Ititatso 20:9 - Kutsingken Ira Rimam ti Saen Kyag

⁹ Aba pu atso tso yi utab ti yaen na utense, u ka tsi pakob ufug rikae ande Rimam ti sisaen, ti si uten ti nyang uwae Rimam. Amaa urwa si apupwen ba twenji ba burrr.

Ititatso 20:9 Iomraidhean Croise

Kucangtsi 19:24

Ama Yaweh yaen uvum urwa si Sodom ti Gomora, u yaen akyaen urwa ti yag skween si apupwen ba.

Luka 17:29

Ama usir ti Lotu nwunn u ya uten ti Sodom ta, urwa ti atxom ti ku tutwen sī apupwen ba twenji ba meme.

Luka 19:43

Ikyaen ti, usir ku ba ti ande ti rika-ni u ru ba pakob ni. Aba u mbye ukoh pakob uten-ni ti rikob. Ani u ruye tu-ni atang be.

Luka 21:20

“Kiye ti ani nung akyirten ru ba pakob Urushelima fa uwae, ani u nungye baa, ayi u tsi-yi tsi be a u byinn mbub wu si riben.

Luka 9:54

Kiye ti ande ti putsa-wu Yakubu ti Yohana sae iken yine, a ri baa, “Itsekuru, afu ku sha ti ti na jwam urwa si apupwen ba twenji ande bane a?”

2 Tesalonika 1:8

uwae urwa ti ku cwe jig jig. Ama awu u sa rikwen na Rimam ru ba risu ande ti nung-ba Rimam be, u cwe-ba ti aba na u nae risu riben na Ira Tinyang na Itsekuru-ti Yesu be.

Mbaibrane 13:13

Ikyaen yine, ati ama ā nwunn ruye ka tu wu ise atang ti ti te wu ngwa rikaen na rukwae ti wae yi tetso.

Ititatso 11:5

Asiti unde ti rika-ba iki a ku sha ti wu ta ba ikyàb, urwa u ruye unju-ba u twenji ba. Unde ti a ku sha ti wu ta ba ikyàb, awu u cwu kang.

Ititatso 13:13

Awu nde iken ti ku fur ayib, ka ti awu nda urwa si apupwen ba utense uwe ande meme.