci awaen kutuku na unyang ti tsikukunn uwae risaen na Rimam apupwen.”

Ititatso 21:3

Cwucwo ame fxen ujwin tiyang ru kutxomkwe ba, ku ri baa, “Nung! Uwog ti som na Rimam ti ande ta tetso. Awu u te ba som tetso. Aba u si ande-wu, awu ama u si Rimam-ba.