Ititatso 2:23 - Kutsingken Ira Rimam ti Saen Kyag

²³ Cwucwo ame u twenji ande ti ku putsa wu. Meme kumbug ande Rimam u nung baa, ame na si Awu ti ku fxaen ira ti ta utob ande nae ise. Ame u pae na unde titini pang ti kujwo wande-wu.”

Ititatso 2:23 Iomraidhean Croise

Matiyu 16:27

I kyang ku yaen pu yi ti Umbae Unde u ru ba uwae kuko ti riyinn na Itse-wu. Atom Rimam ti apupwen te wu u ba tetso. Awu a ba pu wu, awu u ba pae unde titini kujwofwa wande ti awu nde.

Luka 16:15

Yesu ri te ba baa, “Ani ku sha ti ande na tang baa, ani na si ande ti tinyang, amaa Rimam nung pu wu riyaen utob-ni. Iken ti ande ku nung baa, ayi na si iken ti tinyang, uwe Rimam ayi si iken ti ku txi iyib.

Yohana 21:17

Yesu rang kyi wu ti atsepu ita cwucwo baa, “Siman umbae Yohana, afu site ure te m a.” Utob Bitrus ndembeb, ikyaen ti, Yesu rang kyi wu ira ti atsepu ita baa, awu site ure te wu bara? Ama awu ri te Yesu baa, “Itsekuru, afu nung tag pu fu iken, afu nung pu fu ama baa, ame na site ure te fu.” Yesu ri te wu baa, “Shi iwentam-m.

Yohana 4:16

Yesu ri te wu baa, “Ru ka kunn ubaen-fu ti ni ru ba tu m ike.”

Wande Atom 1:24

Ama aba jwam Rimam baa, “Afu Rimam ti nung riyaen utob ande meme, uwae ande ifaen bane, tatso ti unde wu ti afu tsab

Roma 14:12

Ayine ku tatso baa, unde titini uwae-ti u ka tsi kang uwe Rimam u ri tso ti unju-wu iken ti awu nde.

Roma 8:27

Ama Rimam, awu ti ku sae ayib si ka riyaen utob ande, awu nung pu wu itijwam ti Kusung ku jwam risu-ti, ikyaen ti, awu Kusung ku mbyae ajwo uwog Rimam kutunn unju ande-wu, u ku nde yi ti fengo ti Rimam ku sha.

2 Korinti 5:10

Ikyaen ti, uwe ike meme-ti u tsi kang uwe Kristi. Awu u pwen ti rikwen. Unde titini u tu kujwojang-wu uwae wande ti tinyang ko wande titibi ti awu nde uwae utense ike.

Galatiya 6:5

Ikyaen ti, unde titini u su kang isu-wu ti risu-wu.

Mbaibrane 4:13

Iken iki ta-yi utense wune ti si iken ti kitam uwe Rimam be. Meme iken nae ise paenine uwe-wu. Ati meme u tsi uwe-wu u fxirtso iken ti ati nde.

1 Bitrus 1:17

Rimam ku pwen rikwen, u ku kag-wu unde kag be, ama ku pwen unde titini rikwen pang ti kujwo wande ti awu nde. Ti ani ku kunn wu baa, “Itse”, ni nde meme iken-ni uwae ikyenricwu Rimam, kiye ti ani si rikyen utense ike.

Ititatso 2:11

“Unde ti site atong, awu ā fxen ira ti Kusung ti Saen Kyag ku ri te ande Rimam. Unde ti a ci rika, iticwu ti apu-ifaen u tu-yi awu be.”

Ititatso 2:7

Unde ti a site atong, awu ā fxen ira ti Kusung ti Saen Kyag ku ri te ande Rimam. “Unde ti a ci rika, ame u cwe ti wu na ci awaen kutuku na unyang ti tsikukunn uwae risaen na Rimam apupwen.”

Ititatso 20:12

Ama ame nung itikicwu, ande ti rurob ti ande ti rob-ba rob be, tsi uwe kutxomkwe wu. Atsingken ti mbub ti ta cwu atang yang-yi. Ama a mbubta kyi kutsingken iki cwucwo, ti si kutsingken na unyang. Ama a pwen itikicwu rikwen pang ti iken ti a bae uwae atsingken yi, pang ti kujwo wande ti aba nde.

Ititatso 20:13

Ande ti ngwa cwu uwae uyinn, uyinn cwo pu ba tso. Iticwu ti Kinjag cwo pu itikicwu ti ta riben ama tso. A pwen ba rikwen meme pang ti iken-ba ti aba nde.

Ititatso 22:12

“Nung, ame u tsi-m tsi be u ba, u pu kujwojang kyangsu ti m kan na unde titini, pang te iken-wu ti awu nde.

Ititatso 6:8

Ama ame sae, ti m nunung, kakum ti pafoong tsi! Rinyi unde ti ku tso wu baa, Iticwu, kinjag ku putsa wu isim. A nda ba kuko ti a na twenji ande kujwo ikyab kinjo uwae inje ana utense te rika, ti rimenn, ti iticwu kufùm, ti ibye anyi ti ta utense, ti a na ya ajwo kyab ita na ta ti user.