Ititatso 21:2 - Kutsingken Ira Rimam ti Saen Kyag

² Ame sae Uka ti Sisaen, ti si Urushelima tishe, sī uwog Rimam apupwen ku ba. A kyae nyang tag wu pangma unda ishe ti som ku ji ubaen-wu.

Ititatso 21:2 Iomraidhean Croise

Yohana 3:29

Uwog ukwab unda ishe, ayi si ubaen unda ishe ti ku mbe unda ishe wu. Urwan ubaen unda ishe tsi te wu atang u ku fxen wu amam. Awu ku tsen utob kiye ti awu a ku fxen afxenjwin ubaen unda ishe wu. Utob ti tsen yine si ana-m tine. Ijwe-m si fa pu yi.

2 Korinti 11:2

Ame ku tsinn kitsinn risu-ni pangma ti Rimam ku nde ama. Ikyaen ti, ani pangma mbawandab ti nung-wu urom be u yer unju te nyáng unde ti awu ku sha ti awu u baen amam. Unde wu ti ame ku sha ti ani na baen si Kristi.

Mbaibrane 11:10

Ibrahim som ku ji ti wu som uwae uka iki ti a tā umbyi-yi ti yi tsi kukunn, ti ayi si Rimam ti myae wu u mbye wu te ajwo-wu.

Mbaibrane 11:16

Amaa, aba sa uwae-ba tsi risu uten iki ti nyang siskeb, ti si uten ti apupwen. Ikyaen yine Rimam wae-wu rukwae kiye ti aba ku kunn wu baa Rimam-ba be. Awu ti risu-wu kyae uka tsika pu wu aba.

Mbaibrane 12:22

Amaa, ana ni, ani ba pu ni umbyi Rikwen Siyon, ti si uten Rimam, awu ti site unyang. Ayi si Urushelima ti apupwen, uwog ti ujwunn atom Rimam ti apupwen ku shwam ashwu atang.

Mbaibrane 13:14

Ati u som kunn-ti kunn uwae utense ike be. Ati pu ayib tsi ku sae uten ti ku ba uwe.

Ititatso 1:1

Ira yine si ira ti Yesu Kristi tatso. Rimam ti nda wu ikyaen ti wu na tatso apyi-wu iken ti u tsi-yi tsi be u nde kang. Yesu Kristi tom atom-wu ti apupwen ti wu na sa ira ayi tsag te upyi-wu Yohana.

Ititatso 1:4

Ame Yohana ti bae ira yine na ande na Rimam ti ta uwae uten itsongfaen na uten ti Asiya. Rinyangwae ti kujimshwur ā si ana-ni ru ye uwog Rimam, awu ti ta atang tine, u si Rimam ti kute, u si Rimam ti ku ba uwe, ama ru ye uwog Kusung itsongfaen ti ta uwe kutxomkwe-wu,

Ititatso 1:9

Ame si Yohana inja-ni, ti te ni ku ngwa rikaen, u tsikunn utob ti ye ikyaen Yesu ti Kujwokwe-wu. A yir m u ye m ka nae ukunn uwae uyinn ti rinyi-wu baa, Patamos ikyaen ira Rimam ti ira Yesu ti ame ku riyae yi te ande.

Ititatso 11:2

Amaa, myae rishen ti pakob kusog Rimam fa-fu atang be. Ikyaen ti, a sa wu na pu ba ande ti nung-ba ira Rimam be. Aba u ceb pu uka ti sisaen na Rimam fa afxen ka ishaen mae ifaen asu ifaen.

Ititatso 21:10

Uwae Kusung, awu ye ra m tso fe kitaen rikwen ti kob timambe, u ka tatso m uka ti Urushelima ti Sisaen ti ru apupwen uwog Rimam si ku ba.

Ititatso 21:9

Tiri ame nung kinjo uwae atom itsongfaen ti ye su kuseb ti munn te kujwūnn kicaeb titibi ti tsotso itsongfaen. Awu ru ba ri te m baa, “Ba, ti m tso fu unda ishe na Mbae Utam.”

Ititatso 22:17

Kusung ti Saen kyag, ti Unda ishe, ri baa, “Ba.” Unde ti a ku fxen ira yine, awu ā cwe baa, “Ba.” Unde ti a ku fxen te unwaen, awu ā ba. Awu a ku sha, awu ā ba mbe ambyi unyang ti a ku jab-ba wu jab be.

Ititatso 22:19

Cwucwo unde ti a ko si ira ti a bae uwae kutsingken wune, Rimam u jwaeru kutunn-wu uwae awaen ituku na unyang uwae uka ti sisaen, ti a bae ira risu-yi uwae kutsingken wune be.

Ititatso 3:12

Unde ti a ci rika, ame u sa wu sim pangma kufwá uwae kusog Rimam-me. Awu u ruye-wu ye atang be. Ame u bae rinyi Rimam-me rimenn-wu, ti rinyi uka na Rimam-me, ti si Urushelima tishe, ti u sī apupwen uwog Rimam-me ba. Ame u bae rinyi-m ti tishe rimenn-wu ama.”