Ititatso 20:4 - Kutsingken Ira Rimam ti Saen Kyag

⁴ Isim ayine, ame nung atxomkwe, ama itaen ti somtsa atang si aba ti a nda ba kuko ti a na pwen ande rikwen. Cwucwo ame nung unyang ande ti a pyera risu-ba ikyaen ti aba cwé iticwé ira ti kubenti na Yesu, ti ira na Rimam. Aba ti fen-ba ibye titibi wune, ko ti a u ku riben na iken ti awu mbye tsi be, u yer-ba iwaen na ibye titibi wune kutxuwe-ba ti ajwo-ba be. Aba shwur, u ti Yesu Kristi nae ukwe tetso ka asang kumbub kinjo.

Ititatso 20:4 Iomraidhean Croise

Daniyel 2:44

“Uwae kiye abikwe ba, Rimam ti apupwen u ye nwunn kujwokwe iki ti u twenji-wu ji be, unde iki ama u tsokyi-wu kujwokwe wu be. Kujwokwe wu u twenji tag ajwokwe yine, amaa, awu ti risu-wu u tsi ru fife yi uwe.

Daniyel 7:18

Amaa, ande ti saen kyag na Rimam ti skeb ti tag u tsokyi kujwokwe yine, ama u nae ukwe risu-yi ru fife yi uwe.’

Daniyel 7:22

se kiye ti Awu ti ta atang ti Kute ka ba pwen rikwen ikyaen ande ti saen kyag ti si ana Rimam ti skeb ti tag, ama kiye wu ande ti saen kyag tsokyi kujwokwe wu.

Daniyel 7:27

Ama a u sa kujwokwe, ti kuko, ti rurob ajwokwe ti ta utense meme na ande ti saen kyag na Rimam ti skeb ti tag. Kujwokwe-ba u si kujwokwe ti tsi kukunn ru fife yi uwe. Ama meme ande ti uwe u ba ku riben u fen ba.

Daniyel 7:9

“Ti ame sae, A pu atxom ukwe tā. Awu ti ta atang ti Kute, ba somtsa atang. Kutupwa-wu tsen porr pangma akóng, ikyinn ti risu-wu foong pangma itub ti tsen. Urwa ku cwe sangkob kutxomkwe-wu

Matiyu 19:28

Yesu ri te ba baa, “Kubenti ti ame ku ri te ni, kiye ti a u kafe utense tishe, Umbae Unde u som tsa iken ti som na Ukwe-wu, ani ande-m rijwe asu ifaen ne u som tsa iken ti som na akwe ama. Ani u pwen rikwen risu rishi anyisu Isirela rijwe asu ifaen.

Matiyu 24:10

Ama ande ti putsa-m yang-ba akwen u jwunnsi fengo-m uwae kiye wune, a u pu atso jabci u sae atso ti ayib urwa.

Markus 6:16

Amaa, kiye ti Ukwe Herodus fxen ira yi, awu ri baa, “Awu si kang Yohana ti ame pye ra pu m risu-wu. Awu ti kafe u shwur.”

Markus 6:27

Ti ritsen, ukwe tom ra atom-wu baa, awu na ka pyera risu Yohana na ba na wu. Ama awu ru ka pye ra risu Yohana yi pursuna,

Markus 9:11

Ama aba byib wu baa, “Imi ti nde nee ande ti ku kwen na ande Icwe Rimam ku ri baa, Eliya na u ba itawe, ama Unde wu ti Rimam Tsab Tsi na u ba ana wu isim?”

Luka 1:17

Awu u ru uwe Itsekuru u site kpakang utob pangma ana Eliya, u kafe utob ana abitse ba uwog anyisu-ba, u sa ande ti kpag risu kafe ande ti ben ayib ana usom ti saen kyag, u kyaenyang utob ande ikyaen itiba ana Itsekuru.”

Luka 14:14

Yi fengo yine, afu u tu itinyang timambe ikyaen ti, aba u pae na tu-ba afu be. Rimam u pae na fu kiye ti ande ti tinyang a nwunn uwae iticwu.”

Luka 22:30

Kiye ti ame a nae ukwe, ani u ci u ngwa te m uwae kuru-m. Ani u som tsa atxom ukwe u pwen rikwen risu kumbub rijwe asu ifaen na anyisu Isirela.

Yohana 14:19

Ayi u tsi-yi tsi be ande ti utense u nung-ba uwe-m cwucwo be, amaa ani u nung uwe-m. Ani u som ti user ikyaen ti, ame tsi user.

Roma 11:15

Ikyaen ti, pangma kiye ti Rimam pyir ba, ama ayi kafe fengo ti ande ti tsitsi meme kafe arwan-wu, ayi u si ahan ama, kiye ti awu a kyangte ba, ayi u kafe iken ti nyang ya tsitsa. Ayi u si pangma atikicwu na ru kinjag ba.

Roma 8:17

Ti ati si pu ti anyisu Rimam ne, ati u te Kristi ci rifunn kuru Rimam tetso. Asiti ati a te Yesu ngwa rikaen tetso, ati te wu u som uwog ti riyinn tetso ama.

2 Timoti 2:12

Asiti ati a bom utob ka ricwunnkyi, ati te wu ama u nae ukwe te atso uwae kujwokwe-wu. Asiti ati a kafe isim ta wu, awu ama u kafe isim ta ti.

Ititatso 1:2

Yohana ama tsag tag meme iken ti awu sae te ayib-wu, u ri tan ira na Rimam fa ti ira ti kubenti ti Yesu Kristi ri.

Ititatso 1:9

Ame si Yohana inja-ni, ti te ni ku ngwa rikaen, u tsikunn utob ti ye ikyaen Yesu ti Kujwokwe-wu. A yir m u ye m ka nae ukunn uwae uyinn ti rinyi-wu baa, Patamos ikyaen ira Rimam ti ira Yesu ti ame ku riyae yi te ande.

Ititatso 11:11

Tiri isim usir ita ti ripye, Rimam jwu unyang sang ba ruwen. Aba fa sunwunn u tsi ritsen. Ama ande ti nung ba, ikyenricwu ye ba si-yi ti ti ri be.

Ititatso 11:15

Isim ti atom Rimam ti apupwen ti itsongfaen kunn kutumu-wu, a fxen afxenjwin ti ribom ku nghae ira apupwen u ku ri baa, “Kujwokwe utense kafe pu yi ana Itsekuru-ti Rimam ti ana Kristi, Unde ti awu Tsab Tsi. Awu u nae ukwe risu utense, ru fife yi uwe.”

Ititatso 11:3

Ande ifaen ti ku ri ira-m, ame u nda ba ti a u sī arae atupwa, u ya iskin ira-m ka usir kumbub kinjo ti ukob ifaen ti mae ita.”

Ititatso 11:7

Isim ti ande-m ifaen bane a ya mam pu ba iskin ira-m, ibye titibi iki u tsoye uwae kukwae ti itikunntsi-yi ta-yi be. Awu u ta rika te ba, u ci ba rika, u wen ba.

Ititatso 12:11

Ameinja-ti ci pu ba rika risu-wu ti anying Mbae Utam, ti ira ti kubenti ti a ri risu-wu, ikyaen ti, aba cwé iticwu, u sa unyang-ba tika ikyaen Yesu Kristi.

Ititatso 14:11

Urwa ti akyang u fxab ba, u tso tsig tsig tsig yi apupwen, ititsikunn-yi ta-yi be. Unyang ti pu u ta-yi ikyaen na ande bane be. Utitang ti usirtaen aba u tsikunn rikaen ti ngwa, ikyaen ti, aba fen ibye titibi wune, ti apxin ti awu kyae tsi, u yer iwaen na ibye titibi wu rimenn-ba.”

Ititatso 15:2

Isim ayine ame nung iken iki ti pangma ambyi uyinn ti ku jae wur wur pangma iken ti ku sae uwe, naafa te urwa. Ama meme ande ti ci pu ba rika risu usang ti ricwu wu, ti apxin ti awu kyae, ti numba-wu, tsi unju uyinn wu ti ku jae ma iken ti ku sae uwe ne, u ye su afwá Rimam kujwo-ba.

Ititatso 17:8

Ibye wu ti afu sae ne, ku nyang unyang kute, u ku nyang-wu unyang tine be, amaa, ayi u tsi-yi tsi be awu u nwunn kukwae ti itikuntsi-wu ta-yi be ba, u kaa twenji. Ama meme ande ti a bae-ba rinyi-ba uwae kutsingken na unyang, kiye ti a bag ku mam utense, tiyinn u si ba ijwe, kiye ti aba sae ibye wune ti ku unyang unyang kute, ama ku nyang-wu unyang tine be, ama ti u ba kyi cwucwo.

Ititatso 2:26

Unde ti a ci rika, u ye su kujwo wande-m ka kwer ricwunnkyi, ame u nda wu nae ukwe risu ambukwen ande.

Ititatso 20:6

Utob ti tsen ti itisaen kyag si ana ande ti fa uwae ti ti nwunn ti tawe yine. Iticwu ti apu-ifaen si-wu te kuko risu-ba be, amaa, aba u si akwen na Rimam ti ana Kristi. Aba te wu u nae ukwe uwae kuru Rimam ka asang kumbub kinjo.

Ititatso 22:5

Utitang u ta-wu atang cwucwo be. Aba u sha-ba urwa fitila ko ana usir cwucwo be, ikyaen ti, Itsekuru-ti Rimam ti u si urwa-ba. Aba u som usom ukwe ti ititsikunn-yi ta-yi be.

Ititatso 3:21

Unde ti a ci rika, ame u cwe na wu ti wu som te m kutxomkwe-m, pangma ti ame ci rika u som te Itse-m kutxomkwe-wu.”

Ititatso 4:4

Ame sae atxomkwe iki ka rikom asu inje, tā pakob kutxomkwe wune. Ande ndufu rikom asu inje, si atupwa ti tsen, u bur ubur ukwe ti a kyae yi te zinariya, u somtsa risu atxom ukwe yine.

Ititatso 6:9

Ama ti Mbae utam wu mbubta kupwa ti a fxeb ti fa ti itsong, ame sae kuta itifen Rimam tsi, ama imbyi-yi, ame nung unyang ande ti a wen ba ikyaen ira Rimam, ti ira risu Rimam ti a ri.

Ititatso 7:3

u ri te ba baa, “Ni ndembeb-ni utense ti uyinn ti ituku khika be, se ti ati a kum pu ti sitami kutxuwe apyi Rimam-ti titawe.”