Ititatso 2:5 - Kutsingken Ira Rimam ti Saen Kyag

⁵ Ikyaen yine, tangsom uwog ti afu jwunnsisi atang. Ya ikentitibi-fu ta, ti nde iken ti afu nde kucang. Ayi a si-yi ahan be, ame u ba ye ra fitila-fu ru ye uwog ti wu tsi atang, ru.

Ititatso 2:5 Iomraidhean Croise

Matiyu 5:14

“Ani si uwog ti saen ana utense. Uka ti ta kibab rikwen ku tam-wu tam be.

Matiyu 5:15

Ayi si ahan ama unde iki ta-wu ti u yen urwa u sa iken burkyi wu kyi be. Unde a yen urwa, awu u sa tsi tsa risu tebur ikyaen ti ande meme ti ta uwae kusog atang ā sae uwog paenine.

Markus 12:9

Uwog wune, Yesu rang ande ndufu ba baa, “Ani tang baa, unde ti risaen u nde rimang tiri? Kubenti, awu u ba wen tag ande ti ku nungkyi uwae risaen atang u pu ande tishe fen kyi ba.”

Luka 1:17

Awu u ru uwe Itsekuru u site kpakang utob pangma ana Eliya, u kafe utob ana abitse ba uwog anyisu-ba, u sa ande ti kpag risu kafe ande ti ben ayib ana usom ti saen kyag, u kyaenyang utob ande ikyaen itiba ana Itsekuru.”

Luka 20:16

Awu u ru ka wen tag ba meme u sa risaen na ande iki.” Kiye ti ande fxen ira yine aba ri baa, “Ayaa! Rimam ā cwunnkyi fengo wune!”

Galatiya 5:4

Ani ande ti ku kwab baa, ani na u tu risu tinyang uwe Rimam yi fengo na Icwe ti ye su, ani kata pu ni ti Kristi. Ani kafe isim ta ayibrisi na Rimam.

Filipi 2:15

ikyaen ti ni si ande ti sisaen, ti ande ti si-ni te riraen be. Ni si anyisu na Rimam ti kubenti, kutampwa ande titibi na utense wune ti ndembeb pu ba. Ni si pangma atitaen ti apupwen ti ku jaen wurwur uwae kufub utense wune,

Mbaibrane 10:32

Ni tangsom te iken ti nde uwae kiye ti wur ruru ti ani bag ku nungye ira Rimam. Ani kwab, u ye utob uwae rikaen u som kunn ti kubenti.

2 Bitrus 3:17

Ikyaen yine, ani ama, ti ani nung pu ni ira yine, ni nung nyinyang ti ikentitibi ande ti ku nyatsa icwe bane ā ci ra-yi utob-ni, u fen pu ni afxen riben be.

Yawuda 1:24

Ititeb ā si ana Rimam, awu ti site kuko ti wu nda ni ani u kyen-ni kufxen be, awu ti u ndetu ti wu tae ni kaa tsi uwae riyinn-wu, uwog ti ani u tsen utob u shwu ashwu, ama riraen iki u ta-yi uwog-ni be.

Ititatso 1:20

Imbyi atitaen itsongfaen ti afu sae kujwo rici-m, ti iken fitila itsongfaen yine ta re. Iken fitila itsongfaen yi si ambub ande Rimam itsongfaen. Atitaen itsongfaen yi ama si ande ti atom itsongfaen ti ta risu-ba.”

Ititatso 16:9

Ayam usir fxab ande bane, ama ijwe-ba ku wuwaen. Aba txun mbeb rinyi Rimam ti site kuko risu rikaen titibi ti tsotso yine. Aba kafe isim ta-ba ikentitibi-ba, u nda Rimam kuko be.

Ititatso 2:16

Ikyaen yine, ya ikentitibi-fu ta, be, ame u tsi-m tsi be u ba uwog-fu, u pu rika tu ba, u twenji ba te kisum wen ti ta unju-m.”

Ititatso 2:19

Ame nung pu m itikwab-fu, ti ure ti afu site, u nung pu m uwae kinjo-fu, ti itindeya ti afu ku nde na ariki, ti utob ti ye-fu uwae rikaen. Ame nung itikwab-fu ti tine skeb pu yi itikucang.

Ititatso 2:2

Ame nung pu m itikwab-fu uwae wande, te ti afu tsikunn utob ti ye, te ti afu ku cwe-fu ira ande titibi be, ama u myae nung pu fu aba ti ku kunn ijwe-ba baa, aba na si atom, u nungye pu fu baa, aba na si ande ti tikong.

Ititatso 3:19

Ande ti ame ye ure te ba, si aba ti ame ku fwan ba kibyag, ku byinn ba kimbab. Ikyaen yine, sa uwae-fu tsi ira-m ne, ti fu kafe isim ta ikentitibi-fu.