Ititatso 21:3 - Kutsingken Ira Rimam ti Saen Kyag

³ Cwucwo ame fxen ujwin tiyang ru kutxomkwe ba, ku ri baa, “Nung! Uwog ti som na Rimam ti ande ta tetso. Awu u te ba som tetso. Aba u si ande-wu, awu ama u si Rimam-ba.

Ititatso 21:3 Iomraidhean Croise

Itiruye 25:8

Nda anyisu Isirela ti a kyae na m ukag ti sisaen ti m som si kutampwa-ba.

Itiruye 29:45

Ama ame u somsi kutampwa anyisu Isirela, u si Rimam-ba.

Yohana 1:14

Ira Unju Rimam wu sa ijwe rimenn-ti ande u ru ba som kutampwa-ti uwae kiye kpang. Ati ama nungye pu ti riyinn-wu. Ayi si riyinn ti si ana Umbae kinjo ti ruye uwog Itse-wu ba. Awu munn ti ayibrisi ti kubenti.

Yohana 14:23

Yesu ri te ba baa, “Unde titini ti a ku ye ure te m, awu u nae risu riben te ira-m ti ame ku ri. Itse-m u ye ure te wu, ama ame ti Itse-m u ru ba te wu som tetso.

2 Korinti 6:16

Imi ti ren kusog Rimam te kufug apxin? Ati ande Rimam si kusog Rimam, awu Rimam ti si Rimam ti site unyang. Pangma ti awu ri baa, “Ame u som usom te ba; ame u kyang ikyin kutampwa-ba. Ame u si Rimam-ba; aba ama u si ande-m.”

2 Korinti 6:18

Ame u si Itse-ni, ani ama u si anyisu-m ti arom te ti anda. Ayine si ira Itsekuru-ni Rimam ti kuko ti ri.”

1 Tesalonika 3:11

Rimam ti risu-wu, awu ti si Rimam-ti, u si Itse-ti, ti Itsekuru-ti Yesu, aba ā tae ti ru ba uwog-ni.

Mbaibrane 11:16

Amaa, aba sa uwae-ba tsi risu uten iki ti nyang siskeb, ti si uten ti apupwen. Ikyaen yine Rimam wae-wu rukwae kiye ti aba ku kunn wu baa Rimam-ba be. Awu ti risu-wu kyae uka tsika pu wu aba.

Mbaibrane 8:10

Tine, ame u yer unju te anyisu Isirela cwucwo. Kiye ku ba ti ame u nda ba kab kob ira risu ira-m, u sa ira-m bae tsi uwae utob-ba. Ame u si Rimam-ba, aba ama u si ande-m.

Mbaibrane 8:2

Awu ti si kukwen Rimam ti ku nde wande kusog Rimam ti kubenti. Kusog Rimam wune si kusog Rimam ti apupwen ti Rimam kyae ti ajwo-wu, si-yi unde iki ti kyae wu be.

Ititatso 10:4

Isim ti imam itsongfaen yine taen, ame ku pwen ti m bae ira yi ti ame fxen, ama ame fxen afxenjwin si apupwen ba baa, “Ira ti afu fxen uwae imam itsongfaen ti taen ne, ayi ku cwucwe, bae-fu ayi be.”

Ititatso 10:8

Ufxenjwin ti ame fxen si apupwen ba, ri kyi cwucwo te m baa, “Ru ka mbe umbae kupwa ti mbub tita ti ta kujwo atom ti tsi tsa risu uyinn ti ukunn ise né.”

Ititatso 12:10

Isim ayine ame fxen afxenjwin ti ribom apupwen ku ri baa, “Tine Rimam-ti tso pu wu kuko-wu, u nwangru pu wu ande-wu, u ye kujwokwe-wu tsi pu wu. Kristi mbe pu wu kuko-wu. Ikyaen ti, a fur ra ukwe kufxaen, ti tsikunn rikwén ti kunn risu ameinja-ti uwe Rimam, utitang ti usirtaen, jwunnsi pu ba yi riben.

Ititatso 21:7

Unde ti a ci rika, awu u ci rifunn itse uwog-m, ame u si Rimam-wu, awu ama u si umbae-m.

Ititatso 22:3

Meme iken ti Rimam faen yi kufaen u ta-yi uwae uka atang be. Kutxomkwe Rimam ti ana Mbae Utam, u ta uwae atang. Ama apyi na Rimam u fen wu atang.

Ititatso 7:15

Nee iken ti nde, aba ba tsi uwe kutxomkwe Rimam, ku fen wu usirtaen ti utitang, uwae kusog-wu. Ama Awu ti somtsa kutxomkwe ne u nungkyi ba, u si uwog awùm-ba.