Ititatso 21:27 - Kutsingken Ira Rimam ti Saen Kyag

²⁷ Amaa, iken iki ti ajib u sang-yi uwae uka atang be. Unde iki ti ku nde iken ti ku txi iyib, ko ti tikong, u sang ka-wu atang be. Nyáng ande ti a bae rinyi-ba uwae kutsingken na unyang na Mbae Utam, ti u sang ka uwae uka atang.

Ititatso 21:27 Iomraidhean Croise

Itiruye 32:32

Amaa, ame ku jwam fu, yata na ba ikentitibi-ba. Asiti afu a yata na-fu aba be, fen mbeb rinyi-m uwae kutsingken ti afu bae tsi.”

Matiyu 13:41

Umbae Rimam u tom atom-wu ti apupwen kyang kyi fe uwae Kujwokwe-wu, ama aba u byir tag ande ti ku nda ni nde ikentitibi ti ande ti ku nde wande titibi meme.

Markus 7:2

Aba nung ariki uwae ande ti ku putsa Yesu ku ci wuci ti ajwo ajib. Ayi tatso baa, aba na jwo-ba ajwo be.

Luka 10:20

Amaa ni tsen-ni utob ikyaen ti rijwen titibi nae risu riben uwog-ni be, ni tsen utob ikyaen ti a bae rinyi-ni kuru Rimam apupwen.”

Afisa 5:5

Ame ku ri te ni kubenti, unde ti ku nae amae, ko unde ti ku nae kujwo ajib u tu-wu kutunn uwae Kujwokwe Kristi ti ana Rimam be. Ayi si ahan ama ti unde ti ku taen ayib risu iken ande, ikyaen ti, iken ti awu ku nde ne pangma apxin ti fen.

Filipi 4:3

Afu urwan wande-m ti kubenti, ame ku jwam fu, ndeya anda abane, ikyaen ti, aba te m kwab tetso uwae wande na ira tinyang na Yesu, fa ti Kilementi ti itaen ti tsitsi ti nde wande te m. Ame tang baa, rinyi-ba ta uwae kutsingken na rinyi ande ti tu unyang tishe.

1 Timoti 1:10

A bae icwe yine ikyaen na ande ti ku nae amae. A bae yi ikyaen arom ti ku nae atso, ti ande ti ku yib ande ru, ti ande ti ku wer rifen, ku ri ira ti tikong. Abane, ti ande meme ti ku putsa-ba iken ti kwen ti kubenti be, si ti a bae icwe yine ikyaen-ba.

Mbaibrane 12:14

Ni kwab ti ni som usom kujimshwur te ande meme, ti usom ti sisaen. Ayi a si-yi te usom ti sisaen be, unde u nung-wu uwe Itsekuru be.

2 Bitrus 3:13

Amaa, ati som ku ji iken ti Rimam yer unju risu-yi, ti si apupwen tishe ti utense tishe, uwog ti usom ti sisaen amam, ti ta atang.

Ititatso 13:8

Meme ande ti ta utense u fen wu, aba ande ti a bae-ba rinyi-ba be, ti ti a mam-ba utense khika be, uwae kutsingken na unyang na Mbae Utam ti a yer wuwen.

Ititatso 20:12

Ama ame nung itikicwu, ande ti rurob ti ande ti rob-ba rob be, tsi uwe kutxomkwe wu. Atsingken ti mbub ti ta cwu atang yang-yi. Ama a mbubta kyi kutsingken iki cwucwo, ti si kutsingken na unyang. Ama a pwen itikicwu rikwen pang ti iken ti a bae uwae atsingken yi, pang ti kujwo wande ti aba nde.

Ititatso 20:15

Unde ti rinyi-wu ta-yi uwae kutsingken na unyang ne be, a ye wu jwunnsi uwae uvum urwa wune.

Ititatso 21:8

Amaa, ande ti ku kyen ikyenricwu, ti ande ti ru ba uwae kinjo be, ti ande ti kambeb pu ba uwae ikentitibi, fa ti ande ti ku wen ande, ti ande ti ku nae iyag ti amae, ti ande ti kisi, ti ande ti ku fen apxin, ti meme ande ti ku wer rifen, uwog ti som-ba ta uwae uvum urwa ti ku ten ku jim-yi jim be! Ayine si iticwu ti fa ti apu-ifaen.”

Ititatso 3:5

Unde ti a ci rika, a u sī na wu atupwa ti tsen, ama ame u fen mbeb-m rinyi-wu uwae kutsingken unyang be. Ame u ri unju ti tinyang risu-wu uwe Itse-m ti atom-wu ti apupwen.”