Ititatso 2:9 - Kutsingken Ira Rimam ti Saen Kyag

⁹ Ame nung pu m rikaen ti afu ku ngwa, te ti afu si unde ti rijang. Amaa, kubenti, afu si unde ti rifunn. Ame nung ira ande ti ku txun mbeb Rimam, ama ku kunn ijwe-ba baa, ande Rimam, ira titibi ti aba ku ri risu-fu, ame fxen tag pu m ayi. Ama aba si-ba ande Rimam ti kubenti be. Aba si kusog Shetann.

Ititatso 2:9 Iomraidhean Croise

Matiyu 4:10

Ama Yesu ri te wu baa, “Ko ru uwe-m ike Shetann! A bae uwae Kutsingken Rimam baa, ‘Fen Itsekuru-fu Rimam, awu kinjo-wu amam ti afu u fen.’ ”

Luka 12:21

Ricwunnkyi-yi Yesu ri baa, “Ayi si ahan ama uwog ande ti ku byir rifunn tsi ikyaen ijwe-ba, amaa, uwog Rimam aba si ande ti rikaen.”

Luka 22:65

A txun tsi wu asu u ri ira titibi titibi ti tsotso risu-wu.

Luka 4:18

“Kusung na Itsekuru ta risu-m ikyaen ti, awu tsab ra m ti m na sa ira-wu ti tinyang na ri te ande ti rikaen. Awu tom me ba ikyaen ti m na ri te ande ti a ye ba yir uwae rikaen upyi baa, a na saen ba na ta, ti m na ri te ande ti mbub ayib baa, aba na u tu itinung uwog, ti m na nwangru ande ti ta kujwo ande ti ku ndeshi ba.

Luka 6:20

Awu txaen pu ayib sae ande ti putsa-wu u ri baa, “Itinyang si ana-ni ani ande ti rikaen, ikyaen ti, Kujwokwe Rimam si ana-ni.

Yohana 16:33

Ame ri ira yine te ni ikyaen ti uwae ijwe ti ren ti ani ren te m, ani u tu utob ti nae riben uwog-m. Utense u nda ni rikaen. Amaa ni tsi ti ribom utob. Ame ci pu m rika risu utense wune.”

Wande Atom 14:22

A ku kyang ku ri bom ande na Yesu utob baa, aba na tsi ti kubenti uwae fengo Yesu. A ku kwen na ande baa, “Ati na u ngwa kang rikaen ti tsotso itawe ati sang kujwokwe Rimam.”

Wande Atom 26:11

Ame kyang ka sang tag asog Rimam meme ku byinn ba kimbab ikyaen ti m na u shir utob-ba ti a na fxae ira-ba ayi. Ame tso pang-m rinae te ba, ka ti ame nwunn ku rwae rifab-ba ru yi uten ti ta fengo ti rwen.

Roma 12:12

Ni yata ti uwae ti tsi-ni ā nda ni tsen utob. Ni ye utob uwae rikaen ti ani ku ngwa, ti ni jwam Rimam ko kiye titini.

Roma 2:17

Afu ti ku kunn ijwe-fu baa, urae Yawuda, afu sa ijwe-fu konje icwe Rimam, u ku ndub ijwe yi rinyi Rimam.

Roma 5:3

Ti siskeb meme, ati ku kam ashwu uwae rikaen-ti, u nungye baa, rikaen na ku nda ti utob ti ye.

Roma 8:35

Iken iki ta atang ti u ndeye ti yi kata ti te ure Kristi njwaa? Ayi u si rikaen a. Ayi u si kubyagkwa a. Ayi u si rika ti a u ta ti a. Ayi u si usom ti kpakang a. Ayi u si rimenn a. Ayi u si ti ati u kyang ribam a. Ayi u si ti ati a ta unju iticwu ti ande ku wen ti a.

Roma 9:6

Ayi si-yi ti itimyae Rimam na nde nunum be. Ayi si-yi Isirela meme ti si Isirela ti kubenti be.

2 Korinti 6:10

Ko ti ati ku byir utob, ati ku tsen utob ku kam ashwu ko kiye titini. Ati sae ayib pangma ande ti rikaen, ama ati nda ande yang-ba tu rifunn. Ayi pangma ati na site-ti iken kujwo be, ama ati, uwae kubenti, ati munn ti rifunn.

2 Korinti 8:2

Aba ngwa rikaen ko timambe, amaa, utob ti tsen-ba ko shishag, ikyaen yine aba pu rinyangwae-ba ba ikyaen itindeya na ande iki, ko ti aba ti risu-ba si ande ti rikaen.

2 Korinti 8:9

Ani nung pu ni rinyangwae na Itsekuru-ti Yesu Kristi. Ko ti awu site rifunn, awu sa ijwe-wu kafe unde ti rikaen ikyaen-ni, ikyaen ti awu u sa ni kafe ande ti rifunn uwae rikaen ti awu ngwa.

1 Tesalonika 3:4

Kiye ti ati ta te ni, ati ri te ni baa, rikaen na ru ku ba risu-ti. Ara kuben, rikaen yi ba pu yi, pangma ti ani ku nung ne.

1 Timoti 1:13

ko ti kute, ame ri ira titibi risu-wu u txun wu asu u nda wu rikaen. Awu sae m te ayibrisi ikyaen ti ame nde ikentitibi yine uwae kufub u ru-m kubenti uwog-wu Yesu Kristi be.

1 Timoti 6:18

Ri te ba ti a na nde wande ti tinyang. Aba ā yata ti wande ti tinyang ā si rifunn-ba. Aba ā ndabta ajwo uwae ure ru ba uwog ande ti tsitsi.

Ititatso 1:9

Ame si Yohana inja-ni, ti te ni ku ngwa rikaen, u tsikunn utob ti ye ikyaen Yesu ti Kujwokwe-wu. A yir m u ye m ka nae ukunn uwae uyinn ti rinyi-wu baa, Patamos ikyaen ira Rimam ti ira Yesu ti ame ku riyae yi te ande.

Ititatso 2:13

Ame nung uwog ti som-fu, ti si uwog ti a ta kutxomkwe Shetann atang. Amaa, afu baefa m ting ting, u pyir-fu ti fu ru uwae kinjo uwog-m be ko uwae kiye ti a wen Antipas ti tsi ti kubenti uwae ira ti ana-m.

Ititatso 2:2

Ame nung pu m itikwab-fu uwae wande, te ti afu tsikunn utob ti ye, te ti afu ku cwe-fu ira ande titibi be, ama u myae nung pu fu aba ti ku kunn ijwe-ba baa, aba na si atom, u nungye pu fu baa, aba na si ande ti tikong.

Ititatso 2:24

“Amaa, ani ande ti tsitsi uten Tiyatira, ti putsa-ni iken ti kwen titibi ayine be, u kwen-ni iken ti ariki ku kunn baa, ‘Iken ti rurong na Shetann’ be, ame ku ri te ni, ame u ye isu ti rurob iki su-m ani be.

Ititatso 3:9

Naa atong! Ande ba ti ta kusog Shetann, ti ku kunn ijwe-ba baa, aba na si ande Rimam, amaa, a si-ba ande Rimam be, ku wer rifen, nung, ame u nda ba, aba u ba ku riben uwe-ni, ama u nung baa, ame na ye ure te ni.

Ititatso 7:14

Ame ri te wu baa, “Itsekuru, afu ti nung.” Awu ri te m baa, “Abane si ande ti ruye uwae rikaen tiyang wu. Aba jwo saen pu ba arun-ba, u sa yi kafe titsen uwae anying Mbae utam.