Ititatso 2:19 - Kutsingken Ira Rimam ti Saen Kyag

¹⁹ Ame nung pu m itikwab-fu, ti ure ti afu site, u nung pu m uwae kinjo-fu, ti itindeya ti afu ku nde na ariki, ti utob ti ye-fu uwae rikaen. Ame nung itikwab-fu ti tine skeb pu yi itikucang.

Ititatso 2:19 Iomraidhean Croise

Luka 1:23

Kiye ti usir wande-wu yi mam tag, awu nwunn ru yi kununn-wu.

Yohana 15:2

Kujwo kutuku ti a ku waen-wu awaen be, Itse-m u pyera wu ruru. Ama awu ku kyaenyang ajwo ti ku waen awaen ti yi na waen awaen kora fa.

Kolosi 3:14

Iken ti skeb tag si ti ni na ye ure tetso. Ikyaen ti, ure si iken ti ku yir iken ti tinyang ti tsitsi ne ti uwog kinjo u ku kumunn yi.

1 Tesalonika 3:6

Amaa, tine Timoti sa ira ti tinyang ru uwog-ni ba ri te ti ike risu uwae kinjo-ni ti ure-ni. Awu ri baa, ani na ku tangsom te ti ko kiye titini ti utob ti tsen u ku sha ti ni na nung uwe-ti, pangma ti ati ama ku sha ti ti na u nung uwe-ni.

2 Tesalonika 1:3

Ameinja, ayi tsi ti ti utob uwae ko kiye titini ti ati na nde na Rimam fxaefa ikyaen-ni. Ayi si iken ti pang atang ti ti nde, ikyaen ti, ani ku siser yi uwae kinjo ko ku fufa yi uwe. Ti mbwe-yi ama, ure ti unde titini uwae-ni ku ye te ande ti tsitsi ko ku fufa yang-yi ama.

1 Timoti 1:5

Ame ku sha ti fu na ri te ba ira yine ikyaen ti a na ye ure te atso. Ure yine ku ruye uwae ande ti site utob ti sisaen u ku tang ira ti tinyang u ku ru kubenti uwog Rimam ti utob kinjo.

1 Bitrus 4:8

Ti siskeb meme, ni tsikunn ti ku ye ure ti kubenti tetso, ikyaen ti, ure ku burkyi ikentitibi yang-yi.

2 Bitrus 1:7

ikyenricwu ira Rimam ama te ure ameinja atso, ure ameinja atso ama te ure ti si ana Rimam.

2 Bitrus 3:18

Amaa, ni siser yi rinyangwae ti ben-ayib ti ani ku tu uwog Itsekuru-ti Yesu Kristi Unde ti Nwangru ti. Rurob ti riyinn ā si ana-wu ru fife yi uwe! Ayi ā si ahan.

Ititatso 2:13

Ame nung uwog ti som-fu, ti si uwog ti a ta kutxomkwe Shetann atang. Amaa, afu baefa m ting ting, u pyir-fu ti fu ru uwae kinjo uwog-m be ko uwae kiye ti a wen Antipas ti tsi ti kubenti uwae ira ti ana-m.

Ititatso 2:9

Ame nung pu m rikaen ti afu ku ngwa, te ti afu si unde ti rijang. Amaa, kubenti, afu si unde ti rifunn. Ame nung ira ande ti ku txun mbeb Rimam, ama ku kunn ijwe-ba baa, ande Rimam, ira titibi ti aba ku ri risu-fu, ame fxen tag pu m ayi. Ama aba si-ba ande Rimam ti kubenti be. Aba si kusog Shetann.