Ititatso 2:26 - Kutsingken Ira Rimam ti Saen Kyag

²⁶ Unde ti a ci rika, u ye su kujwo wande-m ka kwer ricwunnkyi, ame u nda wu nae ukwe risu ambukwen ande.

Ititatso 2:26 Iomraidhean Croise

Daniyel 7:18

Amaa, ande ti saen kyag na Rimam ti skeb ti tag u tsokyi kujwokwe yine, ama u nae ukwe risu-yi ru fife yi uwe.’

Daniyel 7:22

se kiye ti Awu ti ta atang ti Kute ka ba pwen rikwen ikyaen ande ti saen kyag ti si ana Rimam ti skeb ti tag, ama kiye wu ande ti saen kyag tsokyi kujwokwe wu.

Daniyel 7:27

Ama a u sa kujwokwe, ti kuko, ti rurob ajwokwe ti ta utense meme na ande ti saen kyag na Rimam ti skeb ti tag. Kujwokwe-ba u si kujwokwe ti tsi kukunn ru fife yi uwe. Ama meme ande ti uwe u ba ku riben u fen ba.

Matiyu 10:22

Ande meme u sa ni kuka ikyaen-m. Amaa, unde ti a tsi ti kubenti ru ba sang usir ti ricwunnkyi, awu u nwangru.

Matiyu 19:28

Yesu ri te ba baa, “Kubenti ti ame ku ri te ni, kiye ti a u kafe utense tishe, Umbae Unde u som tsa iken ti som na Ukwe-wu, ani ande-m rijwe asu ifaen ne u som tsa iken ti som na akwe ama. Ani u pwen rikwen risu rishi anyisu Isirela rijwe asu ifaen.

Matiyu 24:13

Amaa, unde ti a ye utob ba usir ti ricwunnkyi, awu u nwangru.

Yohana 6:29

Yesu ri te ba baa, “Wande ti ku nyang uwae Rimam si ti ni ru uwae kinjo uwog unde ti awu tom ba.”

Roma 2:7

Ariki ye utob, u tsikunn ti ku nde kujwo wande ti tinyang, u ku sha ti Rimam na nda ba kuko ti rurob ti unyang ti tsi kukunn. Rimam u nda ba unyang ti tsi kukunn.

Roma 8:37

Kubenti, ati ci pu ti rika risu iken yine meme yi uwae wande na unde wu ti ye ure te ti.

1 Tesalonika 3:5

Nee iken ti nde, isim ti ame som tu-m ti ira ti kab risu-ni cwucwo be, ame tom Timoti ru ba uwog-ni ti wu na ba ri te m ira risu ikyi ti kyang-ni yi fengo Yesu. Ame ku kyen ikyenricwu baa, iki be ukwe kukyaefa na kyaefa pu wu ani, ama itikwab ti ati kwab uwog-ni na u si ti ukaen.

Mbaibrane 3:6

Amaa, Kristi si umbae unde ti kununn, awu ku nde wande ti kubenti uwae kusog Rimam. Ati ama si kusog-wu, asiti ati a bom utob ru yi uwe, u pam ipam risu iken ti ati sa uwae tsi atang.

Yakubu 2:20

Kuskwab-fu! Afu nung-fu ti uwae kinjo ti renfa-yi te kujwo wande be, na si iken ti ukaen be a.

1 Yohana 2:19

Aba ter ya ti ta, ikyaen ti, aba fa-ba uwae-ti be. Á baa, aba na fa uwae-ti, aba ú som kunn te ti. Amaa, aba ter nwunn ikyaen ti ayi ā nae ise paenine baa, aba na fa-ba uwae-ti be.

1 Yohana 3:23

Icwe-wu si ti, ti na ru kubenti yi rinyi Umbae-wu Yesu Kristi, ama ti ti na ye ure tetso pangma ti Kristi ri te ti.

1 Yohana 5:5

Aye wu ti u ci tu rika risu utense? Si nyáng unde ti ku ru kubenti baa, Yesu na si Umbae Rimam.

Ititatso 2:11

“Unde ti site atong, awu ā fxen ira ti Kusung ti Saen Kyag ku ri te ande Rimam. Unde ti a ci rika, iticwu ti apu-ifaen u tu-yi awu be.”

Ititatso 2:17

“Unde ti a site atong, awu ā fxen ira ti Kusung ti Saen Kyag ku ri te ande Rimam! Unde ti a ci rika, ame u nda wu wuci ti ti tam, fa ti kutxom ti tsen ti a bae rinyi tishe atang, ti unde iki nung-wu rinyi wu be, nyáng unde ti mbe kutxom wu amam.”

Ititatso 2:7

Unde ti a site atong, awu ā fxen ira ti Kusung ti Saen Kyag ku ri te ande Rimam. “Unde ti a ci rika, ame u cwe ti wu na ci awaen kutuku na unyang ti tsikukunn uwae risaen na Rimam apupwen.”

Ititatso 20:4

Isim ayine, ame nung atxomkwe, ama itaen ti somtsa atang si aba ti a nda ba kuko ti a na pwen ande rikwen. Cwucwo ame nung unyang ande ti a pyera risu-ba ikyaen ti aba cwé iticwé ira ti kubenti na Yesu, ti ira na Rimam. Aba ti fen-ba ibye titibi wune, ko ti a u ku riben na iken ti awu mbye tsi be, u yer-ba iwaen na ibye titibi wune kutxuwe-ba ti ajwo-ba be. Aba shwur, u ti Yesu Kristi nae ukwe tetso ka asang kumbub kinjo.

Ititatso 21:7

Unde ti a ci rika, awu u ci rifunn itse uwog-m, ame u si Rimam-wu, awu ama u si umbae-m.

Ititatso 22:5

Utitang u ta-wu atang cwucwo be. Aba u sha-ba urwa fitila ko ana usir cwucwo be, ikyaen ti, Itsekuru-ti Rimam ti u si urwa-ba. Aba u som usom ukwe ti ititsikunn-yi ta-yi be.

Ititatso 3:12

Unde ti a ci rika, ame u sa wu sim pangma kufwá uwae kusog Rimam-me. Awu u ruye-wu ye atang be. Ame u bae rinyi Rimam-me rimenn-wu, ti rinyi uka na Rimam-me, ti si Urushelima tishe, ti u sī apupwen uwog Rimam-me ba. Ame u bae rinyi-m ti tishe rimenn-wu ama.”

Ititatso 3:21

Unde ti a ci rika, ame u cwe na wu ti wu som te m kutxomkwe-m, pangma ti ame ci rika u som te Itse-m kutxomkwe-wu.”

Ititatso 3:5

Unde ti a ci rika, a u sī na wu atupwa ti tsen, ama ame u fen mbeb-m rinyi-wu uwae kutsingken unyang be. Ame u ri unju ti tinyang risu-wu uwe Itse-m ti atom-wu ti apupwen.”