Ititatso 21:6 - Kutsingken Ira Rimam ti Saen Kyag

⁶ Awu ri kyi te m baa, “Ayi nde pu yi. Ame ti si ti kucang u si ti ricwunnkyi. Ande ti unwaen a ye ba, ame u txi ambyi isatsub na unyang, na ba uwae rinyangwae.

Ititatso 21:6 Iomraidhean Croise

Yohana 4:10

Yesu ri te wu baa, “A baa, afu na nung rinyangwae Rimam ko afu na nung unde wu ti ku jwam fu ambyi ne, afu ú jwam pu fu awu, awu ama u nda fu ambyi ti ku nda unde unyang.”

Yohana 4:11

Unda wu ri te wu baa, “Unde tiyang, kukwae ambyi wu jang timambe, afu ama si-fu te guga ti ku shir ambyi atang be. Afu u tu-fu ambyi yine aka ti ku nda ande unyang?

Yohana 4:14

Amaa unde ti a ngwa ambyi ti ame ku ri ne, awu u fxen-wu unwaen cwucwo be, ikyaen ti, ambyi yi ti ame u nda wu u ba kafe pangma ambyi ti ku tso riben. Ayi u nda wu unyang ti tsi kukunn.”

Roma 3:24

Amaa, ande tu risu tinyang uwe Rimam uwae ayibrisi-wu, ti si rinyangwae, ikyaen wande itinwangru ti Kristi nde.

Roma 8:32

Awu ti byang-wu ati Umbae-wu be, ama cwe, u sa wu ruye ikyaen-ti meme, awu u sha na-wu ati iken ti tsitsi ti utob-wu kinjo be a.

1 Korinti 2:12

Kusung ti a nda ti si-yi kusung na utense be. Awu si Kusung ti ru uwog Rimam ba. Rimam tom wu ru ba ikyaen ti ati na nungye iken ti tinyang Rimam ti awu ku nda ti.

1 Korinti 3:12

Unde titini u mbye som tsa umbyi kusog wune. Asiti afu a pu zinariya ko azurfa ko atxom ti site kiser mbye atang, ko afu a pu ituku, ko irum, ko akong-awum mbye atang,

1 Korinti 3:21

Ikyaen na yine unde iki ā ndub-wu ijwe uwae wande ti ati ande ku nde be. Kubenti, iken meme si ana-ni.

1 Korinti 3:5

Ande-m! Apolo si aye? Ame Bulus ama si aye? Ati si nyang apyi ti Rimam tom ru ti ti na shir ni ba fengo Yesu. Unde titini uwae-ti nde wande ti Itsekuru-ti Yesu nda wu nde.

Ititatso 1:11

Ufxenjwin wu ri baa, “Bae meme iken ti afu sae sī uwae kutsingken, ti fu tom yi ru ka na ande Rimam itsongfaen ayine: Afisa ti Simirna ti Pergamum ti Tiyatira ti Sardis ti Filadefiya ti Lodikeya.”

Ititatso 1:17

Kiye ti ame sae wu, ame jwunnsi uwe-wu mbyog, pangma rukom. Awu sa kujwo rici-wu naetsa m, u ri te m baa, “Kyen-fu ikyenricwu be. Ame ti si itikucang, u si itiricwunnkyi,

Ititatso 1:8

Itsekuru-ti Rimam ri baa, “Ame ti si itikucang u si itiricwunnkyi.” Awu ti ri ira yine si Rimam ti ta atang tine, u si Rimam ti kute, u si Rimam ti ku ba uwe. Awu si Rimam ti site kuko patag.

Ititatso 10:6

u ben uben uwog Rimam ti tsi yiyer, ti mam apupwen ti riben ti uyinn ti iken ti ta uwae-yi meme. Awu ri baa, a na u nde-ba kukyib cwucwo be.

Ititatso 16:17

Isim ayine, atom ti itsongfaen yaen ikenti ta uwae kuseb-wu si ufunn, ama afxenjwin ti ribom iki ruye uwog kutxom ukwe uwae kusog Rimam baa, “Ayi nde mam pu yi!”

Ititatso 22:13

Ame ti si itikucang u si itiricwunnkyi, ame si iti uwe u si iti isim.”

Ititatso 22:17

Kusung ti Saen kyag, ti Unda ishe, ri baa, “Ba.” Unde ti a ku fxen ira yine, awu ā cwe baa, “Ba.” Unde ti a ku fxen te unwaen, awu ā ba. Awu a ku sha, awu ā ba mbe ambyi unyang ti a ku jab-ba wu jab be.

Ititatso 3:14

Bae ka na atom Rimam ti ta risu kumbug ande Rimam ti ta Lodikeya baa, “Ayine si ira ti ruye unju Awu ti rinyi-wu si ‘Aminn,’ awu ti si kubenti, ti ku ri tan ira ti kubenti, u si utitawe na meme iken ti Rimam mam.

Ititatso 7:17

Ikyaen ti, Mbae utam wu ti tsi konje kutxomkwe, ti u shi ba. Awu ti tae ba ru yi isatsub ambyi unyang ti tsi kukunn, ama Rimam u fen ba aten ayib.”