Ititatso 20:2 - Kutsingken Ira Rimam ti Saen Kyag

² Awu atom wune faén ra usang ti ricwu wu, awu ikentibi ti kute, awu ukwe kukyaefa, Shetann, u cwong wu nae, ka asang kumbub kinjo.

Ititatso 20:2 Iomraidhean Croise

Kucangtsi 3:1

Uwae ibye kutur ti Yaweh Rimam kyae meme, ikentibi site itsab tí kufur ti skeb titag. Awu rang unda wu baa, “Kubenti ti Rimam fa ni kusen baa, ani na ci-ni awaen ituku iki ufang ike be né?”

Kucangtsi 3:15

Ame u sa kuka tsi kutampwa-fu, ti unda wu, kutampwa utso-fu, ti utso unda wu. Afu u pye wu ti ukyig kufxen, awu ama u jwog mbub risu-fu.”

Matiyu 19:29

Unde ti a ter ya kununn-wu ta, ko inja-wu ko kaya-wu ko ite-wu ko iya-wu ko anyisu-wu ko risaen ufang-wu ikyaen rinyi-m, awu u tu iken yi ti awu ya ta ne atsepu mae itsong. Cwucwo awu u tu unyang ti tsi kukunn.

Matiyu 8:29

Ti ande ti munn te rijwen titibi bane nungye Yesu, aba taen ira ti ribom-ba baa, “Afu Umbae Rimam, afu nde rimang u ba uwog-ti ike? Afu ba ti fu nde ti rikaen ti ti kiye pang-wu khika be a.”

Markus 4:15

Itso yi ti ta ka si fengo si ira risu ande iki ti a tso ira Rimam uwae riyaen utob-ba. Ti aba fxen ira yi, ti kufe Shetann ru ba tob ra ira yi ti a tso uwae riyaen utob-ba.

Markus 5:7

u taen ira ti ribom-wu baa, “Imi ti ren fu te m, afu Yesu Umbae Rimam ti site kuko ti skeb titag? Ame ku jwam fu yi rinyi Rimam, nde-fu ame rikaen be!”

Yohana 12:31

Ayine ti si kiye ti a u pwen utense rikwen. Tine a u mbe ra ukwe na utense wune kujwo Shetann, u rwae wu ru ye.

Yohana 16:11

Awu u tatso ba baa, Rimam na u pwen utense wune rikwen ikyaen ti, awu pwen mam pu wu rikwen risu unde wu ti nae ukwe uwae utense wune.

Roma 16:20

Itse-ti Rimam ti ku nda ti kujimshwur, awu u tsi-wu tsi be u twenji kuko na Shetann u nda wu nae riben afxen-ni. Itinyang na Itsekuru-ti Yesu Kristi ā te ni som tetso.

Mbaibrane 2:14

Ti anyisu Rimam bane si ande ti si anying ti ibye ijwe, awu ti risu-wu ama sa rimenn ijwe unde, ikyaen ti uwae iticwu-wu, awu u twenji Shetann, awu ti site kpakang iticwu,

1 Bitrus 5:8

Ni tsi ti ujwin! Ikyaen ti, unde ti rika-ni, ukwe kukyaefa, ku paen ritum ku kyang pangma itumu, ku sha unde ti wu ye wen kub.

2 Bitrus 2:4

Rimam ya atom ti apupwen ti nde ikentitibi ta-wu be, u pu ba jwunn sang uvum urwa, u cwong ba afxen te ajwo som uwae kufub, som ku ji usir na rikwen.

Yawuda 1:6

Aba atom Rimam ti apupwen ti ye su-ba wande-ba ti rurob be, u nwunn ya uwog ti som-ba ta, Rimam cwong ba te iji kiser, u nda ba nae uwog ti kufub tsi ku ji usir ti kuko ti awu u pwen ba rikwen.

Ititatso 12:13

Ti usang ti ricwu titibi wune nung baa, a na fur ra wu jwunnsi ba pu ba utense, awu nwunn u rwaetsa unda wu ti mbae umbae ti urom wune.

Ititatso 12:15

Tiri usang wune mbub unju ta, u yaen ambyi ru pangma uyinn, ti ambyi na pang ra unda wu na ru.

Ititatso 12:17

Ama tiri usang wu tso rinae te unda wu, u pur nwunn ti wu na kaa ta rika te anyisu unda wu ti tsitsi, ti aba ti ye su icwe Rimam, u tsikunn ti ku cwe ira Yesu.

Ititatso 12:3

Iken ti ku fur ayib iki gbug nwunn kyi apupwen. Ti m nunung, Usang ti ricwu, ti byaen nwameme, u site risu itsongfaen ti ishin rijwe, u bur ubur ukwe, ba tsi.

Ititatso 12:4

Ukyén-wu shir pu atitaen kujwo kyab kinjo jwunnsi ba yi utense u yata kujwo kyab ita tsi ti atang. Usang ti ricwu titibi wu, tsi uwe unda wu ti ku pwe umbae wune ikyaen ti, kiye ti unda wu a mbae pu wu, awu na u kwerra umbae wu menn si.

Ititatso 12:9

Awu usang ti ricwu titibi, ti si ikentibi wu ti kute, ti a ku kunn wu baa, ukwe kukyaefa, Shetann, awu ti ku kyaefa ande ti utense, a ye ra wu ti atom ti imbyi-wu meme jwunnsi ba utense.

Ititatso 13:2

Ibye wu ti ame sae, ru icwu, afxen-wu pangma ana mbuku, unju-wu ama pangma ana itumu. Ama tiri usang ti ricwu wu, sa ribom-wu, ti kutxom ukwe-wu, ti kuko na utense, na ibye titibi wune.

Ititatso 13:4

Patag ande fen usang wune ikyaen ti, awu sa kuko-wu na ibye titibi wune, ama aba fen ibye wune, u ri baa, “Aye wu ti pangma ibye wune? Aye ti u ta tu rika te wu?”

Ititatso 20:10

Ama awu fáen-ra Shetann wu ti kyaefa ba, u ye wu jwunnsi uvum urwa ti ku ten ku jim-wu jim be, uwog ti ibye titibi wune, ti unde ti ku ya iskin ira ti tikong ta atang. Aba u ngwa rikaen atang usirtaen ti utitang, ititsikunn-yi ta-yi be.

Ititatso 20:7

Ama isim ti asang kumbub kinjo yine a yafe pu yi, a u saen Shetann ta uwae pursuna.

Ititatso 9:11

Ayi site ukwe-yi ti si atom ti ku nungkyi kukwae ti itikunntsi-wu ta-yi be. Rinyi-wu unju Mbaibrane baa, Abadonn, unju Helene ama, a ku kunn wu baa, Apoliyon, ti imbyi-yi baa, “Twenji.”