Ititatso 21:4 - Kutsingken Ira Rimam ti Saen Kyag

⁴ Awu u fen na ba aten ayib. Aba u cwu-ba cwu cwucwo be, ricwu ti ti ten ti ira ti jwub ama u ta-yi cwucwo be. Acaeb u ye-yi aba cwucwo be, ikyaen ti ayine si iken ti kute ti wur ru pu yi.”

Ititatso 21:4 Iomraidhean Croise

Matiyu 24:35

Apupwen ti riben u yafe, amaa ira-m u yafe-yi fe ama be.

1 Korinti 15:26

Ko iticwu ama ti si unde ti rika ti ricwunnkyi, Rimam u twenji wu,

1 Korinti 7:31

Ande ti ku nde wande te iken na utense ā som pangma utob-ba na ta-yi ijwe iken yi be. Ikyaen ti, utense wune u tsi ka-wu uwe cwucwo be.

2 Korinti 5:17

Asiti unde a si ana Kristi, awu kafe pu wu unde tishe. Iken titikyi wur ru pu yi, itishe ba pu yi.

2 Korinti 6:17

Ikyaen yine Itsekuru-ti Rimam ri baa, “Ni nwaen ruye risu-ni kutampwa ande bane. Ni ya ba ta! Ni pu ajwo ye-ni iken ti ku txi iyib be, titawe ame u kyangte ni uwog-m.

Mbaibrane 12:27

Ira ti awu ri baa “cwucwo” tatso baa, kiye na ku ba ti patag iken ti a kyae uwae utense ne na u kyi ijwe, u fen ru, ama iken ti ku kyi-yi kyi be amam ti u tsi kukunn.

2 Bitrus 3:10

Amaa, usir na Itsekuru-ti u ru ba kpugfa ni pangma unde ti riyib. Ti ritum ti tum, apupwen u yafe ru, ama urwa u ye meme iken ti ta apupwen, ayi u yagsur. Utense ama, ti kujwo wande ti a nde uwae-yi meme, a u shaen yi nae ise.

1 Yohana 2:17

Utense ti meme iken ti ku taen ayib ti ta uwae-yi, nyae ku tsitsa, amaa, unde ti ku nde iken ti Rimam ku sha, awu u som kukunn.

Ititatso 20:13

Ande ti ngwa cwu uwae uyinn, uyinn cwo pu ba tso. Iticwu ti Kinjag cwo pu itikicwu ti ta riben ama tso. A pwen ba rikwen meme pang ti iken-ba ti aba nde.

Ititatso 20:14

Isim ayine a ye Iticwu ti Kinjag jwunnsi uwae uvum urwa. (Ayine si iticwu ti apu-ifaen.)

Ititatso 21:1

Isim ayine, ame sae apupwen tishe ti utense tishe, ikyaen ti, apupwen ti kucang ti utense ti kucang wur ru pu yi. Uyinn ama ta-wu cwucwo be.

Ititatso 22:3

Meme iken ti Rimam faen yi kufaen u ta-yi uwae uka atang be. Kutxomkwe Rimam ti ana Mbae Utam, u ta uwae atang. Ama apyi na Rimam u fen wu atang.

Ititatso 7:17

Ikyaen ti, Mbae utam wu ti tsi konje kutxomkwe, ti u shi ba. Awu ti tae ba ru yi isatsub ambyi unyang ti tsi kukunn, ama Rimam u fen ba aten ayib.”