Ititatso 2:3 - Kutsingken Ira Rimam ti Saen Kyag

³ Ame nung afu tsikunn utob ti ye, ku ngwa rikaen ikyaen ira-m, u num-fu be.

Ititatso 2:3 Iomraidhean Croise

Markus 15:21

Ti aba pu wu ku ru ku ye uwae uka atang, a tu unde iki ti ru ufang ku ba. Rinyi-wu si Siman, unde ti Kirene. Awu si itse Alezanda ti Rufus. Akyirten ba kang fa wu ti wu na su kutuku wu ti aba na u kwer Yesu atang.

Luka 14:27

Unde ti a su-wu kutuku ti ta cice-wu u putsa-wu ame be, awu nde tu-wu ti wu u fa uwae ande ti putsa-m be.

Luka 18:1

Tiri Yesu sunn ira iki ti wu kwen na atugbug-wu baa, aba na tsikunn Rimam ti jwam, ama yer-ba anying utob be.

Luka 21:19

Asiti ani a yer-ni anying utob be, ani u nwangru.

Luka 5:5

Siman ri te wu baa, “Itsekuru-m, ati kwab pu ucwefam u tu-ti iken iki be. Amaa, ikyaen ira-fu ame u pu akye-m si.”

Luka 8:15

Ama itso ti ta ka si riben ti tinyang si ande ti ku fxen ira Rimam u ku ye su yi bubom uwae riyaen utob-ba. Abane ku kyangte yi ti ribom ti kubenti uwae riyaen utob-ba. Aba ku ye utob uwae rikaen-ba meme u ku waen awaen ti tinyang.

Yohana 15:21

“Meme rikaen ti aba u nda ni si ikyaen ti ani si ande ti ana-m, ikyaen ti, aba nung-ba unde wu ti tom me ru ba be.

Roma 12:12

Ni yata ti uwae ti tsi-ni ā nda ni tsen utob. Ni ye utob uwae rikaen ti ani ku ngwa, ti ni jwam Rimam ko kiye titini.

Roma 16:12

Ni kunnji Tirfena ti Tirfosa ti ku nde wande Rimam, fa te urwan-m ti ayib ricwu-m Persis ti ku nde wande Rimam ti utob-wu kinjo.

Roma 2:7

Ariki ye utob, u tsikunn ti ku nde kujwo wande ti tinyang, u ku sha ti Rimam na nda ba kuko ti rurob ti unyang ti tsi kukunn. Rimam u nda ba unyang ti tsi kukunn.

Roma 8:25

Amaa, asiti ati a sa uwae tsi risu iken ti ati nung-ti ti ayib khika be, ati u ye utob u som ji yi.

1 Korinti 13:7

Ure ku ye utob uwae iken meme. Awu ku tsikunn ti ku ru kubenti, u ku tsikunn ti ku sa uwae tsi ama ku kaen kutxom sur utob uwae iken meme.

1 Korinti 16:16

Ame ku jwam ni ti ni nda utso ande bane rurob, fa ti unde titini ti te ba ku nde wande tetso.

2 Korinti 10:15

Ariki ku ndub ijwe risu wande ti ayi si-yi aba ti nde yi be. Ana-ti ati ku nyaetsa-ti ice uwog ti Rimam myae tsi na ti atang be. Iken kinjo ti ati sa uwae tsi atang si ti, ani na ser riser u bom ribom ikyaen ti, ice wande-ti kutampwa-ni ā yaen fufa ama.

2 Korinti 11:23

Aba ku ri baa, aba na si anyisu afxen Kristi. Ame nde wande na umbae kufxen Kristi nyang skeb pu m aba. Ande-m! Ira-m ne si ana unde ti kijaen! Ame nde wande skeb pu m aba. A ye m sang pursuna atsepu yang-yi, skeb pu yi ti a ye ba sang. A byinn m kimbab skeb pu yi aba. Ame sang unju iticwu munnae munnae skeb pu m aba.

2 Korinti 4:1

Ati u yer-ti anying utob be, ikyaen ti, Rimam ti risu-wu nda ti wande yine uwae ayibrisi-wu.

2 Korinti 4:16

Ikyaen yine, ati yer-ti anying utob be. Ko ti ati ku fxen ti kicaeb ijwe-ti, ati ku shishab ko usir titini uwae riyaen utob-ti.

2 Korinti 5:9

Ama, ko ti ati a ta utense ike ko apupwen akwen, ati ku kwab ti ti u nde iken ti nyang uwae-wu.

2 Korinti 6:5

A byinn ti, u ye ti sang pursuna. Ande ti rinae tebshi ti. A nda ti wande ti skeb risu-ti. Ati skang ayib kucwag, rimenn nde ti.

Galatiya 6:2

Ni su ya atso usu na rikaen ti ani ku ngwa. Yi fengo yine ani u kumunn icwe Kristi.

Galatiya 6:9

Ati ā num-ti num uwae wande ti tinyang ti ti nde be. Ikyaen ti, asiti ati a num-ti num be, kiye ru ku ba ti ati u bunn itinyang na wande-ti.

Filipi 2:16

u ku ri Ira Rimam ti ku nda unyang u ku ye su yi ti ajwo ifaen. Asiti ani a ku nde ahan, ame u pam ipam usir ti Kristi a kafe ba, ikyaen ti itikwab-m ti ame kwab, ti wande-m ti ame nde uwog-ni ā si-yi ukaen be.

Filipi 4:3

Afu urwan wande-m ti kubenti, ame ku jwam fu, ndeya anda abane, ikyaen ti, aba te m kwab tetso uwae wande na ira tinyang na Yesu, fa ti Kilementi ti itaen ti tsitsi ti nde wande te m. Ame tang baa, rinyi-ba ta uwae kutsingken na rinyi ande ti tu unyang tishe.

Kolosi 1:11

Ati ku jwam baa, ani na u tu kpakang ru ye uwae kuko Rimam ti ko skeb tag, ikyaen ti ni tsi ting ting u ye utob uwae ira titibi ti ku tu ni, ama ti ni tsen utob

1 Tesalonika 1:3

Uwe Itse-ti Rimam, ati ku tangsom te wande ti tinyang ti ani ku nde ru ye uwae kinjo-ni ti ani ru uwog Yesu Kristi. Ure-ni ti ku nda ni kwab fengo Rimam si-yi ti ti ri be. Ati nung baa, ani sa uwae tsi risu-wu ku ru ru yi uwe uwe.

1 Tesalonika 2:9

Ameinja, ani tangsom pu ni ti itso wande tiyang ti ati nde uwog-ni kiye ti ati ku tsag Ira Rimam te ni. Ati kwab usirtaen ti utitang ikyaen ti, ati ku sha-ti ti ti na nda ni rikaen be.

1 Tesalonika 5:12

Ameinja, ati ku ri te ni, ni nda ande ti uwe-ni rurob. Aba ku nde na ni wande, u ku kwen na ni ira Rimam.

2 Tesalonika 3:13

Ame ku ri te ni meme, ameinja, baa, ni tsikunn ti ku nde iken ti tinyang.

2 Tesalonika 3:5

Itsekuru-ti ā nde wande uwae utob-ni, ti ni na nungye ure na Rimam, ti ni na kaen kutxom sur utob uwae rikaen-ni pangma ti Yesu Kristi nde.

2 Tesalonika 3:8

Ati ci-ti wuci na unde iki ti ukaen amen be. Ati pae aser risu-yi u kwab wande ti ajwo-ti usirtaen ti utitang meme. Ati ngwa rikaen ahan ikyaen ti, ati ku sha-ti ti ti na nde ni rikaen be.

1 Timoti 4:10

Né iken ti nde ati ku kwab u ku nde rikaen, ikyaen ti, ati sa uwae tsi pu ti uwog Rimam ti site unyang, awu ti nwangru ande meme u ku nwangru skeb ande ti ku ru kubenti uwog-wu.

1 Timoti 5:17

Ande ndufu ti ku nde wande na unde ti uwe nyinyang, ni nda ba rurob, ama uwae-ba ande ti ku kwen na ande iken u ku tsag te ande ira Rimam, rurob-ba ā ko ra siskeb,

Mbaibrane 10:36

Ayi nyang ti ni kaen kutxom sur utob, ikyaen ti ani a nde pu ni iken ti Rimam ku sha, ani u tu iken ti a yer unju risu-yi.

Mbaibrane 12:1

Somtsa yi uwae kinjo ande bane ti pakob ti ti rikob, ti tur meme iken ti ku rob ti ijwe tika. Ti fxae ikentitibi ti ku shir ti ti isim. Ti ti ru yi uwe uwae inyae ti ter, ti utob ti ye ka sang ricwunnkyi.

Mbaibrane 13:13

Ikyaen yine, ati ama ā nwunn ruye ka tu wu ise atang ti ti te wu ngwa rikaen na rukwae ti wae yi tetso.

Mbaibrane 6:10

Rimam tsikukunn ti kubenti. Awu u saeru-wu wande-ni, ko ure ti ani ku tso ba uwog-wu yi fengo ti ani ndeya ande-wu ti sisaen, pangma ti ani ku nde ti atang ne be.

Mbaibrane 6:12

Ni nde-ni uyáng be, amaa, ni putsa afxen ande ti ru uwae kinjo, u ye utob, u tu kutunn-ba uwae rifunn ti Rimam yer unju risu-yi.

Mbaibrane 6:15

Ibrahim ye utob u somji kiye ti iken yi u nde. Ama Rimam kumunn unju ti yer-wu.

2 Bitrus 1:6

u kumunn itinungye-ni te risu ti ye, u kumunn risu ti ye ama te ititsi ti kpakang, ititsi ti kpakang ama te ikyenricwu ira Rimam,

Ititatso 1:9

Ame si Yohana inja-ni, ti te ni ku ngwa rikaen, u tsikunn utob ti ye ikyaen Yesu ti Kujwokwe-wu. A yir m u ye m ka nae ukunn uwae uyinn ti rinyi-wu baa, Patamos ikyaen ira Rimam ti ira Yesu ti ame ku riyae yi te ande.

Ititatso 3:10

Afu putsa pu fu ira ti ame ri te fu baa afu na ye utob uwae rikaen. Ikyaen yine, ame u nungkyi fu kiye kumyae ti ku ba risu utense meme.