Ititatso 20:12 - Kutsingken Ira Rimam ti Saen Kyag

¹² Ama ame nung itikicwu, ande ti rurob ti ande ti rob-ba rob be, tsi uwe kutxomkwe wu. Atsingken ti mbub ti ta cwu atang yang-yi. Ama a mbubta kyi kutsingken iki cwucwo, ti si kutsingken na unyang. Ama a pwen itikicwu rikwen pang ti iken ti a bae uwae atsingken yi, pang ti kujwo wande ti aba nde.

Ititatso 20:12 Iomraidhean Croise

Daniyel 7:10

Ajaen urwa ku ru ye uwog-wu pangma ambyi. Ande kumbub kumbub fen wu. Kumbub rijwe ka kumbub rijwe tsi uwe-wu. Ande ti ku pwen rikwen som ku ji ti a u yer rikwen. A mbubta atsingken uwe-ba.

Matiyu 11:22

Ni tangsom baa, usir rikwen, Rimam u sae risi ande ti uten Tiire ti Sidon skeb pu wu ani.

Matiyu 16:27

I kyang ku yaen pu yi ti Umbae Unde u ru ba uwae kuko ti riyinn na Itse-wu. Atom Rimam ti apupwen te wu u ba tetso. Awu a ba pu wu, awu u ba pae unde titini kujwofwa wande ti awu nde.

Luka 10:20

Amaa ni tsen-ni utob ikyaen ti rijwen titibi nae risu riben uwog-ni be, ni tsen utob ikyaen ti a bae rinyi-ni kuru Rimam apupwen.”

Wande Atom 24:15

Ame sa utob-m tsi uwog Rimam baa, meme ande, aba ti ku nde iken ti tinyang ti aba ti ku nde iken titibi, na u ba nwunn uwae iticwu. Ande bane ike ti risu-ba ku cwe ira risu iken yine ama.

Roma 2:6

Ikyaen ti, Rimam u nda unde titini kujwojang-wu pang ti wande ti awu nde.

1 Korinti 4:5

Ikyaen ira yine ni pwen-ni unde rikwen be, se usir a pang pu wu. Usir wu a ba pu wu ti Itsekuru-ti Yesu a kafe ba, awu u ba pwen rikwen yi ti ajwo-wu. Awu u ri tatso ti iken ti ta uwae kufub, ti ira ti unde titini ku kab riyaen utob-wu. Tiri, Rimam u teb unde titini ikyaen kujwo wande-wu ti awu nde.

2 Korinti 5:10

Ikyaen ti, uwe ike meme-ti u tsi kang uwe Kristi. Awu u pwen ti rikwen. Unde titini u tu kujwojang-wu uwae wande ti tinyang ko wande titibi ti awu nde uwae utense ike.

Filipi 4:3

Afu urwan wande-m ti kubenti, ame ku jwam fu, ndeya anda abane, ikyaen ti, aba te m kwab tetso uwae wande na ira tinyang na Yesu, fa ti Kilementi ti itaen ti tsitsi ti nde wande te m. Ame tang baa, rinyi-ba ta uwae kutsingken na rinyi ande ti tu unyang tishe.

Ititatso 11:18

Ande ti utense tso rinae te fu, ama kiye pang pu yi ti rinae-fu u si ba risu-ba ti kubyagkwa. Kiye pang pu yi ti afu u pwen atikicwu rikwen. Afu u nda apyi-fu kujwojang-ba tiri. Aba ti ku ya iskin ira-fu, ti ande-fu ti sisaen, ti meme ande ti ku kyen ikyenricwu-fu, ande ti rurob ti ande ti rob-ba rob be. Kiye pang pu yi ti afu u twenji ande rika-fu ti ku ndembeb utense.”

Ititatso 13:8

Meme ande ti ta utense u fen wu, aba ande ti a bae-ba rinyi-ba be, ti ti a mam-ba utense khika be, uwae kutsingken na unyang na Mbae Utam ti a yer wuwen.

Ititatso 17:8

Ibye wu ti afu sae ne, ku nyang unyang kute, u ku nyang-wu unyang tine be, amaa, ayi u tsi-yi tsi be awu u nwunn kukwae ti itikuntsi-wu ta-yi be ba, u kaa twenji. Ama meme ande ti a bae-ba rinyi-ba uwae kutsingken na unyang, kiye ti a bag ku mam utense, tiyinn u si ba ijwe, kiye ti aba sae ibye wune ti ku unyang unyang kute, ama ku nyang-wu unyang tine be, ama ti u ba kyi cwucwo.

Ititatso 19:5

Tiri afxenjwin ruye kutxomkwe atang ku ri baa, “Ni teb rinyi Rimam, meme-ni apyi-wu, anyisu tinying ti ande ndufu, meme-ni ti ku nda wu rurob.”

Ititatso 2:23

Cwucwo ame u twenji ande ti ku putsa wu. Meme kumbug ande Rimam u nung baa, ame na si Awu ti ku fxaen ira ti ta utob ande nae ise. Ame u pae na unde titini pang ti kujwo wande-wu.”

Ititatso 20:11

Isim ayine, ame nung kutxomkwe tiyang ti ti tsen iki ti unde iki somtsa atang. Ikyaen riyinn-wu ti kuko-wu, apupwen ti riben ter nwunn uwe-wu, u ru fe uwog ti a nung-ba ayib-ba cwucwo be.

Ititatso 20:13

Ande ti ngwa cwu uwae uyinn, uyinn cwo pu ba tso. Iticwu ti Kinjag cwo pu itikicwu ti ta riben ama tso. A pwen ba rikwen meme pang ti iken-ba ti aba nde.

Ititatso 20:15

Unde ti rinyi-wu ta-yi uwae kutsingken na unyang ne be, a ye wu jwunnsi uwae uvum urwa wune.

Ititatso 21:27

Amaa, iken iki ti ajib u sang-yi uwae uka atang be. Unde iki ti ku nde iken ti ku txi iyib, ko ti tikong, u sang ka-wu atang be. Nyáng ande ti a bae rinyi-ba uwae kutsingken na unyang na Mbae Utam, ti u sang ka uwae uka atang.

Ititatso 22:12

“Nung, ame u tsi-m tsi be u ba, u pu kujwojang kyangsu ti m kan na unde titini, pang te iken-wu ti awu nde.

Ititatso 3:5

Unde ti a ci rika, a u sī na wu atupwa ti tsen, ama ame u fen mbeb-m rinyi-wu uwae kutsingken unyang be. Ame u ri unju ti tinyang risu-wu uwe Itse-m ti atom-wu ti apupwen.”