Ititatso 20:6 - Kutsingken Ira Rimam ti Saen Kyag

⁶ Utob ti tsen ti itisaen kyag si ana ande ti fa uwae ti ti nwunn ti tawe yine. Iticwu ti apu-ifaen si-wu te kuko risu-ba be, amaa, aba u si akwen na Rimam ti ana Kristi. Aba te wu u nae ukwe uwae kuru Rimam ka asang kumbub kinjo.

Ititatso 20:6 Iomraidhean Croise

Daniyel 12:12

Itinyang si ana unde ti ye utob ba sang ricwunnkyi usir kumbub kinjo ti ukob ita mbe rijweta asu itsong (1,335).

Luka 14:15

Unde kinjo uwae ande ti som risu tebur atang fxen ira yine u ri te Yesu baa, “Ande ba ti u ru ka ci ukwab Kujwokwe Rimam, ana-ba nyang timambe!”

Roma 12:1

Ameinja, ti Rimam tatso pu wu ati ayibrisi-wu ti kuko ne ahan, ame ku jwam ni baa, ti ti ani tsi user, ni sa risu-ni na Rimam pangma rinyangwae ti a sa yer na Rimam. Ni fen wu ti usom ti som ti sisaen ti ni nde iken ti ku nyang uwae-wu. Ayine si fengo ti kubenti ti ani u fen Rimam.

Roma 8:17

Ti ati si pu ti anyisu Rimam ne, ati u te Kristi ci rifunn kuru Rimam tetso. Asiti ati a te Yesu ngwa rikaen tetso, ati te wu u som uwog ti riyinn tetso ama.

2 Timoti 2:12

Asiti ati a bom utob ka ricwunnkyi, ati te wu ama u nae ukwe te atso uwae kujwokwe-wu. Asiti ati a kafe isim ta wu, awu ama u kafe isim ta ti.

1 Bitrus 2:5

Ani ama si pangma atxom ti site unyang ti a ku nde wande te yi u ku mbye kusog atang ikyaen Rimam. Ani u si akwen ti sisaen ana Rimam ti ku yerwen iken ti pang atang na awu Rimam, ruye uwog Yesu Kristi ti nwangru ti.

1 Bitrus 2:9

Amaa, ani si kumbub ande ti Rimam tsab tsi, anyisu ukwe ti si akwen Rimam, kumbukwen ti sisaen, ande ti si ana Rimam. Awu tsab ni tsi ti ni na ya iski wande-wu ti tinyang uwog ande, ikyaen ti, ayi si awu Rimam ti kunn ni ruye uwae kufub ba uwog ti sisaen-wu ti ku fur ayib.

Ititatso 1:6

Awu nda ti kafe mbukwen abikwe, u nda ti kafe akwen ti ku nde na itse-wu Rimam wande. Riyinn ti kuko ā si ana-wu ru fe yi uwe. Ayi ā si ahan.

Ititatso 14:13

Tiri ame fxen afxenjwin si apupwen ba, ku ri baa, “Bae iken yine: Ti tinyang ā si ana ande ti cwu fengo Itsekuru-ti Rimam.” Kusung ti Saen Kyag cwe baa, “Een, kubenti! Ayi si ahan ara! Aba u pu unyang uwae wande-ba ti ribom, ikyaen ti, kujwo wande-ba u putsa ba.”

Ititatso 2:11

“Unde ti site atong, awu ā fxen ira ti Kusung ti Saen Kyag ku ri te ande Rimam. Unde ti a ci rika, iticwu ti apu-ifaen u tu-yi awu be.”

Ititatso 20:14

Isim ayine a ye Iticwu ti Kinjag jwunnsi uwae uvum urwa. (Ayine si iticwu ti apu-ifaen.)

Ititatso 21:8

Amaa, ande ti ku kyen ikyenricwu, ti ande ti ru ba uwae kinjo be, ti ande ti kambeb pu ba uwae ikentitibi, fa ti ande ti ku wen ande, ti ande ti ku nae iyag ti amae, ti ande ti kisi, ti ande ti ku fen apxin, ti meme ande ti ku wer rifen, uwog ti som-ba ta uwae uvum urwa ti ku ten ku jim-yi jim be! Ayine si iticwu ti fa ti apu-ifaen.”

Ititatso 22:5

Utitang u ta-wu atang cwucwo be. Aba u sha-ba urwa fitila ko ana usir cwucwo be, ikyaen ti, Itsekuru-ti Rimam ti u si urwa-ba. Aba u som usom ukwe ti ititsikunn-yi ta-yi be.

Ititatso 22:7

“Nung! Ame u tsi-m tsi be u ru ba. Itinyang ā si ana unde ti ye su iskin ti ya ira Rimam ti a bae uwae kutsingken wune.”

Ititatso 3:21

Unde ti a ci rika, ame u cwe na wu ti wu som te m kutxomkwe-m, pangma ti ame ci rika u som te Itse-m kutxomkwe-wu.”

Ititatso 5:10

Afu sa ba kafe mbukwen abikwe, u si akwen Rimam ti ku nde wande na Rimam-ti, Aba u nae ukwe risu utense.”